قضيته مغامره

البارت الخامس🤍

كملنه ل اكل وبدينه نشيل السفره اني ولبنات ورحنه نسوي جاي وراها ف متوزعين احنه وحده تغسل ماعين وحده تسوي جاي وحده تنظف لان هواي ومجعمعين ف ماترهم لازم هيج نتوزع ونتعاون كملنه وسوينه جاي
حوراء : يمامه هاج ودي لجاي اني اريد اكمل ل ماعين
يمامه : انتي ودي يمعوده وين اطلع بنصهم
حوراء : يمعوده شنو همه غربه كلهم ولد عمامنه وعمتنه
يمامه : اهو يلا نطيني نطيني امري ل الله شسوي
ورحت وديته بل هول كلهم كاعدين يسولفون لكيتهم ويضحكون بس يوسف اول مادخلت ضل صافن لحد ماطلعت مادري شسالفه شبي هذه غلست نطيتهم لجاي ورحت
حوراء : يمعوده وين صرتي
يمامه : ترا ستوني رحت شبيج
حوراء : يلا تعاي ساعديني بل مواعين
يمامه : حاضر سيدي بعد امر خدمه
حوراء : هههههههه نجبي وتعاي
وكملنه غسل ماعين وكملنه تنظيف وشغل وراها رحنه لتمينه بل هول اني وهيام وبنات عمامي وبنات عمتي بنين وميلا بس بنين لسه مستمره بنظرتها الغريبه الي
واسيا جانت كاعده بصفي
يمامه : بصوت ناصي حاجيت اسيا اكلج هاي بنين شبيها تباوعلي هيج من اجت لسه كأنو مسويتلها شي ومادري
اسيا : اني هم لاحظت نظراتها الج يمعوده غلسي شعلينه بيها هيه هيج تقريبا ويا الاغلبيه ميعجبها العجب وعدها غرور وكذا ف متجفين شرها ومالنه علاقه بيها
يمامه : واني شعليها بيها قابل بس مستغربه انو شكو وهيه متعرفني اصلا ذاك لكد
اسيا : مالنه علاقه كومي كومي نروح نشتري من سوبر ماركت اريد اسوي كيكه لعصر اني ونور وصتني ع مواد
يمامه : اهو مالي خلك لازم ابدل
اسيا : يمعوده قريب لمحل نلبس صايات نجيبهن ونجي
يمامه : تمام
رحت للغرفه لبست صايه سودا وشال شمرته مرطب شوي عطري ل مفضل ونزلت
اسيا : ها يمامه يلا اني هم كملت
ستونه نريد نطلع تلكتنه بنين
بنين : وين تردن
اسيا : للمحل نجيب مواد طبخ ونجي
بنين : وشكو هيج لابسات لعد
اسيا : ترا لابسين صايات مو فساتين شبيج حبيبتي
بنين : اي واني شكلت قابل شدعوا حساسات هيج
اسيا : ترا جاوبتج بكل هدوء واحترام وين لحساسية بل موضوع
يمامه : وخري يحلوا من نرجع نكمل حديثنه مو هسه
بنين : وانتي شكو تنبزين من يمج
يمامه : انتي ويامن تحجين ويا روحج لو ويانه تجفي شري احسلج يلا يحلوا
بنين : اوي دروحن مو صوجن اني صوجي احجي وياجن
اسيا : شون عطلات تالي وكت
يمامه : هالله يالله شبيها هاي كوا تدورها حجه
اسيا : امشي يمعوده امشي تدور لمشاكل وهيه طايره هاي
يمامه : بس انتي ماقصرتي
اسيا : لا عمي انتي ل اصل ول فصل بل قصف
يمامه : اعجبج ها
اسيا : غمزتلي انت معلم واحنا منك بنتعلم
ورحنه اني واسيا للمحل طبت هيه تدور بمواد ل كيك واني رحت لقسم ل جباسه ول نساتل قسمي المفضل كلعاده واسيا تشتري وتشوفني كلساع وتسألني شرايج بهاي ل كريمه اطيب وهذه ل ككو ماكملنه لن اسيا مطلعه روحي كملنه حاسبنه وطلعنه ستونه جان اسيا تصيح
اسيا : اهوووو نسيت الحليب ماجبت
يمامه : صدك جذب جا صارلج ساعه جوا شسوين
اسيا : حبابه يمامه انتظريني دقيقتين اجيبه واجي
يمامه : تمام يلا بس مو تتأخرين شمس سطرتني
وكفت انتظر اسيا علما تجي صاده لهناك وماحس غير جاني صوت خشن طفرني واني بمكاني
إيهاب : رجعت من بيتهم واني مادري شبيه كل بالي يمها منو وشنو وليش مادري شنو هل نتفه هيج تكلب عقلي معقوله جنت صافن واجاني صوت
رشا : شبي اخوي الحلو صافن
إيهاب : اي يبعد اخوج خوب انتي تلكفين لماينلكف
رشا : شسوي غير شفتك صافن كلت خل اجي اواسي اشوف هاي يامحظوظ مصفن نسرنه هيج
إيهاب : ماكو شي يبعد اخوج بس تعبان من دوامي والشغل
رشا : ءحم اخوي الزود وحزام الظهر ولو ماريد احجي بس ترا شفتك ذاك ليوم من تعقم برجل يمامه من عثرت
إيهاب : ياملعونه ماتفوتج فايته يابه البنيه عثرت ف ساعدتها لا اكثر ولا اقل واصلا ماعرفها الا هيه كالت اني من بيت ابو سالم ف زحمه
رشا : اي اي صح يلا راح اسوي روحي ماشفت نظراتك وكذا
إيهاب : رشا كومي من يمي وعوفي سوالف لنظرات لا اهرجج هرج تدرين اني مو يم هل سوالف
رشا : واني لان ادري بيك مو يم هل سوالف نصدمت وفرحت صراحه يمامه خوش بنيه وصاكه للنخاع
إيهاب : الله يخليها ل اهلها شعلينه رشا بطلي سوالفج مالي خلك كلش والله
رشا : اهو يلا يلا سكتت اكلك جباستي وعصايري خلصن اريد تشتريلي من تروح للمحل لعصر
إيهاب : دللي بس اروح اجيبلج
رحت العصر للمحل وجان اشوفها واكفه يم لمحل دايره وجهه لهناك
إيهاب : يابه شعنده الحلو واكف هنا هوا وعطره لتارس لديره
يمامه : نزيت نزه هذه شنو من بشر يجي راسن يحجي لا ينطي صوت لا صخام وكف كبالي وجان لابسه تراك رصاصي وشعره مخربط نازل ع عيونه وهوا لعطره يسطر ويحجي ع عطري 

يمامه : قل اعوذ برب الفلق انطي صوت قبل لتحجي واكفه بكيفي شنو محلك خاف شارعك وعندك اعتراض وشدعوه هلكد مركز بعطري

إيهاب : لا يابه مانعترض للحلوين بس نخاف عليهم

يمامه : حلوين بعينك...خاف على نفسك مايحتاج تخاف على غيرك

إيهاب : راح اسوي روحي ماسمعت الكلمه الاولى اول مرا اشوف بشر يفكر بل بعقله بصوت عالي وشعندج هنا واكفه نطيني اني اجيبلج ذا محتاجه شي

يمامه : ماجايه وحدي اول شي وثاني شي مشكور محد طلب منك شي
إيهاب : انتي يمته تكومين تجاوبين مثل لوادم لطبيعه وبدون تلاسن
يمامه : من تبطل تدخل بيه وبشي ميخصك
إيهاب : اني نسر هل ديره وانتي بديرتي ومن حقي ادخل بيج واحاسبج
يمامه : اني ضيفه ف لمفروض تعرف شون تتعامل ويا لضيف
إيهاب : الضيف عل راس وبل اخص ذا مثل هل ضيف لواكف كبالي نرحب بي ب الف ياهلا
يمامه : واضح
إيهاب : اني اشوفج الوضوح على اصله إنشالله بل جايات يلا تضلين واكفه هنا كملي لتردي وروحي
وبهل اثناء اجتي اسيا لكته واكف كبالي
اسيا : هلا بنسر
إيهاب : ياهلا ب اسوسه
اسيا : صاير تغط هواي مانشوفك مثل قبل
إيهاب : اي والله شغل ودوام بعد تدرون بس انشالله جياتي ليكم تكثر هل فترا
يمامه : حجه هل جمله وغمزلي واسيا ممنتبه جانت مدنكه شكد مستفزززز
اسيا : ها اي والله صدك هم حقك الله يساعدك صدك هاي بنت عمي يحتاج اعرفك عليها ولو لبارحه بابا عرفك ع الكل
إيهاب : اي الف هلا بيهم الديره ديرتهم
اسيا : والله ونعم منك نسرنه...سلملي ع رشا وياك
إيهاب : يوصل يلا اسوس توكلو لا تضلون هنا
اسيا : اي ياله احنه نترخص
إيهاب : الله وياكم
ورحنه من بعد محاورتهم ومن بعد ما استفزني من جديد بس مانسى من وكف كبالي بطوله وعضلاته وعيونه لحاده ونعسانه صح شكله وحش بس لطيف مادري شون بس هيج اوي اني شبيه شدافكر شداخربط
يمامه : اكلج اسيا
اسيا : ها يمامو
يمامه : هوا هذه شسمه شو تصيحوله بس نسرنه
اسيا : اسمه إيهاب بس كلها تصيحله وتلقبه نسر الديره ف نصيحله نسرنه لان هوا المسؤول عن كلشي هنا وبكل شي يصير وكلمته مسموعه وهوا انسان واعي كلش ومثقف ومايقبل بل ضلم وبل غلط وكلش حباب
يمامه : هاي اي مادري بس احسه شوي مستفز
اسيا : لا بل عكس بس لان متعرفي زين يجوز
يمامه : مادري بعد احسه هيج
اسيا : اكلج يكولون هاي علامات لكره الي بل بدايه وراها دواهي
يمامه : شنو قصدج يعني
اسيا : سوي روحج مافتهمتي
يمامه : اهو اسيا دروحي ولا شي من لبالج جفيني شر عقلي
اسيا : هههههههههه ها ها شكو تحسستي ع كيفج ماكلنه شي بس ترا إيهاب خوش وليد
يمامه : واني شعليه عيني على نفسه
اسيا : ممممممم يلا يلا خوش امشي