قضيته مغامره

يامحاسن الصدف:

هلو اني يمامه من العراق محافظة واسط عمري 17 طالبة خامس اعدادي عندي اخت اكبر مني بسنه اسمها هيام وثنين اخوان الجبير اسمه ياسر عمره 23 والصغير عمره 11 سنه أحمد
اني طبعي غريب ع فوضوي ع حلو ع مزعج ع مستفز
بين قوسين(كوكتيل)

چنه كاعدين العصر اني واهلي وكلمن ملتهي بشغله جان يجي ياسر يكول : كومو نروح نسير ل بيت عمامي مدام ماعدنه شي وعطله مشتاقلهم ومشتاق للبصرا كلش

يمامه : ياسر تدري بيه ماحب طلعات الكرايب خلينه كاعدين وساكتين وبلا افكارك لفجائيه كلساع

ياسر : شبيج خيتي ام لسان صارلنه هواي ماطالعين سوه كومو يلا خل نروحلنه فد چم يوم ونرجع

امي وبابا : يباعون علينه ويضحكون شو انتو تتناكرون وتخططون بكيفكم واحنه كاعدين

ياسر : حشاكم بويه انت شنو رايك اكيد موافق ع فكرتي مو بله اني وياك وعمامي ولدهم هناك نتجمع ونروح ناخذلنه فرات ع البساتين مشتاق للريف كلش يابه

بابا : والله يا ابني خوش فكره بس يمامتنه الحلوه ماعاجبتها الا توافق وتقتنع ياله نروح

يمامه: ابتسمت لبابا وصديت ع ياسر غمضت عيوني وطلعت لساني نننن على عنادك
ياسر : خوش خوش سهله انشالله ام كصه كيفتي خوب
يمامه : ههههههههههههههههههه طبعا عيني عيني

امي : كافي مناكر ولكم يمه يمامه اني هم صار هواي مارايحه لعمامج وتعرفين ماصار هواي من نكسرت رجل ابن عمج وهم زحمه مارحنه وفشله من عمتج خابرتني قبل يومين عاتبتني ليش كاطعين وماتجون خل نروحله چم يوم ونرجع
هيام : اي صدك يمامه شعدنه خل نروح نتونس ونتجمع احنه وبنات عمامي ونروح هم نفتر لعصر بل بساتينهم ع هواء الطلق ههههههههههه شرايح يلا بلا عناد كافي وافقي
احمد : اي يمامو حبابه اريد اروح اشوف الطيور مال عمو علي
يمامه : هههههههههه اوووو كلكم صرتو ضدي يلا تمام بس كم يوم ع وعدكممم الي
امي : طبعا اكيد منطول
ابويه : ياله لعد تحضرو وانشالله العصر نتوكل للبصره
بدينه نتحضر واني اتلاطم مالي خلك لان ماحب طلعات لكرايب وهل سوالف
ياسر : اميي وين قميصي الرصاصيي
يمامه وهيام : يمهه وين لجنط
امي : يمته تكبرون وتصيرون مسؤولين على ماتكلولي شكدكم تصيرون بعد
يمامه : حضنتها اووف شون حضن يخبل اول مرا اشوف مخلوق حلو وابو خدود يصير حلو من يعصب
امي : متبطلين سوالفج ام لسان
يمامه : لساني لغثيث مال العائله فديتهههه
ياسر : اذا خلصت حلقة الحب والحنان مال اليوم اريد قميصي الرصاصي ممكن
يمامه : ننننن مضقوط
ياسر : اي من كصتج
يمامه : الخير والبركه شعندي غيرها
وراها كلمن التهه بنفسه وبدينه نحضر نفسنه لان عمامي ساكنين بل بصرا ف اني نادراً ما اروح للكرايب بس من جنت كلش صغيره وراها صرت ماروح لو همه يجيبون يسيرون ونلتقي لو ماروح بس هسه الكل عاجبته لروحه ف شسوي اروح والله كريم ع هل جم يوم
صارت ساعه ب 2 اجه ابويه : ها يابه تحضرتو
امي : اي ماعدنه شي بس نتغده ونبدل
ابويه : اي استعجلوا ورانه طريق
امي : يلا وينكم تعالو تغدو ليبرد الاكل
نزلنه نتغده وكالعاده مايخلص مناكرنه اني وياسر واحد متعود ع سوالف الثاني
كملنه وكمنه صارت ساعه 3 الكل بده يبدل ويتحضر
اني هم غسلت وصعدت للغرفه اريد ابدل فتحت الكنتور كابلته نص ساعه شلبس حايره بل اخير صفيت ع بشت اسود مفتوح من كدام ومخطط بيجي ويا شال بيجي طوخ ولبست بنطرون وقميص جوا ولبشت عليهن وخليت كحله شويه لان عيوني جوزي ومجروره كلش تلوكلهن لكحله ومرطب وردي وعطري ل مفضل اكيد لازم وبس
يمامه : طلعت للهول اني جاهزه يلا وينكم شكد بطيئين
ياسر : كبل الكبال خلصتي وراح تثيرينه انطينه مجال
أحمد : ماثمحلك تحجي ع يمامو
ياسر : هلا هلا دشوف منو بده يدافع جانت عايزه ولتمت
يمامه : ضحكة ع رد حمودي وحضنته دشو تعال حبيب روح يمامو انت الخوه الاصليه مو مثل بعض الناس مانريد نذكر اسمائهم
ياسر : راح اسوي روحي ماسمعت شي
جان تنزل امي : يلا وينكم كملتو هيام ماما وينج كملتي يلا نزلي ابوج منتظرته
هيام : اي ماما جيت يلا
امي : ياسر جيب الجنط مال ملابسنه وغراضنه وياك مو تنسى
طلعنه صعدنا بل سياره واني يم الجامه كعدتي بدون نقاش مكاني لمفضل لازم عمود اطكلي بي ميت صفنه
وبابا فتحلنه اغاني واني اخذني الواهس واندمجت كلش بعد حزين حب بكل لوضعيات اندمج وأتأقلم
وراها نمت بالطريق وكعدوني من وصلنه نزلنه تلكونه بنات عمامي وعمامي اجتي اسيا بنت عمي تركض عليه حضنتني كلش حبابه وقريبه كلش من بين الكل ورغم جيتي لقليله