شيرين واسامه اتطلعوا ع بعض بصدمه وحكوا):كرستينا!!!!!
اسامه بتعجب:هي طلعت كرستينا؟
شيرين بصدمه:مو هي نفسها البنت اللي كانت بترقص مع غيث
اسامه بصدمه:اي هي نفسها
شيرين:طيب شو نعمل لازم نجيبها قبل لا تروح
اسامه:كيف رح نجيبها وغيث مشاء الله مسوي مشاكل ع قد شعر راسه .. اكيد البنت كمان اذا شافتنا مارح تتركنا ورح تسلمنا للمدير تبع هالمكان
شيرين:طيب برأيك شو نعمل هلأ
اسامه بتفكير:بيصير نخطفها
شيرين:شو؟
اسامه:بمزح بمزح
شيرين:لا ترا الفكره حلوه
اسامه بتعجب:شو نخطف البنت
شيرين:مو نخطفها بس انو ناخدها غصب للسياره وبعدين بنشوف
اسامه:والله طلعتي مانك سهله
شيرين:لك اسامه الخطه رح تنجح انا رح ضل مع غيث بالسياره وانت روح حاول تجيب كرستينا
اسامه:طيب كيف رح نشيل غيث ونحطه للسياره
شيرين:خلص نسنده باكتافنا
اسامه بمسخره:نترحم علي اكتافنا بقا
(شيرين ضحكت وصاروا هما الاتنين يحاولوا يشيلوا غيث وفعلا سندوه وهو كان فاقد الوعي وحملوه للسياره وهما عم ينظرو حواليهم مشان ما حدا يشوفهم)
شيرين:يلا حطو ع مهلك بالسياره ودير بالك ع راسو
اسامه:اوك
(وحطو غيث بالسياره وكان لساتو نايم)
اسامه:هلأ رح روح الحق البنت يارب بس ما تكون مشت او شي
شيرين بخوف:يلا بسرعه لحقها
(راح اسامه للمكان اللي شافو فيه كرستينا بس ما لقاها)
اسامه بتوتر وخوف:لا لا لا لا مشان الله وين انتي رح ناكل خ** اذا ما لقيناكي
(صار يحاول يبص في كل مكان من بعيد لحد ما)
رجل الامن:لك هاد مو اللي كان مع الشب اللي سوي مشكله .. هيي انت
(اسامه سمع الرجل وجري بسرعه مشان اذا مسكوه رح تكون مصيبه)
(اسامه وهو يجري والرجل يجري وراه):يارب ما يمسكني يارب لا يا الله ساعدني
(وفجأه حدا مسكوه وشدو ناحيته في شارع جانبي)
(اسامه بخوف ومغمض عينيه):بعتذر والله هاد كلو بسببه هو مو انا مشان الله اتركني
(اسامه فتح عينيه وشاف ان اللي قدامه مو الرجل)
اسامه:كرستينا!!
كرستينا:شششش
اسامه بهمس:شو ششش شو عم يصير
كرستينا:لك اسكت رح يمسكوك
(اسامه باستغراب سكت وبعدين بدأ يتكلم بعد ما حس انو الرجل مشي)
اسامه:انتي شو عم تعملي هون وليش هيك سحبتيني
كرستينا:شفتك عم تهرب من رجل الامن وحبيت اساعدك
اسامه باستغراب:اي بس انتي ما بتعرفيني
كرستينا:اي انا كنت عم حاول اوصلكم مشان غيث
اسامه:غيث!!
كرستينا:اي غيث كان بدي اتطمن عليه
اسامه:بدك تطمني علي غيث!!
كرستينا باستغراب:اي شو فيها
اسامه:ولا شي .. خلص اذا بدك فيكي تجي معي تطمني عليه
كرستينا :رح توصلني لعنده
اسامه:اي
(كرستينا راحت معو وفعلا اسامه اخدها للسياره اللي فيها غيث وشيرين)
اسامه:غيث هون بالسياره
(سيدرا جرت لعند السياره وفتحتها وفعلا شافت غيث)
كرستينا:غييث
(شيرين اللي كانت قاعده معه استغربت وبصت لاسامه)
شيرين باستغراب:اسامه شو هاد؟
(اسامه اخدها ع جنب وحكالها بصوت واطي)
اسامه:ما بعرف بس لقيت البنت طلعتي من مكان ما وعم تحكيلي انو بدها تطمن ع غيث
شيرين:هي اجت برجليها؟!!
اسامه:اي والله سهلت الموضوع علينا كتير
شيرين:طيب شو رح نعمل هلأ
اسامه:بنخليها معنا لحد بكره مادام هي كتير بدها غيث
شيرين:طيب وين رح نوديها
اسامه:رح نضل بالسياره حتي اذا رح نضل صاحيين لبكره
(اسامه وشيرين رجعوا من السياره واتفاجأو لما لقوا كرستينا حاطه راس غيث علي رجلها وايديها ع راسه)
اسامه:شو هاد
شيرين باستهزاء:ما بعرف بس كتير باين انها ميته عليه
اسامه:كأنو شامم ريحه اشي معين
شيرين:ريحه شو
اسامه:ولا شي ولا شي .. يلا انبسط استاذ غيث صرت بحضن بنت
كرستينا:ايمت رح يفيق
اسامه:والله ما بعرف .. الذنب علي اللي شربه اشي ما كان ينفع يشربه
كرستينا:اسفه فكرت انو بيشرب عادي ما كنت اعرف انو اول مره
شيرين:يعني انتيي اللي شربتيه الخمر
كرستينا:بعتذر ما كان قصدي اني اضره
شيرين بعصبيه :ترا بسببك رفيقنا هلأ فاقد الوعي وما بنعرف ايمت رح يفيق او اذا رح يفييييق اصلااااا
(اسامه مسك شيرين والبنت صارت تبكي)
اسامه:خلص شيرين اهدي مشان ما حدا يسمعنا ... وانتي كرستينا وقفي بكي خلص انشاءالله رح يفيق
كرستينا بدموع:هلأ اذا صارله شي رح كون انا السبب(وبعدين بصت لغيث)غيث بلييز فيق
(اسامه ركب السياره وحكا)
اسامه:شيرين يلا تعي اركبي رح نمشي من هون
(شيرين ركبت السياره بضيق)
(اسامه حرك السياره ومشي بيها)
اسامه:وين بدكم تروحوا هلأ
شيرين:لوين فينا نروح يعني
كرستينا:فينا نروح لعند بيته لغيث
اسامه بسرعه:لاا مو بيته ما ينفع
كرستينا:ليش؟
اسامه:ما ينفع وخلص .. في خيارين
شيرين:شو
اسامه:يا اما نروح نحجز شي اوتيل او بنضل بالسياره
شيرين:خلينا نضل بالسياره
كرستينا في نفس اللحظه:خلينا نحجز غرفه باوتيل
شيرين:لا اسامه خلينا هون بالسياره
كرستينا:الاوتيل احسن مشان غيث ينام
شيرين:لا تسوي حالك كتير بدك راحته ترا انتي السبب
اسامه :جمااعه خلصص .. رح نضل هون بالسياره لحتي يفيق غيث
(شيرين بصت لكريستينا نظره انتصار)
كرستينا:What is your problem!!
شيرين:مالك دخل
اسامه:يييييي تعبت منكم .. وينو غيث هلأ كان سكتكم
(وراح اسامه صف السياره بشارع فاضي مشان يعرفوا ينامو)
اسامه:بنات فيكم تناموا لحتي يفيق غيث وانا بضل صاحي
شيرين:شو ننام(وهمست باذنه)شو نسوي للبنت هي
اسامه بهمس:بنتركها معنا لبكره وبعدين بنتركها تروح بس يجي الصبح مشان نتأكد اننا سوينا المهمه
شيرين:طيب
اسامه:كرستينا اذا بدك فيكي تنامي
كرستينا:لا ما رح انام رح استني غيث ليفيق
اسامه:طيب متل ما بدك
(بعد شوي كانو البنات نايمين واسامه عم يحاول يضل صاحي وعم يلعب بالموبايل تبعو وفجأه)
غيث بدوخه:امممم وين انا
(اسامه بص لغيث بسرعه وحكا)
اسامه بقلق:غيث انت منيح
(البنات فاقوا ع صوت اسامه)
شيرين:غيث انت فقت
غيث:مم شو صار
كرستينا بقلق:غيث انا اسفه انا خليتك تشرب معي انا السبب في اللي صارلك
(غيث استغرب الصوت وقام يشوف مين اللي عم يحكي واول ما شاف كرستينا اتذكر)
غيث بصدمه:شيييت شو صار انا شو سويت وانتي شو جابك
اسامه:لك غيث انت خربت الدنيا
شيرين بضيق:وكمان شربت خمره مع هي الكتكوته اللي جنبك
(غيث اتضايق من حاله وبعدين نظر لكرستينا)
غيث:انتي شو جابك ترا بسببك شربت شي ما كان بدي اجربه وبسببك خربتي علينا ام المه..
(اسامه بصوت عالي مشان يداري علي الحكي اللي كان رح يحكيه غيث):هااااهاااا غيوووث خلص بعدييين
غيث باستغراب:شو في
اسامه بتوتر:خلص بعدين حبي
كرستينا:غيث شو ما بدك ياني مو انت اللي كنت عم تضحك معي وتناديني قمر
غيث بتذكر:ايي بس انو ما في شي بيناتنا
كرستينا:لك مو انت اللي حكيتلي انو بدك تبوسني
شيرين بصدمه :يا حيوان شو هالحكي
اسامه:شو استاذ غيث صرت صايع
غيث بصدمه:انا حكيت هيك .. ايمت
كرستينا:لما كنا عم نرقص وكنت سكران
غيث بضيق:كنت سكران ما كنت بوعي وانا عم بحكي هيك
كرستينا:المهم انو حكيت ..(وحكت بزعل) اذا ما بدك ياني فيني اروح
اسامه وشيرين:لاا
غيث استغرب وحكا:شو في؟ .. خلص لا تمشي خليكي
كرستينا بدلع:كنت بعرف انك بدك ياني
غيث بابتسامه مجامله:ايي(وبعدين بص لشيرين بابتسامه)بتعرفي شيرين هلأ اتذكرت لما كنتي عم تحكيلي انو اطلع معك من الديسكو وعم تسحبيني بعنف وانا عم ببعدك
شيرين :اي منيح متذكر كنت كتير حيوان وقتها
غيث: اعذريني كنت كتير شربان كتير كتير يعني .. الحمدلله اني ما متت
كرستينا:بعيد الشر
اسامه:طيب جماعه بعرف انكم جوعانين لهيك رح اخدكم لمطعم مشان ناكل شي
غيث:طيب اسامه
(اخدهم اسامه للمطعم ونزلوا من السياره ودخلوا وقعدوا بالمطعم وطلبوا اكل)
(دق تلفون غيث وكان زياد)
غيث:الو يا ندل
زياد:انا الندل يا ندل .. لك صايرلك شي تلت ايام مو متصل ولا معبر حدا من الشله وانا بالاخير الندل يا عيب الشوم بس
غيث بابتسامه:والله يا زياد مشغول بكم شغله هيك عم حاول اخلصها
زياد:اذا محتاج اشي احكيلي
غيث:انت بس ادعيلي
(وقفل غيث معه وسرح)
اسامه:غيث فيك شي؟
غيث:اشتقت لرفقاتي كتير
اسامه:وانا اشتقت لعيلتي
غيث:اشتقت لحياتي قبل كل هاد اللغبطه اللي صارت فيها .. حاسس حالي صرت شخص تاني
(اسامه خبط علي كتفه وحكاله):انشاءالله كل اشي رح ينحل اخوي
(غيث ابتسمله وسكت)
(كل هاد شيرين وكرستينا سامعين حوارهم ومو عارفين شو يحكو)
(اجا الاكل وبدأو ياكلوا وخلصوا اكل وطلبوا تحلايه)
غيث:كنت كتييير جوعاان
كرستينا:صحه وهنا غيوثي
(غيث ابتسملها وبص لشيرين)
غيث:شيرين شو ما شفتك عم تاكلي منيح
شيرين:ما الي نفس اكل
غيث بقلق:ليش
شيرين:انت بتعرف يعني
غيث:اي صح .. (بزعل)بعتذر كتير اني خربت عليكم المهمه
كرستينا باستغراب:مهمه شو
اسامه:لا ولا شي كرستينا
(غيث كان عم يشرب عصير ومره واحده شرق بعد ما سمع اسم كرستينا)
غيث بصدمه وتعجب:شووو .. هي نفسها كرس..
(اسامه سد فم غيث بكوميديا واخدو ع جنب وسط استغراب كرستينا)
اسامه:لك كنت رح تخرب كل اشي هلأ
غيث:اسامه انت شو عم تحكي مو فاهم اشي فهمني
اسامه:هي كرستينا اللي كنا عم ندور عليها
(غيث اخد وقت لحتي يستوعب كل اشي)
غيث بصدمه:يعني اللي كنت عم اسكر معها واضحك معها كرستينا اللي بدنا ياها
اسامه:اي
غيث بفرحه:يعني احنا هلأ معنا كرستينا ورح نجيب سيدرا
اسامه بفرحه:اي وبتعرف مين السبب اللي خلانا نعرف كرستينا
غيث:مين
اسامه: انت يا حمار .. بدونك ما كانت رح تكون معنا هلأ
(غيث حضن اسامه بفرحه)
غيث:ماني مصدق انو خلاص رح تخلص الحكايه
اسامه بفرحه:ولا انا
غيث بابتسامه:وكتير فرحان لشيرين كمان
(اسامه ابتسمله ورجعوا تاني للطاوله عند البنات)
غيث:مرحبا كرستينا
كرستينا:مرحبا غيوثي .. شو كنتو عم تحكو؟
غيث:ولا شي
اسامه:جماعه اذا انتهيتوا يلا مشان حجزت غرفتين بفندق
غيث:حلو (وبتمثيل)يلا كرستينا حبي مشان نروح
كرستينا:عنجد انا حبك
غيث بكذب:اي طبعا يلا
__________________
بالفندق
(غيث واسامه وشيرين وكرستينا اخدوا الغرف وكان شيرين وكرستينا بغرفه واسامه وغيث بغرفه)
اسامه:حجزت غرفتين جنب بعض بالظبط مشان ما نبعد عن بعض
كرستينا :ما بعرف يا غيث ليش ما كنا انا وانت بغرفه يعني
غيث:ما بيصير اذا انا وانت بغرفه رح يكون شيرين واسامه بغرفه
شيرين:مشكلتك انو كيف انا واسامه رح ننام بغرفه وعادي انك تنام معها بغرفه!!
اسامه:خلص شيرين مو وقته هاد هلأ البنات يروحوا ع غرفتهم وانا وغيث بغرفه
(وفعلا راحوا كل اتنين ع غرفتهم)
(عند اسامه وغيث)
غيث:ما توقعت بيوم رح نكون قراب لهالدرجه
اسامه:ولا انا صراحه
غيث:كان انس اقرب الي منك .. هلأ صرت انت اللي قريب الي اكتر منو
اسامه:والله هالحياه اللي جمعتنا بهالطريقه كتير غريبه
غيث:كانو قدر هيك
اسامه:اي
__________
(عند شيرين وكرستينا)
شيرين:ما بدي اسمع صوتك طول ما احنا هون
كرستينا بغيظ:كأنو انا اللي كتير ميته عليكي ترا انتي ولا شي
شيرين:شش شش بطلي حكي
كرستينا بعصبيه:احترمي حالك .. انا رح روح لعند غيث يا مريضه
(شيرين بعصبيه راحت وراها لعند غرفه غيث واسامه)
كرستينا:غيوثي افتح الباب
(غيث قام باستغراب ليفتح الباب)
غيث:شو في
كرستينا بدلع:يرضيك هي البنت اللي معكم تضل تهينني وتحكي معي بطريقه مو حلوه
شيرين بمسخره:شو بدك اتعامل معك بالشوكه والسكينه ولا شو
غيث:خلص شيرين اتركيها
شيرين :انت بتدافع عنها ضدي يا غيث
غيث:معلش شيرين خليكي الاعقل
كرستينا:غيوثي انا ما رح اقدر انام عندها بليز خليني نام عندكم
اجا اسامه:كيف تنامي معنا احنا شباب
غيث:خلص اسامه تعو يا بنات نقعد نلعب اي شي مع بعض
(كرستينا دخلت بفرحه واسامه دخل معها)
شيرين :ما بدي العب شي العبو انتو(ومشت من قدام باب غرفته وغيث راح وراها)
غيث:شو في شيرين تعي معنا
شيرين بزعل:ما بدي شي غيث انتو بالاساس صرتوا تعزوها وتحبوها كأنها هي اللي كانت رفيقتكم من الاول
غيث:لا طبعا هي ولا شي بالنسبه النا انا بس بحاول اكسبها مشان تضل معنا وتنجح المهمه لكن مستحيل افضلها عليكي .. تراكي رفيقتنا من قبلها
شيرين بابتسامه:يعني ما رح تحكولي انقلعي كرستينا احسن منك
غيث بمسخره:شو كرستينا ما كرستينا لك انتي رفيقتنا من الاول
(شيرين ابتسمت وراحت معو للغرفه وواجتمعوا كلهم وضلوا ساكتين)
غيث:شو رح تضلوا ساكتين .. خلونا نلعب اي شي ما دام احنا مع بعض هيك
اسامه:شو رأيك نلعب صراحه
غيث:اي شله رفقات لازم تلعب الصراحه هي .. اوك موافق بدكم تلعبوا يا بنات
شيرين:ما عندي مانع
كرستينا:اي اوك موافقه
(راح اسامه يجيب ازازه فاضيه)
غيث:لقيت؟
اسامه:اي جبت يلا اقعدوا بالارض
(قعدوا كلهم بالارض وفجأه رن موبايل غيث)
غيث:الو
___:البوص عم يحكيلكم جود چوب علي المهمه اللي خلصتوها
(غيث بتوتر حكا)
غيث:يعني خلص هلأ
____:اي ع بكره بتترك البنت تروح
غيث:طيب اوك
(وقفل معه)
اسامه:شو غيث؟
غيث:ولا شي بعدين اسامه
(اسامه وشيرين فهموا وسكتوا)
اسامه:طيب يلا رح بلش الجيم
(ولف الازازه وجت علي ان شيرين تسأل اسامه)
شيرين:اممم شو هي اكبر مخاوفك
اسامه بتفكير:اكبر مخاوفي انيي .. اني اخسر اللي بحبهم
شيرين: حلو يلا لف الازازه
(اسامه لف الازازه واجت علي ان اسامه يسأل كرستينا)
اسامه:شو هي اكبر سر مخبيتها
كرستينا:امم (وبعدين اتذكرت)هي انو .. ما بدي احكي
اسامه:ليش شو في
كرستينا:ما بدي احكي وخلص ارجع لف
(اسامه رجع لف الازازه باستغراب واجت علي ان غيث يسأل شيرين)
غيث:كيف انتهت اخر علاقه دخلتيها مع شب
شيرين :اجي حكالي انو زهق مني وما عاد بدوياني وبعدين لما تركنا اكتشفت انو كان عم يخوني مع واحده من رفقاتي
غيث بحزن:اسفلك
شيرين:خلص هاد كان من زمان وما عاد يهمني يعني
(هالمره غيث هو اللي لف الازازه وجت علي ان كرستينا تسأل اسامه)
كرستينا:بعمرك سويت شي وندمت عليه
اسامه بتفكير:اي
شيرين:شو هو
اسامه:حكت بعمرك ندمت مو علي شو ندمت
شيرين:اممم
(غيث رجع يلف الازازه واجت علي ان كرستينا تسأل شيرين)
كرستينا:في حدا هون بتحبيه حب مو صداقه
(غيث واسامه استغربوا من السؤال وبصو لشيرين)
شيرين:لا اكيد كل اللي هون رفقاتي
كرستينا:متأكده
شيرين بنرفزه:انتي لوين بدك توصلي يا قليله الربايه انتي
كرستينا:انا قليله الربايه يا اللي اهلك ما ربوكي
شيرين:اهلي ما ربوني لانهم كانو مشغولين بتربيه اهلك يا حيوانه
غيث بصوت عالي:اسكتوو اسكتوو انتو الاتنين شو في .. كل واحد ع غرفته يلا
(كرستينا وشيرين راحوا للغرفه بعد حوارات وزعيق راحوا ينامو )
أنت تقرأ
مهمه اكتملت|mission completed
Adventure(Not gay) اتنين ما بيعرفوا بعض واجتمعوا عن طريق الصدفه بعدين يكتشفوا انهم واقعين بمشكله ف هل رح يعرفوا يطلعوا حالهم منها ولا......... القصه ما بتحكي ابدا عن اي علاقه محرمه القصه عباره عن كوميديا وصداقه واكشن بين اتنين مشهورين في اليوتيوب الاول غيث...
