(وراحوا بسرعه للسياره مشان يشوفوها وفتحوا السياره وانصدموا)
غيث بصدمه:كرستينا!!
كرستينا:كيفك غيوثي
غيث:شو كيفك انتي شو عم تعملي هون
(طلعت شيرين من السياره ببرود ووقفت بوش غيث)
كرستينا:لا يا غيوثي ما توقعت رده فعلك هاد
اسامه:معلش ممكن تفهمينا انتي شو عم تعملي هون وكيف وصلتي لسياره غيث
كرستينا:الحكايه كلها اني لما نزلتوني من سيارتكم هي انا ما سكتت ومشيت وراكم وبعدين لقيتكم اختفيتوا من سيارتكم او حدا اجا اخدكم سو دخلت السياره واستنيت لحتي تيجو وضليت افتل بالسياره لحد ما شفتكم عم تجروا ف مشيت وراكم وشفتكم دخلتوا للشرطه وضليت برا لحتي استناكم وبعدين لقيتكم اتأخرتوا ف قررت لفوت لشوف شو في ولقيتكم مربوطين بهاد الشي اللي بينربط بأيد المسجون وسمعت الشرطي عم يحكي انو بدو حدا ليطلعكم وقررت اني اروح احكيه ووافق انكم تطلعو
(غيث واسامه وشيرين عم يحاولوا يستعبوا كل هاد)
غيث:كل هااد صاار
اسامه:والله من بعد اللي مرينا فيه صرت اصدق اي شي
شيرين:وصرتي تتجسسي علينا كل هاد بدون علمنا
كرستينا:بدوني كان رح تكوني عن تعفني بالسجن هلأ .. اصلا كان ياريتني طلعت بس اسامه وغيوثي
شيرين بعصبيه:شوو قصدك
غيث:خلص خلص اسكتو ... يلا نركب السياره بدنا نرجع البيت
(وهو عم يروح السياره اتذكر شي)
غيث :استنو شو بس رح اروح اسوي شي
شيرين بفهم:اه اوك
(غيث كان رايح ليجيب السلاح اللي حطو ورا الشجره)
غيث:يلا تعي حياتي اجيتلك
(غيث راح للشجره بس ما لقا السلاح)
غيث بصدمه:شييت وين السلاح
(وضل يحاول يلاقيه بس ما لقاه)
غيث بتوتر:يا الله ليكون الشرطه اخدتو
(غيث ضل يدور بس السلاح كأنو اختفي ورجع للسياره مره تانيه)
شيرين:شو غيث؟
غيث بتوتر:شيرين مو لاقيه
شيرين بصدمه:انت شو عم تحكي وينوو
(كرستينا اجت وطلعت السلاح من شنطتها)
كرستينا:شو عم تدوروا ع هاد؟
(غيث بصدمه شد كرستينا لجوا السياره)
غيث بصدمه:انتي شو عم تعملي الشرطه رح تشوفوا .. شو عم يعمل معك
كرستينا: شو في بعد عني هيك
غيث:اعطينا اللي بايدك هاد
(اعطته كرستينا السلاح وغيث خبأه بالبنطلون)
كرستينا:رح تحكيلي كل اشي عم يصير معكن
غيث بصوت واطي:لك بعدي عني بقا مو ناقصتك
(غيث ركب السياره وشيرين وكرستينا واسامه ركبوا معه)
غيث:رح وصل كل حدا فيكن لبيته وما بدي ربع حكي والله رح اقلب عليكن انتو الاتنين
(كرستينا وشيرين بخوف سكتوا واسامه كان عم يفتح موبايله)
اسامه بتفاجأ:اكتر من 100 message بسم الله
شيرين:اكيد هدول من اهلك
اسامه:اي هاد من انس واصاله و .. شووو امي!!! ... ناقص ميلا وتكون كملت
(اسامه ترك موبايله واتنهد وغمض عينيه لحتي غيث يوصل البنات)
(وفعلا غيث وصل شيرين الاول وبعدين سأل عن عنوان كرستينا ووصلها)
(وضل اسامه وغيث بس بالسياره)
(وضلوا الاتنين ساكتين لحد ما)
غيث:اسامه بعتذر منك
اسامه:علي شو
غيث بتنهيده:اللي حكيته الك واحنا بالحجز
اسامه:لا عادي ما زعلت
غيث:جد ما زعلت!!
اسامه:يعني انو بس شوي
غيث بابتسامه:بس شويي
اسامه:الصراحه اتضايقت كتير
غيث:بعتذر صاحبي بس عنجد كنت مضغوط من كل اشي وحاسس انو ما في شي بدي ياه عن يصير وكل شي ضدي
اسامه:مو لحالك غيث انا كمان عم مر معك بفتره صعبه .. بس يمكن انت اكتر شوي بسبب اللي عن يصير معك بخصوص كرستينا
غيث:هاد هم جديد اجالي ما بعرف من وين .. كتير ندمان
اسامه:انشاء الله كل اشي رح ينحل ورح نخلص من كل هاد قريب
غيث:انشاءالله
(غيث وصل اسامه للاوتيل وسلموا ع بعض ومشي غيث)
اسامه بتوتر:كيف رح اتطلع بوش انس هلأ شو رح احكيله
(اسامه طلع علي الاصنصير)
اسامه:يارب يكونوا نايمين يارب يكونوا نايمين
(وصل اسامه للغرفه وخبط علي الباب )
اسامه:شو هالغباء هلأ رح يفيقوا اذا كانوا نايمين
(وما لحق يخلص جملتوا الا ولقا انس فتح الباب )
انس بخوف وعصبيه:وين كنت يا حيوااان يا تيييس ويين كنت مختفيي العيله كلها قلقت عليييك
اسامه:اهدي بس انس وخليني افوت ورح احكيلك كل اشي
(اسامه فات السويت واصاله كانت نايمه)
انس:اتفضل احكي وين كنت لحتي اطمن امي وابوي
اسامه:شو عرف امي وابوي وهن بكندا!!
انس:انا حكيتلهم لانهم سألوني ليش ما رجعنا للبيت لهلأ .. لا تخرجني من الموضوع واحكيلي
اسامه:انس انا عنجد عم مر بفتره صعبه علي وما بعرف اذا بقدر اخبرك او لا
انس بقلق:شو في لا تخاف احكيلي
(اسامه كان رح يحكي لانس بس اتذكر حكي رئيس العصابه وسكت)
اسامه:بعتذر اخوي بس ما بقدر
انس:اخوي انا بثق فيك وبعرف انك ما عم تسوي اشي غلط بس اوعدني انك رح تكون بخير
اسامه بتنهيده:انشاء الله اخوي انا بخير
(انس بقلق ترك اسامه يفوت غرفته وراح نام)
اسامه:يا ربي شو اعمل بحياتي ليه انقلبت هيك يارب افرجها
(ودق باب غرفته وكان انس)
انس:اسامه نسيت احكيلك انو بكره بالليل رح نرجع ع لوس انجلوس
اسامه بصدمه:شو!!
انس:حبيت اخبرك بس لانو انت اخرتنا كتير
(وبعدين انس طلع من الغرفه)
اسامه:يا الله كنت لسه عم احكي افرجها
(وبدل تيابه ورما حاله بالتخت)
___________________
عند غيث
(غيث رجع ع بيته)
غيث:ااه اخيرا شفت بيتي مره تانيه
(قاطعه دخول كريم)
كريم :يا مرحباا بالمختفي اللي فكرناه مات
غيث:شوو ايش
كريم:شو اللي شوو ايش لك انت ويين كنت
غيث:كان في شغله عم حاول اخلصها
كريم:شو الشغله اللي تخليك تسكر الموبايل وما تتصل لمده شي اسبوع
(غيث حس بتعب لانه ما رح يقدر يحكيله اشي)
غيث:كريم فيك تتركني لحالي انا كتير تعبان
كريم:شو صارلك غيث كتير غريب صرت
غيث:يمكن .. وينو مشورب
كريم:مع رفقاته قرر اليوم يبات عندهم
غيث:طيب انا رح روح انام مشان الوقت صار متأخر
كريم:طيب يلا تصبح ع خير
غيث وهو طالع:وانت من اهل الخير كريموو
(وطلع غرفته وبدل تيابه واخد السلاح خبأه تحت التخت وبتعب رما حاله ع التخت بس..)
(موبايل غيث صار يرن وكان اسامه)
غيث:الوو
اسامه:الوو
غيث:امم شو بدك
اسامه:مشاء الله مين علمك هالذوق كله
غيث:نفس الشخص اللي علمك انو لازم ما تفيق الناس من النوم
اسامه:انت كنت نايم؟؟
غيث:كان مشروع نوم وانت خربته
اسامه:طيب منيح .. بدي احكيلك اشي
غيث:شو
اسامه:انس واصاله بدهم يسافروا بكره بالليل
غيث:اي وبعدين
اسامه:شو وبعدين انا رح سافر معهن
غيث:ليش لازم تسافر معهن؟
اسامه:لك انا بيتي وعيلتي هونيك وحياتي هونيك
غيث:يعني خلص رح تسافر وتترك كل اللي عم يصير معنا؟
اسامه:لك هي المشكله اني ما بدي اسافر واترك كل هاد
غيث:طيب شو رح تعمل انت شو بدك
اسامه:بدي اسافر وارجع لحياتي الطبيعيه وبنفس الوقت ما بدي اترك شيرين واختها
غيث:لا تسافر اسامه وتتركني بهالموقف لحالي
(اسامه حس ان نبره صوت غيث فيها استعطاف وحس انو غيث محتاجه)
اسامه:طيب فيني الاقي حل
غيث:شو؟
اسامه:انت بكره الصبح تعال قابلنا بالاوتيل
غيث:اوك طيب
اسامه:يلا رح اتركك تنام
غيث:سلام اخوي
(وسكروا الاتنين الخط ورجعوا ناموا نوم عمييق)
____________________
تاني يوم الصبح
باوتيل انس واصاله
(انس واصاله وميلا كانوا عم يصوروا فيديو يوتيوب واسامه قاعد بالطاوله عم يشتغل ع اللابتوب تبعو)
انس:هيااا بينااا
اصاله:Let's go
(ووجه الكاميرا لميلا لحتي تحكي بوبوبوبو)
(وسكروا الكاميرا)
اسامه:هاد فيديو لشو؟
انس:هاد فلوق السفر الي كاليفورنيا
اسامه بتوتر:اي صح اليوم بالليل السفر
انس:اي جهز حالك بقا
(اسامه سكت وما عرف شو يحكي )
(وفجأه باب السويت خبط واصاله راحت تفتح)
اصاله:غييث!
غيث بمزح:شو هالاستقبال الف وارجع يعني
اصاله:اي يلا ارجع
انس بفرحه:اخوووي كييفك
(غيث بفرحه راح وحضن انس)
غيث:منيح يا انووس وانت
انس:والله مشتاقلك .. وين كنت
غيث:كنت عم خلص كام شغله هيك
انس:اي اي اسامه حكالي
غيث باستغراب:شو حكالك
انس:انكم كنتو عن تصوروا فيديوهات سوا وهيك
(غيث كان رح يرد باستغراب بس قاطعه اسامه)
اسامه بتوتر:اي اي غيث الفيديوهات اللي صورناها سوا
(غيث فكر شوي وبعدين فهم)
غيث:اي اي صح كنا عم نصور فيديوهات
انس بمزح:شو كنتو عم تظبطوا نسوان ولا شو
اسامه:ياريت
انس:يا كلاب بدوني
اصاله بصوت عالي:شوووو
انس:لا ولا شي حبيبتي كنت بس عم كح .. كح كح كح
(غيث واسامه ضحكوا وبعدين حكا اسامه)
اسامه:طيب انس انا جبت غيث اليوم مشان نصور مع بعض وهيك
انس:طيب بس لا تنسي تضب شنطايتك
(اسامه وغيث بتوتر نظروا لبعض)
اسامه:انس ما بعتقد اني بقدر اسافر معكم
انس باستغراب:_________
_____________________
وخلصت البارت💫
اتمني اذا حبيتو الروايه تحكولي مشان اكمل💞
وبس سلام هانيز🍯💓
أنت تقرأ
مهمه اكتملت|mission completed
Adventure(Not gay) اتنين ما بيعرفوا بعض واجتمعوا عن طريق الصدفه بعدين يكتشفوا انهم واقعين بمشكله ف هل رح يعرفوا يطلعوا حالهم منها ولا......... القصه ما بتحكي ابدا عن اي علاقه محرمه القصه عباره عن كوميديا وصداقه واكشن بين اتنين مشهورين في اليوتيوب الاول غيث...
