عندما يتحكم القدر،؟

بارت 17

الكاتبة، maream
,
,

：:دائما تهمنـჂ̤ راحۃ بالـჂ̤ فلا تستغرب םـن ڪونـჂ̤ أتجاهل اشيـاء واضحـۃ🤍.

  ______مشاهدة ممتعة _____

رزان... كمت اضحك عليها سكتت من تذكرت شلون ماقبلت تزوج لا هي ولا بدر الى من تفوت السنة مال اهلي يكلولي نريدج توكفين على حيلج ونحسج رجعتي رزان القديمة يلا وكتها نسوي العرس ولاحلى ريحانة وحرر جانوا نفس القرار فعلا هسة تأكدت الدنيا بعدها بخيرر اكو ناس طيبة لهذا السبب الله راحمنا بسبب رحمة كلوبهم كل ما اذكر وكفتهم اليوم احمد ربي واشكرة على العوض الحلو وعلى الدنيا الجنت اكول عليها هي شباقي بيها بس الموزين بس هسة نضرتي تغيرت واني اشوفهم يفرحون الفرحي ويحزنون الحزني فعلا بعدها الدنيا بخير الف الحمد لله ولشكر لمهم الكل بدل وكمل واجتي الكوستر سراج كال ناخذ كوستر ننجمع بيها وفعلا اجتي ب 11:15 صعدنا وقفلنا البيبان وتوجهنا لاحلى مكان توجهنا للعزاز توجهنا( للأمير والحبيب علي عليه السلام) تمشي السيارة واني فرحانة راح اشوف اهلي صار هواي مرايحة الهم فاتت ساعات نص نامت ونص كاعدة تسبح ونص كاعد تقرة ادعية وبيدها الكتاب خليت راسي ع جامة واني اتنفس الهوة البارد جان بوكتها الجووو حييل بارد سراج بوكتها عينة علية طول الطريق يدير وجهة ع الشارع ويرجع ورة عشر دقايق يباوع علية احسة خايف علية اكثر من نفسة فعلا اذا ردتوا تعرفون الشخص يحبكم او لا بس لاحضوا اهتمامة بيكم يعرف شتحبون يعرف شنو تكرهون يعرف تفاصيلكم يعرفكم حتى من عيونكم اذا بجت وهذا جان سراج يعرف لحجاية قبل لتطلع من حلكي جان دائما يكلي لا تعبين نفسج وتحجين اعرف شتقصدين ويسكتني ميخليني اكمل تعلقت بسراج هوايي بسبب اهتمامة الي صح هو عصبي ومينجرع ههه بس ولله ماكو احن واطيب من كلبة لمهم وصلنة تقريبا الفجر للنجف كالوا نزور الامير يلا نروح للمقابر فعلا توجهنا للامير واني اتنفس حيييل هنا ترتاح النفوس هنا واحد يحس نفسة بأمان هنا لواحد يغمض وهو مطمئن بحضرة واحد اسد دخلنة نزور النسوان وحد ولزلم وحد وسراج كلساع يوصينة ديرن بالجن تعالن هنا مو تيهن لحد مادخلنة ناس تشكي وناس تبجي وناس تحسها فعلا مكسورة تحسة ملجأ للمنكسرة قلوبهم وفعلا حضرتة مكان للقلوبهم مكسورة كامن يصلن واني تقدمت يم الحضرة وكلت ((السلام عليك سيدي ومولاي اجيتك يامولاي اجيتك اليوم وكلبي مرتاح اجيتك وفرحانة بعوض ربي صح اعترف خسارتي جبيرة ولجمة كلبي تبقى وياي لاخر عمري ومستحيل انساهم هذول اهلي هذول جانوا كل حياتي جنت دائما اكلهم حياتي بدونكم مالها معنى وبفضل الله وفضلك اجاني العوض اي الله عوضني بعائلة ماكو منها عوضني بشيء حلو بس عندي طلب يمك يا أمير المؤمنين اذا جان سراج ماراح يكسرني بيوم من الايام وماراح يعوفني وراح يكون سندي سهل حياتي وياها انت تعرف البيناتنا اكثر من حب وأكثر من شيء حلو بحقك عند الله فرح كلبي وسهل حياتي والسلام عليك يا ولي الله))
.... بعدها سلمنة وطلعنة وتلكونة الولد اول ماشافني سراج لزم ايدي وهو يكول...