زواج يصنع الحب❤️

الجزء 08 🤎🖤💜

كان قاعد يحكي مع باباها و يستنى فيها حتان سمع صوتها دار شافها تاه في جمالها كانت لابسة غوب في الغوز جاية مزيرة من عند الخصر و من بعد لارج من التحت، كان يشوف فيها و كانها اميرة ، اما عن احوالو القلبية فكان عرس في قلبي يخبط و كانو حاب يخرج من بلاصتو قطع هاذي الاحداث كلام باباها
احمد: مقتوليش لوين رايحين
مراد: احم رايحين نخيرو لاغوب تاع  العرس و الكوستيم
احمد: مطولين ولا كيفاه
مراد: ايه باش نفطرو البرا
ميار: ياخي بابا علاه هاذي الاسئلة كامل
احمد: صحيح نتي وليتي مرتو يا بنتي بالشرع بصح مزال معقدتوش يعني لازم نعرفو وين تروحي وين تجي
مراد: فاهمك يا عمي بصح انا مانيش انسان غريب عليك ولا كيفاه
احمد: ماغريب الا الشيطان يا ولدي ، روحو و منوصيكش عليها
مراد: بلا متوصي عمي في عينيا
ناضو خرجو و ركبو الطونوبيل ، طريق كامل و هوما ساكتين و كانهم يرتبوا في واش حابين يقولو
وصلو للبوتيك اول مدخلوا ولاو يشوفو في ليمودال
ميار: واش رايك في هذا
مراد: منعرف انا منفعمش في لحوايج هاذي
ميار: يعني انا مختصة في لحوايج هاذي راني ندي في رايك عجباتك ولا والو
مراد: هوما كامل ملاح يعني مانيش عارف
&&&&: نقدر نعاونك ميسيو
دار مراد للصوت لقاها المسؤولة على البوتيك ، انا ميار خزرت فيها من فوق للتحت معجبتهاش كانت طفلة تهبل في الزين و هذا واش خلى ميار تزعف و تتقلق منها
مراد: وي مدموزال رانا حايرين
&&&&: كاين هذا و هذا في زوج قماشهم مليح و مطلوبين من كل لعرايس
مراد: كاين غير هاذم
&&&&: كاين بزاف من لموديل بصح هاذم الاكثر طلب
ميار: تقدرو تشاوروني انا ثاني لانو تبانلي انا لعروسة مش هكا حبي
مراد( بصدمة): اه كيفاه .... يعني ايه ناي لعروسة باين يبقالك الاختيار شكون عجبك هذا ولا هذا
ميار: في زوج معجبونيش عجبني لول الي وريتهولك
مراد: ملا نجربوه ، مدموزال اذا تقدر حضرهولها باش  تجربو
&&&&: حاضر ثواني و يكون جاهز
راحت تاع لبوتيك و خلتهم وحدهم
ميار: حاضر ثواني و يكون جاهز نننننن ياخي مخلوقة
مراد: ههههههه واش بيك معاها كاش مدرتلك و لا غرتي منها
ميار: كيفاه نغير منها علاه نغير منها باش يكون في علمك هي راهي كلها مكياج
مراد: هههه نبدلك السؤال تبانيلي غرتي عليا مش منها
ميار: اه ...لالا معجبتنيش كي مقيمتنيش و كاني فاز مش عروسة، زيد تبانلي صدقت روحك بلي راك راجلي
مراد: امممم فهمتك روحي جربي لاغوب رانا طولنا
راحت ميار تجرب في لاغوب و مراد راح قعد في كرسي مش عجباتو هدرتها هو صحيح عارف بلي زواجهم على لورق برك بصح و كأنو رافض الفكرة في مخو محبهاش تقول الحقيقة الي خلاتو يفيق على روحو ماهوش نفسو مراد تاع قبل
مراد: اووووف مش ناقص هذا التخمام والله
ميار: اما تخمام ؟؟؟
طلع راسو شاف فيها و ياريتو ما شاف كانت ملاك على وجه الارض جلاتها لاغوب هايلة كيما تاع سندريلا
ميار: واش رايك شابة ولا والو
مراد: اه
ميار: مراد راني نسقسي فيك على رايك وين راك
مراد: اه ...راني هنا جاتك مليحة مقبولة
ميار: مقبولة !!! كانل الناس الي راهم هنا راهم يشوفو و حايرين كيفاه جات عليا و نتا تقولي مقبولة
مراد: هههههه نقصد جاتك هايلة كي الاميرات
ميار: هذه هي الهدرة الي نبغيها يعني نكوموندو على هذا
مراد: وي هذا مليح ، يبقالنا الكوستيم يلا نشوفو واحد باش نروحو نفطرو
هزتلوا راسها و راحت تبدل في لاغوب ، اما هو بقا حاير الي صرالو من قبيل اول مرة يصرالو هكا ياخي الطفلة هاذي واش مزال مدارتش فيا
خرجو في زوج و راحو للبوتيك تاع ليكوستيم
درخلوا وقعدو يخيرو في الالوان و هي متفهمش في لبسة لولاد
ميار: منفهمش في لحوايج هاذي
مراد: لالا انا نفهم بزاف تبانلي في لاغوب بلونش كيما انا منفهمش و خرت نتيا ثاني خيري معايا الكوستيم
➖➖➖➖➖➖➖➖➖➖
كمل جزء اليوم قصير بزاف لانو راني نعسانة و حابو نرقد نتلاقاو غدوة مع بارت جديد 😘🥰❤️