مهمه اكتملت|mission completed

part 11

(فاق غيث واسامه من نوم طويل )
غيث:صباح الخير اسامه
اسامه: صباح النور غيث
غيث:لسه ما حدا فاق ؟
اسامه:من شوي فاق كريم ونزل ما بعرف وين
غيث:اه اوك
(وبهاد الوقت فاق مشورب )
مشورب:صباح الخير
غيث:صباح الورد
اسامه:يسعد صباحو
مشورب:شو ما سويتو فطور؟
غيث:لسه هلأ فايق
(وبهاد الوقت موبايل غيث دق برقم عمور)
غيث:الو
عمور:اهلين ابو الغييث
غيث:شو يا حب
عمور:تعا انت والشباب ترانا مسويين تجمع هون
غيث:هون وين
عمور:بالصحراء
غيث:اي اوك انت ابعتلي اللوكيشن واتساب واذا عرفت رح اجي
عمور:اي بس بالله عليك لا تتأخر زي كل مره
غيث:لا لا تقلق ما عليك
(وسكر الخط )
اسامه:شو في؟
غيث:عمور والشله مسويين عزيمه بالصحراء وهيك
اسامه:اي حلو
مشورب:منيح كتير احسن من قعده البيت
(واجا الميعاد اللي المفروض يروحوا فيه للتجمع وفعلا راح غيث ومشورب واسامه للمكان )
زياد:واخيرا الندل شرفنا واجا
غيث بضحك:والله ما في ندل غيرك
زياد:اي انا الندل اللي كنت مختفي شهر وما حاكي لحدا
غيث:خلصنا هالسيره حكيتلك كنت عم خلص كم شغله
ساره(زوجه زياد):خلص زياد اتركه ويلا جايبين هون شاورما
مشورب:تعي نحنا نروح للشاورما
اسامه بتفاجأ:في هون شاورما
زياد:اي صح اسامه ما لاحظتك كيفك
اسامه:منيح والله زياد
زياد:شو ما شفتك من لما كنا بالم....
اسامه قاطعه:بالمطعم لما كنت مع انس واصاله خلص حفظت هالجمله
غيث بضحك:كل ما حدا يشوفه لازم يحكي هيك
زياد:طيب عنجد وين كنت انا سمعت انو انس واصاله سافروا ليش ما سافرت معهم؟
اسامه:شو ما بدك ياني هون معكم يا عيب الشوم خلص انا ماشي
زياد بضحك:لك ما اقصد هيك قصدي انو مو كنت معهم شو حبيت دبي قررت تضل هون
اسامه:ياريتها هيك بس يا زياد
زياد:شو ما فهمت؟
بيكي(رفيقتهم):كيفك غيث
غيث:كيفك بيكي وين كنتي ما شفتك
بيكي:كنت قاعده هونيك مع ايدي ولين وكريم واحمد وسالي والشله تعو ليش انتو هون لحالكم
غيث:كنا عم نحكي مع زياد بس يلا نروح عندكم
(وراح زياد وغيث واسامه وبيكي لرفقاتهم )
ايدي:وسسع وسسع ابو الغييث اجا
غيث:كيفك ايدييي
ايدي:منيح والله غيوث انشاء الله تكون انت منيح
غيث:انشاء الله منيح
(لمح غيث عمور وجري عليه)
غيث:عموووور
عمور:غيث والله مشتاقلك يا واطي
(وحضنوا بعض)
عمور:صارلي زمان مو شايفك وين كنت
غيث:كنت في رحله بجهنم هيك
عمور:طيب منيح شو كنت عم تعمل هونيك
غيث:كنت عم بحجزلي مكان هونيك
عمور بضحك:لا تقلق مكانك محجوز من زمان
(وقاطعهم صوت اسلام وبرهوم)
اسلام:صباح الفل عليكووو
برهوم:كيفك يا باااشاا
غيث:اجا الثنائي الاهبل
(برهوم ضحك)
عمور:اسلام صارلي شي يومين عم دور علي فرده شرابات دور هيك يمكن نلاقيها بشعرك شي
اسلام بمسخره:اقولك فين الشرابات وما تزعلش
اسامه قاطعهم:انا بعرفكم انتو الاتنين شفت فيديوهات الكم علي اليوتيوب
برهوم:انت اسامه مروه اللي بتطلع مع انس واصاله صح
اسامه:اي انا اللي بطلع معهم
برهوم:كييفك اسامه والله كان نفسي اقابلك من زمان
اسامه:والله كله تمام وانا كمان كان بدي اتعرف عليك
اسلام:طيب هما فين انس واصاله انا سمعت انهم كانوا هنا في دبي
اسامه:اي كانوا هون وسافروا للوس انجلوس وانا ضليت هون
اسلام:اه كويس ادي واحد جديد في الشله اهو
(اسامه ضحك وراحوا كلهم اكلوا شاورما وصاروا يمزحوا مع بعض واتعرفوا اكتر ع بعض )
(وفي وسط مزحهم وحكيون دق موبايل غيث)
(اسامه انتبهله واتطلع عليه)
(غيث اتطلع عليه وحكاله):اسامه تعي معي بدياك ب شغله
(اسامه بقلق راح معه وبعدوا عن الشله )
غيث:شيرين عم تتصل
اسامه باستغراب:طيب رد بسرعه
(غيث رد علي شيرين ورفع الصوت)
غيث:الو شيرين
شيرين بخوف:غيث
غيث بقلق:شو في؟
شيرين:تعا بسرعه للبيت عندي
غيث بخوف:شو في شيرين شو صاير
(سكرت شيرين الخط)
اسامه:بسم الله شو في
غيث:ما بعرف بس لازم نروح بسرعه
(وجري بسرعه غيث لياخد اغراضه من عند الشله)
زياد باستغراب:شو في غيث
غيث بتوتر:ولا شي بس انا واسامه رح نمشي
مشورب:هيك فجأه
اسامه:بس شغله صغيره رح نخلصها ونجي
(ومشي غيث واسامه لسياره غيث وسط استغراب الشله)
غيث:اسامه اربط حزام الامان
اسامه:ليش؟
غيث بصوت عالي:يلا اسامه بدنا نلحق البنت
(اسامه بسرعه ربط حزام الامان وسط خوف وتوتر)
(وساق غيث السياره بسرعه عاليه وسط خوف اسامه من السرعه)
اسامه بصوت عالي وخوف:هدي شوي غيث رح نسوي حاااادث
(غيث ما رد)
اسامه بخوف:اشهد ان لا اله الا الله يارب بدي اعيش
(وصل غيث واسامه لبيت شيرين ونزلوا بسرعه وصار غيث يرن الجرس بسرعه)
غيث بصوت عالي:شيرين افتحي الباب شيرين
اسامه:ليكون مهددينها بشي سلاح ومو عارفه ترد
(غيث خاف وما رد وصار يدق كتير ع الباب)
غيث:شيييرييين
اسامه:هيييي افتحوواا الباااب بنعرف انكم هوووون
(وفي وسط صراخ غيث واسامه الباب انفتح)
ام شيرين:شو في مين انتوا ليش عم تصرخوا هون
(اسامه وغيث بتوتر اتطلعوا ع بعض )
اسامه بتوتر:اا احنا رفقات ش شيرين
ام شيرين باستغراب:رفقات شيرين !!
غيث:اي رفقاتها وبدنا نحكي معها
ام شيرين:طيب ليش عم تصرخوا هيك وشو بتعرفوا اننا هون؟
(وفي وسط حديث ام شيرين مع غيث واسامه اجت شيرين بسرعه)
شيرين:اي غيث اسامه كيفكم
غيث بقلق :اي مناح انتي منيحه؟؟
شيرين بتوتر:اي اي منيحه .. اتفضلوا ليش واقفين هيك
ام شيرين:مين هدول شيرين ما حكيتيلي عنهم
شيرين:ما اجا فرصه اني احكيلك ماما نسيت
اسامه:نحنا بنعتذر علي الازعاج خالتو
ام شيرين:خلص ما تاكل هم
شيرين:تعو يلا فوق
(واخدت شيرين غيث واسامه لغرفتها فوق)
اسامه:شو في ايش في؟
شيرين بخوف:من شي ساعه هيك اجاني رساله من رقم غريب عالموبايل
غيث:رساله شو؟
(شيرين اخدت موبايلها وطلعت الرساله)
(الرساله عباره عن:بنعرف انكم حاولتوا تخبروا الشرطه .. ما توقعت تكونوا بهالغباء .. مراقبين كل خطوه عم بتسوها ..  ديروا بالكم عحالكم )
اسامه:شو هالهبل
غيث:اكيد مو هو اللي باعتها هو مصري وهاد سوري
اسامه:مو هاد المشكله المشكله انو عم يحاولوا يستفزونا
شيرين بخوف:ما بعرف شو اسوي مبين انهم ما بدهم مصاري بس شو بدهم
غيث:بتتذكروا لما سوينا هالمهمه تبع الديسكو وكرستينا
اسامه:هاد شي بيتنسي
غيث:اكيد بدهم مننا اننا نسوي مهام تانيه
اسامه بفجع:شوو لا اكيد
غيث:شيرين اعطيني الموبايل
(اخد الموبايل وبعت للشخص رساله )
اسامه:شو سويت
غيث:بعتت(شو بدكم منا اذا بدكم شي نسويه احكولنا عنوان مشان نتقابل)
اسامه:لك شو سويت غيث
غيث:اسامه شو في انت رح نسوي اي شي بدهم ياه مشان نرجع البنت البنت صايرلها شي شهر مخ....
(وقاطع حديثهم دخول ام شيرين)
ام شيرين:شو في؟
غيث بتوتر:ما في شي خالتوا كنا عم نحكي بس
ام شيرين:شو في ليش هيك متوترين كأنكم عم تخططوا لتقتلوا حدا
اسامه بتوتر :لا طبعا ههه شو نقتل حدا خالتو لا طبعا هههه
شيرين:ما في شي ماما عم نحكي عادي رفقات
ام شيرين:طيب تعوا برا اقعدوا نحكي كلنا
غيث :طيب اوك خالتوا
(وراح غيث واسامه وشيرين للصالون مع ام شيرين)
ام شيرين:مو عيب عليكي شيرين ما ضيفتيهم لهلأ
شيرين:نسيت خلص رح قوم اسوي شاي النا
(وراحت شيرين للمطبخ وتركت امها مع غيث واسامه)
ام شيرين:نورتوا
غيث باحراج:بنورك طنط
اسامه بابتسامه:انتي اللي منوره والله
(وصاروا في حاله سكوت لدقيقه وسط توتر اسامه وغيث)
ام شيرين: احم ما رح تعرفوني عحالكم
غيث:اي صح بنعتذر .. انا اسمي غيث عمري 30 سنه
اسامه:وانا اسمي اسامه عمري 26
ام شيرين:ما شاء الله اتشرفت بمعرفتكم
(ابتسم غيث واسامه)
ام شيرين:شو بقا كيف اتعرفتوا علي شيرين
(غيث واسامه بتوتر اتطلعوا ع بعض )
غيث:اتعرفنا عن طريق الرفقات المشتركه وهيك
ام شيرين:عنجد؟
اسامه:اي فعلا
ام شيرين:اكيد بتعرفوا بنتي التانيه سيدرا بقا
اسامه بتوتر:لا ما بنعرفها مين هي
ام شيرين: هي بنتي التانيه بعد شيرين كانت المفروض تكون هون بس هي برحله مع رفقاتها
غيث بتوتر:عنجد .. اي منيح
ام شيرين:اشتقتلها كتير صايرلي فتره ما حاكيه معها مشان موبايلها خربان
غيث:انشاء الله تعرفي تتواصلي معها عن قريب
ام شيرين:بنتي سيدرا كتير رقيقه وحساسه وكانت دايما انطوائيه مع حالها وهاديه رح تحبوها لما تتعرفوا عليها
اسامه بابتسامه: انشاء الله .. الله يخليها الك
(ابتسمت ام شيرين وسكتت)
ام شيرين:هاد آذان العشاء؟
غيث:اي
ام شيرين:طيب رح اترككم بقا انا بدي اروح اصلي العشاء
اسامه:روحي خالتوا الله يتقبل منك
ام شيرين :تسلم حبيبي(وطلعت الطابق التاني)
غيث بصوت واطي:والله كنت ثانيه وانقط مي من التوتر
اسامه:مو اكتر مني .. المهم ردوا عليك؟
غيث:لا لسه ما شافوها اصلا
اسامه:يا الله
(وفي وسط حكيهم دق الجرس )
(غيث واسامه استغربوا وقاموا ليروحوا المطبخ عند شيرين)
غيث:شيرين الباب عم يدق
اسامه:انتو منتظرين حدا؟
شيرين باستغراب :لا!
(غيث واسامه وشيرين قلقوا وراحوا ليفتحوا الباب )
شيرين:شو هاد!!
(كان في قدام الباب صندوق اسود )
اسامه بقلق:شو هاد
غيث بخوف:ما بعرف بس هاد اكيد منهم
(شيرين اخدت الصندوق وفاتوا كلهم للبيت وطلعوا لغرفه شيرين )
اسامه:استنوا بقا لانو ممكن يكون في قنبله
غيث:لا شو قنبله اكيد لا
شيرين:طيب ليش باعتين صندوق اسود هيك غريب
غيث:ما بعرف هلأ بنشوف
(وبدأ غيث بفتح الصندوق بتوتر وفعلا فتحوا )

(غيث واسامه وشيرين اتطلعوا ع بعض بعد ما شافوا اللي جوات الصندوق)

     ___________________________

وخلص البارت🤍
اتمني يكون عجبكم وبعتذر عالتأخر🥰
وبس سلام هانيز

        س:شو بتتوقعوا يكون بالصندوق؟