قضيته مغامره

البارت السابع🤍

ها يحلوين شونها ل احداث🦋🦋.

يمامه : دخلنه للهول كعدنه وجتي رشا قدمتنا ضيافه وكعدت يمنه سولفنه وضحكنه وجان تكول كومن
رشا : مممم يلا يحلوين امشونه لمكانه لمفضل
اسيا : اها اني عرفت وين
رشا : ياخي ذكاء هل بنيه يعجبني
اسيا : ءحم من يوم يومي غصبا عليج
رشا : ههههههههههه يلا بنات امشو نكعد كبال ب بستان هوى بارد يجنن برا
هيام : يلا يلا بمكاني لمفضل ونوب هوى وبارد اويلي
وطلعنه برا كلنه ورشا فرشتلنه لمكان وجابت حبشكلات وكذا جباسه وفواكه وكعدنه برا والهوى صدك يجنن برا بودك متكوم منا عالم ثاني الطبيعه
وكعدنه نكمل سوالفنه وشقانه وضحكنه لماينمل وبهل اثناء صار واحد كبالنه صاحته رشا
رشا : إيهاب تعال هنا هنا اني
إيهاب :هاي منو منورنه يا هلا بنات العم ابو سالم كل الهلا بيكم هاج رشا هاي لغراض لردتيها ولكهوه
اسيا : يا هلا بيك نسرنه
رشا : مشكور خويه لازم اضوكهم كهوتي ها شتكول
إيهاب : اي شون لعد لازم تبهريهم بكهوتج
اسيا : ههههه إيهاب شتنصحنه نجازف ونشرب لو نطفر
إيهاب: والله بعد انتو وضميركم وحضكم
رشا : هااا إيهاب شنو قصدك وانتي اسيا اني اعلمج تطفرين مو
إيهاب : هههههههه ولاشي يابه ياله آنه اترخص اخذو راحتكم
بنين : ءحم إيهاب يابه السلام عليكم شنو ناسيني
إيهاب : وعليكم السالم بنين مو التحب الرسم
بنين : اي اي اني هههههههههههه لحمدلله مذكرني
إيهاب : شون لعد يلا اترخص
بنين : إيهاب بس اني مناسيه لرسم ترا هياتني جايبه اوراقي وياي وقلمي واكو افكار بالي هم اذا ممكن تعلمني ع خطوات
إيهاب : ميخالف ذا خطوات سهله
بنين : تمام لعد اجي وياك تعلمني لان هنا يسولفن هوسه ميخلني انتبه وياك
إيهاب : تمام مو مشكله
يمامه : نصدمت من اسلوبها ويا وشون تحجي وكأنو تعرفه بس هوا مانطاها وجه كلش وجوابه وياها بأحترام ماياخذ وينطي وياها بس هيه من اول ماشافته صافنه عليه ونصدمت اكثر من طلعت جايبه وياها لوراق والقلم محد منتبه
وراحو كعدو شويه عمه عود عمود يعلمها على الرسم ومدري شنو
واحنه نسولف ضلينه اني ولبنات بس مادري اني ليش عيني يمهم واشوفها شون تسولف وتضحك ويا وهوا منتبه على الرسم ومركز وهيه كلساع تغير لموضوع وضحكها واصل لباب شارع
وهوا يشرح وهيه تباوع عليه من يشرح وصافنه يكلك لرسم بوجهه مو بل ورقه
ماعرف اني ليش تنرفزت حيل لا ارادياً وكمت منا كتلهن للبنات بس اغسل واجي
كمت من يمهن ورحت افتر شويه عن لبستان هوا بارد ودنيا ليل ول جو يجنن ردت شوي اهدء رحت اتمشى واحجي وامشي واقلد عليها شون تسولف ومندمجه بضوجتي ونرفزتي وماحس غير لن احد طاكها بضحكه منين لصوت مادري صديت لكيته هوا
إيهاب : ههههههههههههههههههه شنو تتعاركين ويا روحج شبي الحلو ضايج ومتنرفز ها منو ويا
يمامه : ممتنرفزه ومابيه شي ومتبطل سالفة تجي راسن بدون متطلع صوت ترا كلش طبع محلو وليش كمت وعفت طالبتك
إيهاب : اها هسه عرفنه لضوجه منين لعد تغارين عليه ها
يمامه : هههههههههه لا والله شنو اني اغار عليك ومنو انت اصلا وشعليه بيك عمود اغار عليك والله يالله مصدك روحه
إيهاب : اممممم يحلو ترا شفنه نظراتك المتروسه قهر من بعيد
يمامه : باع اني لا بحالك ولا بحالها خوش وميخصني اصلا بيك ولتكعد تفسر نظراتي بكيفك ومن يمك
ايهاب : مامفسر من يمي عيونك هيج تكول فدوا اروح لليغارون
يمامه : استغفرالله ياربيييي وخر عني وخر انت مايفيد وياك لحجي
إيهاب : ولكم اولمرا اشوف بطريق يعصب يطلع هيج حلو
يمامه : باع بطل تطلعلي القاب من يمك لا تشوف شي ميعجبك خوش كافي عاد وخر من يمي
إيهاب : افا طلع اللسان طلع شتسوين بله العنيفه شوفينه قوتج يلا
يمامه : هسه مافارغتلك اني ومفارغه للحجي ومايهمني لا احجي وياك ولا يهمني اي شيء يخصك فتهمت
إيهاب : يابه البنيه مجرد اعلمها رسم لا اكثر ولا اقل ماعندي شي وياها بس هيه اجتماعيه وتحب تاخذ وتنطي وتسولف هاي علمود ماتضل بنفسج وتضلين تفكرين
يمامه : واني ماكتلك كلي شي وبررلي ومايهمني ف ميحتاج تكلي شي خوش وانت منو عمود اضل افكر بيك وعليك والله يا الله
إيهاب : يمامه لا تستفزيني عاد حجيت وياج عدل وبأحترام لا تضلين تلاسنين وياي لا اشوفج وجهي لثاني خوش ف احجي عدل وياي
يمامه : شكرا مامنتضره منك تعلمني شسوي وشحجي
إيهاب : انتي ليش هل عناد وهل لسان هااااا خرب يوم لسانج مستعده تضلين تلاسنين سنين لمهم ماتستلمين واني شون احب ليعاندون ويلاسنون
يمامه : اي والله هذه لموجود وعاجبني وضعي مامنتظره حضرتك شتحب ومتحب
إيهاب : كافي اش بطلي لسانج
يمامه : لتكول اشش تمااااممم
وبهل لحضه اني مندمجه واسولف ومتنرفزه ومعصبه وبس كلت هل جمله جرني عليه حط ايده ع حلكي وركز بعيوني واني اسولف اني نصدمت وفتحت عيوني وكال
إيهاب : يمامه كتلج اشششش كافي لا تلاسنيني كلما تلاسنيني اكثر كلما تخبليني عليج اكثر
يمامه : ممممم مممم اريد احجي ماكدر مخلي ايده ع حلكي تنرفززززززتتتت
إيهاب : ها ها نسيت مخلي ايدي ع حلكج شسوي اريد اسكتج ماتسكتين ذا مو هيج لسان مله ذا نفتح ماينسد بعد
يمامه : وخررررررر عنيييي وخر ايدك مني ولا تستفزني بتدخلك بيه عمود ما استفزك بلساني يلا وخر
إيهاب : لك عيني شهل لسان
يمامه : وخر من يمي معليك بلساني ولا بيه
إيهاب : وشهل عيون لمايخلص حلاها
يمامه : وخر إيهاب رجاء وخر
إيهاب : اها الحلو طلع حافظ اسمي احلا إيهاب اسمعها شو عيدي
يمامه : نسر الديره وخر من يميييي
إيهاب : عود لان كتلج عيدي كتيلي نسر الديره لا هاي بعد احلى طلعت هم عيديها
يمامه : استغفرالله ياربي انت شنو من بشر ياخي شكد مستفزززز
إيهاب : احب استفز لحلوين وبعدين تعاي شدعوه هل كحل ولعطر وبسلا هيج تفترين كبال ولد عمامج وعمتج
يمامه : شعليك
إيهاب : يمامه جاوبي ع كد سؤالي ولا تختبرين صبري
يمامه : مامخليه شي ومامتانينك تعلمني شسوي وكدام منو
إيهاب : يمامه لا تطوخيها كلش ترا كلها مجمعه يمكم لا ترحين زايد بهاي سوالفج وانتي كلشي بملامحج بارز ماكو داعي تبرزين جمالك اكثر بهل سوالف
يمامه : معليك بكيفي اخلي ل اريده واسوي ل اريده
إيهاب : صبرك يارب بابا انتي شنو مايوصل لحجي لعقلج لو شنو
يمامه : اي ميوصل وخر من يمي لبنات ينتظرني
إيهاب : وعديني تبطلين وتخففين هل سوالف واخر منج
يمامه : ترا مابيه شي اني انت تبالغ
إيهاب : شون مابيج شي وهاي عيونج لبارزه ونوب جارتها بكحل لو لشفايف لمرسومه وتارستها مرطب مدري مورد وبارزتها واني كوا لازم نفسي لغيري شون
لو عطرج لواصل قبلج ويسطر لماينسطر لو شالج لشامرته وشعرج نصه طالع وركبتج مبينه ثلج تلفت كبل الكبال كل هذه ومابيج شي واني ابالغ وفوكاها تفرفين هيج لج شون بيج بابا بطلي هلسوالف لا تجزعيني
يمامه : هوا يسولف واني بكل حرف مصدومه معقوله هلكد مركز عليه لعد ومنتبه بكل تفصيل اريد احجي احس كلشي طار مني جمدت يسولف ويوصف وهوا مركز بعيوني احس كلبي راد يطلع كتله
يمامه : ما افرفر بينهم ولا هاي واعرف شنو لازم البس واسوي ف مايحتاج تكلي وهسه رجاءا وخر اريد اروح
إيهاب : تمام ذا شفتج عكس هل شي يصير غير تصرف افتهمت يحلو بطل سوالفك ماريد احد يشوف الأشياء الحلوا البيك ياله طيري يمامتي بس ترجعيلي لاتنسين صار مرجعج الي فدوه لليسكتون من يخجلون جا نوب اسطرج عمود دومج هيج تسكتين وتعقلين
يمامه : هدني واني ماصدكت رحت طفرت شبي هذه ماخله كلمه تعتب عليه نشف كلبي بكل كلمه احس دكاتي تصير الف وعيونه لماتنزل عن عيوني تشوشني كلش ماهدني لن روحي طالعه
رحت للبنات لكيتهم بعدهم كاعدين
رشا : تعالي يمامه وين رحتي تأخرتي
يمامه : ها حبيبتي عذروني يابه جيتكم جيتكم
وكعدنه كلنه شوي ضلينه نسولف وبنين بس تباوع بنظره كره يكلك كاتلتلها احد
سولفنه شويه وكمنه تأخر لوقت
اسيا : يلا احنه نترخص والله وصونه مانتأخر لكعده وياج ماتنمل رشاوي وانشالله كل فترا نتجمع هيج وانتي هم تعالينه
رشا : اي والله لكعده وياكم تجنن انشالله اجيكم بس يصير وكت واكول ل اعلي واجي
يمامه : رشا اي صدك تعالينه لسوالف وياج تجنن وانتي بعد حيل لطيفه والله احسج منه وبينه
رشا : بعد روحي يمامه والله انتي لطيفه على هل كلام الحلو ولعيون يمامه اجي انشالله
وراها كملنه وترخصنه ورجعنه للبيت تلكتنه نور كلعاده رحنه بدلنه ونزلنه نسولف وياها تكول عفتني وحدي يلا هسه لعد تعالن سولفلي شويه ونروح ونام وهم كعدنه شويه ولعبنه مثل كلمرا ل العاب لنحبها بجمعاتنه ورحنه وراها نفرش ونام بعد يوم متعب وطويل ومليان احداث

.

ولهنا يحلوين يتوقف هل بارت شنو رايكم بل احداث وبكلشي ف رايكم يهمني لتنسون تعليقاتكم احب اقراها كلش🤍 + انتظروني بل بارت لورا وهم بأحداث جديده عن قريب انشالله♥️
Instagram : 0h.llr
هذه حسابي ل انستا ايشي يخصه القصه تعالو هناك نتناقشه🦋.