ـــــــــــــــــــــــــــــــــــــــــــــــــــــ
كاعد ارسم وعلى شفافي ابتسامه خفيفه انفتح الباب رفعت راسي شفته اختفت ابتسامتي ورجف جسمي ..
:- شجاي تسوي؟
:- ارسم
:- اممممممممم ترسم حلو حلوو والبستان؟
:- ه هسه ا ا روح اباوع الملامحه اسمر عيونه صغار وحمر شعره اسود خفيف حاجبه مطبور وجهه ممشك خشمه جبير محتل وجهه شكله مرعب من تشوفه تستنتج ان هوه متعاطي او مجرم او الاثنين
اجه باتجاهي رجف جسمي ولزكت روحي بالحايط لزم ذاني ورفعني منها عضيت على شفايفي ودموعي بعيوني باوعلي بنظرة حادة واردف ...
:- اني شگايل
سكتت مارديت واني مدنك وارجف راح اسويها على روحي من الخوف سطرني راجدي طحت بالكاع ونطك راسي بحافة الجرباية خدي احس نار تطلع منه وراسي بي الم مو طبيعي كضني من ياخة قميصي ورفعني باوعتله بدوخه رجع ضربني راجدي وكض فچي ...
:- عيونك اذا تحطهن بعيوني افگسهن
سحني وره واني منتهي دايخ صعدني للطابق الثالث وهوه يكرص بيه ويسب بهمس شمرني بالمخزن:- لا لا يابه لا ابوس ايدك مااعيدها مااعيدها والله كضيت ايده اريد ابوسها...
طكني راجدي وكضني من شعري شمرني بالزاوية انفتح الباب واجه صوت
' تخرخش ذهبها ' اكثر صوت اكرها ..
ــــــــــــــــــــــــــــــــــــــــــــــــــــ
خلصت طبخ كعدت على الكرسي حطيت ايدي على بطني الهث تعبانه اجت مشكات باوعتلي بطرف عينها كعدت:- عفية اريد ماي راح اموت عطش
:- ماكو ماي انلصمي وسكتي طلعي نظفي الطارمه يلاااا
كمت جسمي كله يرجف من العصبية طلعت انظف الطارمه ودموعي ينزلن باوعت للسما نزلت دمعتي ياربي انتَ اعلم بحالي ارحمني برحمتك ياارحم الراحمين مسحت دمعتي وكملت غسل كعدت على المرجوحه امسد على بطني تذكرت ونيسي ابتسمت ياحبيبي شكد مشتاقتله .
:- صخاااام لججج الفگررررررر تعاااااي صبييي الغدااااا ويييين وليتيييي
كمت كوه دخلت جوه وهيه تصيح صبيت الغده .
:- ولييي منااا يلاا مااريد اشوف جهرتجج
رحت للمطبخ كعدت اجت اخذت جداري الاكل ههه تخاف اكل بللت شفايفي بالساني واحس روحي رايحه من العطش والاطفال يدفرون ببطني رحت كمت كوه امشي مستنده بالحايط باوعتلهم كاعدين ياكلون وعز يضحك ويبوس بايدها رحت للغرفة دخلت تمددت على الفراش وضليت اون:- ياحسين يامظلوم ياحسين يااباعبدلله.... عيني يااباعبدلله يا ابو فاضل ياساقي عطاشا كربلاء.... ياعلي ادركني ياعلي ادركني انتَ ابو اليتامه واني يتيمه صيرلي ابو ياعلي ادركني ادركني فزيت على ايد على كصتي فتحت عيوني شفته عبالك شفت امي ذبيت روحي بحضنه وضليت اشهك وابجي ..
