عزيزتي أنتِ لا تكتملين بأحد ، ولن تضيعي من دون أحد ، اسعدي بمن بقي وانسي من نسى.
للكاتبة البصـراويـة ..
حورية الضابط
فضلاً وليس امرًا علقوا بين الفقرات وصوتوا❤
حرير كعدت الصبح كضيته ماسكات وعنايه اجت ام الصالون نفسه السوتلي مكياجي بالخطوبه سوتلي مكياج حلو وخفيف وشعري سرحته بس كوه قبل ذيب وشرط ما احط علي اي جل او سبري بس اسرحه بالكاويه بدت الحنه والبنات يركصن دخل ذيبي لابس الزي العربي اجه باس راسي وكعد يمي ...
ذيب: شهل جمال
حرير ابتسمت بخجل حناني وحنيته كصصنه الكيك ضل شوي وراح ضلينه نباوعلهم شلون يركصون جوبي ثاني يوم هم كعدت ب6بدلت ورحت للصالون بدله العرس من برا هم بس هل مره اني اختاريتها سوتلي مكياج حلو وتسريحه مرفوعه لبست باروكه هم والاكليل طلعت كُلش حلوه اجه علي ذيب جنت واكفه ودايره ظهري انتظره سمعته تحمحم دار يريد يشوفني لزمت الاكليل بايدي ورفعته شوي ودرت دار من الجهه الثانيه نفس الشي سويت
سمعت ضحكته اجه وكف كدامي درت ورفعت الاكليل هم لزم ايدي وجرني علي بقوه اجن عيوني بعيونه ابتسمت وهوه مبتسم
ذيب: بطلي وكاحه
حرير: احبها ضحك وباس راسي انطاني المسكه جان لابس قاط اسود لبست الكبوس والبرگع وطلعنه ضلينه نفتر بالبصره والاغاني على علوها رحنه للبيت تلگونه بالهلاهل والهوسات كعد يمي نوب كوموا نركص على اغنيه الدنيا حلوه ضليت اركص وذيب يصفك نوب ركص وياي شوي اجه وكت الزفه جسمي كله يرجف دخلوا خواني وجدي وعمامي وذيب اجوا خواني گوموني حطوا ايدي مرتضى بايد ذيب
مرتضى: انطيتك اختي بنيتي وقرة عيني وامي بنفس الوقت ام گلب الحنين حمامتي الحلوه دير بالك على هاي الحمامه ترى اذا انكسر واحد من اظافرها اعتبر نفسك ميت
ذيب: بعيوني
حرير حضنت مرتضى وضليت ابجي واشهك وهوه اجتافه يهتزن وخر عني مسح دموعي وباس راسي
مرتضى: ديري بالج على روحج يروحي انتِ تذكري دائماً...
فاضل: بيوتنا وحضنا مفتوحات الج
رضا: دفري الباب وطبي
حرير ضحكت ومسحت دموعي طلعنه وتوجهنه للبيت طبعاً ذيب مشتري بييت وما اثثه راح نعيش بيه مسافه شارعين عن بيت جدو وصلنا وهمه يهوسون دخلت صعدوني فوك للغرفه ضلن يوصني ويعلمني واني النفس كوه اجره من التوتر سمعت صوتهم يهوسون زفيناك بصايه حيدر طلعن النسوان شويه وانفتح الباب دخل ذيب اجه باس راسي
ذيب: مبروك حبيبتي
حرير بابتسامه خجل وتوتر: الله يبارك بيك
ذيب: شنو تسبحين؟
حرير: اي بس افتحلي قيطان البدله
ذيب: ماشي
