حبيتك رغم فرق السن 🌸بقلم أمل السيد

حبيتك رغم فرق السن 🌹 الفصل الثلاثه وثلاثون

الفصل...الثلاثه وثلاثون

ادهم شال ابنه ومشى من غير اي كلام وده اللي يزعل ريم ان ادهم مش فرحان ان هي حامل للمره الثانيه وفضلت تعيط..؟.

في الصباح

صحت ريم من النوم ما لقتش ادهم جنبها
اضايقت جدا قامت راحت عنده كان ادهم نايم وجنبه ابنه ريم قعدت جنبه حطت يديها على راسها ادهم فتح عينه

ادهم بخضه: في ايه انتي كويسه
ريم بيزعل: ادهم انت لسه زعلان مني
ادهم: ليه بتقولي كده

ريم: اصل امبارح ما كلمتنيش ولا حتى نمت انت لو مش عايز الجنين ده انا ممكن انزله بس ما تزعلش مني انت لما بتزعل مني قلبي بيوجعني قوي وباخاف

ادهم اتعدل وبصلها جامد: انا مش بالقسوه دي يعني انا كنت زعلان لما عرفت تضايقت
طفل عنده خمس شهور تحملي عليه غلط انا كنت خايف يحصل له حاجه دي الفكره اللي جاءت في راسي وقتها وهيكون مسؤوليه عليكي انتي انتي مش عارفه تربي واحد هتربي اثنين ازاي انا مش معترض على حملك انا مبسوط ان اكون اب مره ثانيه كان ممكن ناجل ده كمان سنتين او السنه اقل بس....،
انت قاصده ده صح ولا انا غلطان في كلامي
ريم: كلامك صح بس انا عايزاك جنبي
ما تسيبنيش ابدا.....

ادهم بستغراب: وده ايه علاقته بالموضوع اساسا ان اسيبك وما اسيبكيش
ريم: لما اجيب كمان بيبي تهتم بي،
وما تسبنيش وما تبصش بره...؛لما نتخانق
ادهم ضحك جامد: اه تشغليني بالعيال وكده
لا ما تخافيش مش هابص بره بس ده يكون اخر حمل"

ريم: انا ما اقدرش اوعدك بس انا حابه اجيب عيال كتير قوي يملى عليك حياتك:
ادهم: قد كده بتحبيني يا ريم
ريم بصت للارض: انت حاجه كده يا ادهم
ما تتوصفش بالنسبه لي انا.... عملت حاجات لي كتير وانت زوجي ولازم احبك واللي
يبص لك اقلع له عينيه الاثنين.

ادهم: غيره وشراسه وكسوف حلوه الشراسه خلينا فيها احسن وانا كمان باحبك يا ريم وعمري ما في احلامي او خيالي اللي كنت اتجوز احد شبهك طيبه بهبل كده.. انا كل اللي كان في خيالي ان كنت اتجوز وما كملش كنت فاقد الامل بطريقه رهيبه.. بس ربنا شايل لنا الاحسن*
(إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ)

ريم: طب انا عاوزه حاجه حلوه
ادهم: هو ده اللي كنت خائف منه تاني لا كده كتير علي انا ما صدقت خلصت
ريم: لا انت فهمتني غلط على فكره لنا كلنا
ادهم: حاضر يا ستي عايزه حاجه ثانيه
ريم: لا مش عاوزه حاجه بس انت ازاي نيمت عمر لوحدك
ادهم: طلع جدع وما حبش يعذبني معه نام لوحده طالعه جدع زي باباه ومامته هههه

ريم: انا حاسه ان في تريقه في الموضوع
ادهم: لا ابدا حبيبي انا اتريق عليكي..
ما يحصلش ابدا!
ريم: عيني في عينك كده"
ادهم: اصل عيني بتوجعني”
ريم: ليه ان شاء الله من ايه
ادهم: منك.  
ريم: اه منك يا ادهم كذاب قوي
ادهم: اه طبعا انا كذاب ده لو طلع شبهك يبقى مصيبه ده انا كنت باعصر على نفسي ليمونه ونصف علشان استحملك يبقى هو كمان كده نرش ملح يا مصيبه انت وهو