قضيته مغامره

البارت الثامن🤍

هلاو ياحلوين شونكم بارت جديد من بعد غياب...استمتعو♥️

يمامه : يلا كافي كومن تعبت

اسيا : ترا خبصتينه ماشايفه نوم شجاج

يمامه : اي طبعا انتن لو بيدجن لصبح تضلن تسولفن

اسيا : اكلج يمامه شفتي بنين شون نخبصت ع إيهاب

يمامه : اي يمعوده شعلينه

اسيا : متأكده معليج وغمزتلها

يمامه : اهوووو اسيا بطلي هاي سوالفج مالي خلك
ومعليه لا بيها ولا بي خوش ومو بحالهم ثنينهم

اسيا : اي اي لا واضح شفنه لمعلينه الحجي بيناتنه ترا شفتج من جان يحجي وياج اجيت ردت افوت للمطبخ من شفتكم هيج ول أجواء بطلت ورجعت ماردت اخرب الوضعيه بس شنو يمامه طالعه يمه تخبلين والله خرب يومكم نوب هوه ضخم وانتي يمه جنج دوده اول مرا اشوف ايهاب هيج منطي من روحه لبنيه

يمامه : اهو شنو قصدج اني بطريق عزا شسمه لا يعني
شنو قصدج...وراها اني ستوعبت شحجيت عزا ثاري هاي ايهاب كلي هل كلمه اني شون جفصت وكلت هيج

اسيا : شنو يابطريق اهاااا هسه طخت عندي نسر الديره خاف هيج كايلج مو لا زين لوضع بي تطورات

يمامه : بطريق بعينكم اي والله دروحي انتي ولتطورات ونسر ديرتكم

اسيا : فدوا لنسر ديرتنه و فراشة ديرتنه

يمامه : اي بس هاي البقت انتي هم تطلعيلي القاب بعد

اسيا: شبينه عيني صرنه مانعجب

يمامه : نجبي كافي كومي خل نام

اسيا : انطمري نامت عليج طابوكه ، سديت الباب والاضويه وطلعت

يمامه : عزا بسم الله ، ماخلص من هل احلام الي كلساع مفززتني بنص الليل ،
نزلت اغسل وجهي واوكف اخذ نفس ، بسبب نومي المخربط من ورا ل احلام
لبست بشت بهاري فوك تراك النوم خاف يكعد احد لان مع انو متأكده الكل نايم هيج وكت

وصلت للمطبخ غسلت ، توجهت لثلاجه وشو حسيت روحي جوعانه ،
يمامه  : اكل لو ما اكل ، لا خلص ماكل مو زين بليل واروح اسمن واكرش ، اهووو هسه شون اروح وابقى جوعانه
ديلا خل اكل هيه شبيها الدنيا ، سويت لفه كباب بقى من العشى وببسي باوعت ع جو بره يجنن والهوه عالي ومنظر الطارمه كبال البستان يموت ، اخذت لفتي وطلعت بس اكل واكمل وارجع ، اكل ومستمتعه بل أجواء تجنننن كأنو بمكان خيالي ، احب اكعد وحدي واكل بهيج أجواء واعتزل من الكل وعن كلشي
كملت اكل وكعدت شوي اخذ نفس ومغضمه وماحس غير ايد تخلت ع حلكي واحد لزمني
شهكتت بس بدون ماعرف منو

يمامه : ممممممممم ، اريد احجي ماكدر صددني عليه وجان انصدم

إيهاب : لتحاولين متكدرين تحجين ساد سحابة حلكج
يمامه : صرت اشرله يوخر عمود اكدر احجي وارزله