ချစ်သူနဲ့ အတူတူဖြတ်သန်းရတဲ့ နေ့တွေဟာ ကမ္ဘာပေါ်မှာရှိသမျှ အရာတွေအားလုံး လှပနေခဲ့တယ်။ ငှက်ကလေးတွေအသံဟာလည်း တီတာလွန်းတယ်။ နေလုံးကြီးနဲ့ တိမ်လွှာတွေကလဲ ကြည်လင်လွန်းနေတယ်။ သစ်ရွက်တွေလှုပ်ခတ်သံဟာလည်း သာယာလွန်းနေတယ်။ ပန်းတွေလဲ ရောင်စုံဖူးပွင့်နေလို့ မျက်စိနဲ့မြင်သမျှအရာတွေဟာ ပန်းချီကားသဖွယ်။ ဟုတ်ပါတယ် အနားမှာ နွေဦးရှိနေလို့ပေါ့။ ရုံးဆင်းချိန် ရုံးကို Taxi နဲ့လာကြိုတဲ့သူ။ နဒ္ဒီရုံးအောက်ကို ဆင်းလိုက်တော့ ကားနားမှာ အသင့်စောင့်နေတဲ့ ချစ်ရတဲ့လူသားလေး။
"မလာပါနဲ့ဆို...တို့ ပြန်လာရင် ဆိုင်ကိုလာမှာပဲဟာ"
"တွေ့ချင်လို့ပါ...မ ရဲ့"
"ပိုကိုပိုတယ်။ လာ ကားပေါ်တက်...ဗိုက်ဆာတယ် တစ်ခုခုသွားစားရအောင်"
ကားမောင်းနေရင်းနဲ့ ဘေးနားမှာ စကားတွေ တတွတ်တွတ်ထိုင်ပြောနေတဲ့ သူ။ အရင်က စကားနည်းသလောက် အခုနောက်ပိုင်း စကားအရမ်းများလာလို့ နားတောင်ငြီးလာရတယ်။ ဘယ်လိုဟာလေးလဲ မသိဘူး။ သူဂိမ်းဆော့တာက အစ ဆိုင်မှာ ဘယ်သူက ဘာဖြစ်တယ် အဆုံး မရပ်မနားကို ပြောနေတာ။ စကားအရမ်းပြောလာတယ်လို့ ပြောလိုက်ရင် သူ့ရဲ့ တနေ့တာ လှုပ်ရှားမှုကို မ ကို သိစေချင်လို့ဆိုတာလို့ ပြောသေးတာ။
"ဒါနဲ့...နွေဦး ဖေဖေတို့နဲ့ရော အဆင်ပြေပြီလား"
"ပြေပါတယ်။ ထွေထွေထူးထူး စိတ်ဆိုးမနေတော့ဘူး။ အသက်တွေလဲ ကြီးလာပြီမလား။ မာမီကလဲ သဘောကောင်းရှာပါတယ်။"
"တို့ နွေဦးလေး ရင့်ကျက်လာပြီပဲ"
"အစတည်းက ရင့်ကျက်ပါတယ်။ ပြီးတော့ စိမ့်ကိုလဲ သနားလို့။ သူက ကျနော့်အပေါ် တကယ်ချစ်ရှာတာ"
"အင်း...တို့မြင်ရပါတယ်။ အခုလို မိသားစုလေးအဆင်ပြေသွားတော့ ဝမ်းသာတယ်"
ဒီလူသားလေးရဲ့ဘဝကို အချစ်တွေနဲ့ပဲ ပြည့်စေချင်တာ။ လုံခြုံတဲ့ အချစ်တွေနဲ့ မေတ္တာတွေပေးချင်တာ။ တို့လဲ မင်းအတွက်နဲ့ ဖေဖေ့ကို ရင်ဆိုင်ရဦးမယ်ထင်တယ်။ မေမေကတော့ နားလည်လက်ခံပေးတယ်ပြောပေမဲ့ မင်းအတွက် ဖေဖေနဲ့တော့ ဒီတစ်ခါ အတိုက်အခံလုပ်ရမယ်ထင်တယ်။
ESTÁS LEYENDO
နွေဦးမှာ ပန်းတွေပွင့်ခဲ့တယ်
Romanceနွေဦး ဆိုတဲ့ tomboy လေးက သူ့ဘဝရဲ့ အမှောင်ဆုံးအချိန်မှာ တွေ့လိုက်ရတဲ့ လင်းနဒ္ဒီသော် ဆိုတဲ့ ဆရာဝန်မလေးကို ချစ်မိသွားတဲ့အကြောင်းလေးပါပဲ။