Not Anymore :Yoonkook One-shot:

Not Anymore

Unicode

အချောသတ်ပြီးသောစာဘေးတွင်ဘောပင်ကိုသပ်ရပ်စွာထားပြီးနောက် မျက်စိအစုံဟာစားပွဲစွန်းတွင်ထောင်ထားသည့်သေသပ်စွာဘောင်ခတ်ထားသောဓါတ်ပုံဆီသို့ရောက်ရှိသွားသည်။

ဓာတ်ပုံရိုက်ဝါသနာပါသူပီပီ သူဟာအမြဲကင်မရာတစ်လုံးနဲ့ရှုပ်နေတတ်သည်။ရိုက်ထားသမျှကို
သဘောတကျပြလဲကျွန်တော့်အတွက်တော့ရောက်တက်ရာရာရိုက်ထားသည့်ပုံသာဖြစ်သည်။ဒါကတော့
သူပြောသလိုအမြင်မရှိတာကြောင့်ပဲဖြစ်လိမ့်မည်။

'အချစ် စာအုပ်ခနချပါဦး ကိုယ်ရိုက်ထားတဲ့ပုံတွေတစ်ချက်ကြည့်ပေး'

'ငါမအားဘူးကွာ နောက်မှ'

'မရဘူး အခု​ကြည့် အဲ့စာအုပ်ဒီပေး!'

'မပေးနိုင်ဘူး မင်းလုရဲလုကြည့်နော်! မနက်ဖြန်မင်းကင်မရာတစ်စစီဖြစ်သွားမယ်'

'အချစ်ကမမိုက်ပါဘူးကွာ'

'ဟွန့် မကျေနပ်လဲနေ'

'ခလျပ်!'

'စိတ်ပုတ်သောအချစ်နဲ့ အချစ်ရဲ့စာအုပ်တွေလောက်အလေးပေးမခံရလို့ဝမ်းနည်းနေသောကောင်လေးတို့ရဲ့အမှတ်တရ'

'ပေါက်ပေါက်ရှာရှာ'

တကယ်လဲကျွန်တော်နဲ့ပတ်သက်ရင်ပေါက်ပေါက်ရှာရှာနာမည်တွေပေးကာအမှတ်တရဓါတ်ပုံဆိုပြီးသိမ်းဆည်းထားတာမနည်းလှပါ။

"နောက်ကျနေပြီ ညစာချက်ပေးထားလိုက်ဦးမယ်"

သူအကြိုက်ဆုံးပဲကြာဇံသုပ်နဲ့ဟင်းချို
လုပ်ဖို့ပြင်ဆင်လိုက်သည်။

ခါးကိုတင်းကျပ်စွာဖက်ပြီးဂုတ်ပိုးမှခပ်ဖွဖွအထိအတွေ့ကြောင့်ဓါးကိုင်ထားသောလက်မှာ
တုန်ရီသွားရသည်။

'ဘယ်လိုဖြစ်တာတုန်း ရောက်ရင်လဲရေသွားချိုးတော့
မင်းလုပ်မှထိခိုက်ကုန်တော့မယ်'

'ကိုယ်ကအချစ်ကိုအဖော်ပြုပေးဖို့ဟာ'

'ဒါဆိုဟိုဘက်ကအားလူးကိုအခွံသွားခွာပေး'

'ဒီလိုမျိုးပဲအဖော်ပြုပေးချင်တာလေ'

'မင်းကလေသိပ်ပြောရခက်တာပဲ'