ကောင်းကျိုးမပေးတဲ့ အစ်မ
ဤနေ့သည်လည်း သာမာန်နေ့ရက်များထဲက နေ့တစ်နေ့ပါဘဲ
သို့သော် ယခင်ရက်များနဲ့ မတူတာကတော့ တိတ်ဆိတ်အေးချမ်းတဲ့ ရပ်ကွက်အတွင်းရှိ နှစ်ထပ်ပု တိုက်အိမ်လေးအတွင်းမှာတော့ ကမ္ဘာပျက်မတတ် ဆူညံနေလေရဲ့
"အားးး!!!! ငါ နင့်ကို မလုပ်နဲ့လို့ ပြောထားတယ်လေ
နားကန်းနေတာလား !!!!!!"
အခန်းထဲကို ဝင်လာကာ သောင်းကျန်းနေသော လူကို လျစ်လျူရှုကာ ကုတင်ပေါ်က သူကတော့ တစ်ဖက်သို့ပင် လှည့်ကာသွားသေးသည်
အခန်းရှေ့က သူမှာ သည်းမခံနိုင်စွာဖြင့် အိပ်ရာပေါ်မှ လူကို ဆွဲချလိုက်သည်
ဘုန်းး
"ရားး!!!နင် သေချင်နေတာလား"
ကုတင်ပေါ်က ပြုတ်ကျသွားသည်မို့ စိတ်တို ဒေါသထွက်ကာ ပြန် ရန်ထောင်တော့သည်
"ငါ နင့်ကို ပြောထားတယ်လေ ငါ့ဟာတွေကို မကိုင်ပါနဲ့လို့ အေး ကိုင်ရင်လည်း စည်းကမ်းတရှိ ကိုင်ဆိုတာ အခုတော့ ကြည့်ဦး နင်လုပ်လိုက်တာကို!!!"
"ကိုယ့်အစ်မကို နင်လေးဘာလေးနဲ့ ရိုင်းတာ "
"နင့်လုပ်ပုံမှ မဟုတ်တာကို "
"ဟယ် ပြောပြန်ပြီလား နင် လို့"
"၅ မိနစ်ဘဲ ကွာတာလေးကို သောက်ဆရာကြီးအထာ ဖမ်းချင်သေးတယ်"
"အေး ၅ မိနစ် မကလို့ ၅ စက္ကန့်ဘဲကွာကွာ ငါက နင့်ထက် အရင် ရောက်လာတာမို့ နင် ကြီးသူကို လေးစားရမှာဘဲ"
"အပိုတွေ လုပ်မနေနဲ့ လွန်ခဲ့တဲ့ အနှစ်နှစ်ဆယ်လုံး နင်ငါ့ထက် သာတာ ဆိုလို့ အမေ့ ဖင်ထဲကနေ အရင်လုပြီး စောထွက်ခဲ့တာ ဘဲ ရှိတာ "
"fuck ညစ်ညမ်းလိုက်တာ ရိုင်းလိုက်တာ"
တစ်ဖက်လူရဲ့ အိပ်ရာထကာစ ကြောင်ချီးရုပ်နဲ့ ကာတွန်း ညအိပ်ဝတ်စုံတို့ကို ကြည့်ပြီး
