زواج يصنع الحب❤️

الجزء 04 🖤🤎💜

ادم: يعني راهي باش تخدم معاك وزيد باش تسكن نتا و هي في نفس الدار لازم تعرف الطباع تاعها
مراد: ميهمنيش هي في روحها و انا في روحي مندخل فيها متدخل فيا ستة شهور و كل واحد في طريق
ادم: خايف يا صاحبي طيح
مراد: وين نطيح
ادم: في بير 🤦 باينة في الحب يا حابس
مراد: راك عارفني مانيش تاع لحوايج هاذي انا زواج مانيش نخمم فيه كون مش لوصية منتزوجش و نتا تحكيلي على الحب
ادم: انا هدرت برك و انشاء الله برك و طيحك يا صاحبي
مراد: راك سيريو حابني نقتلك
ادم: راني نتمسخر برك زيد نوض نوض اخرج روح لدارك خليني نرقد غدوة عندي خدمة
مراد: حتى انا كرهت من القعدة معاك بون وي
ادم: بون وي
خرج مراد من دار ادم و ركب طونوبيل تاعو و راح للبحر
قعد مدة و هو يتفرج فيه كان هادي عكس كل مرة كان يجي فيها ، خايف ليكون هذا هو الهدوء ماقبل العاصفة تنهد من بعد راح رجع لدارهم و رقد ديراكت محبش يقعد يخمم
◼️نروحو لميار
كانت قاعدة تخزر في الفراغ تخمم في حياتها نهار لخميس راح تولي مرت راجل متعرفوش و متحبوش تعرف عليه غير اسمو
ميار: درك انا علاه نقلق في روحي ياخي ستة شهور و تفوت و زيد اذا مدخلش فيا و متدخلتش فيه مش راح تصرا مشاكل و زيد منخافش منو يعني هو الزواج على الورق يعني مش راح يمسني اوووووف بصح هو غامض يخوف و زيد الغرور تاعو زعما يولي يضربني، والو مستحيل نخليه يمسني مزال مولدش الي باش يرفد يدو عليا،استغفر الله بدا الشيطان يتلف فيا خليني نروح نرقد مزالتلي سمانة لازم نحضر فيها روحي مبقاش بزاف على الخطبة
غمضت عينيها مطولتش و النوم خطفها
After 5 days💥💥💥💥💥
كانت قاعدة تخزر في روحها في لمراية لابسة القفطان الاحمر ،شعرها محلول على ضهرها مزيناتو بتاج ابيض خلاها تشبه للاميرات ، دخلت عليها يماها و الدموع في عينيها بنتها كبرت و جاو يخطبوها
كريمة: كبرتي 🥺 يا بنتي و جا النهار ليخطبوك فيه
ميار:ماما علاش هكا درك نولي نبكي حتى انا
كريمة: ماهوش نهار تاع بكا و زيد درك المكياج تاعك يروح
دخلت سيرين عليهم لقاتهم في هذيك الحالة
سيرين: يوووووووووووووويوووووووووي و اخيرا باش نشوفك عروسة بصح مش حق عليك تخليني بايرة وحدي
ميار: ههههه مهبولة صح حتى نتي يجي نهار و نلقولك كاش مهبول كيفك يديك
سيرين: متخافيش مكانش المهبول هذا ، درك ازربولنا راهم لتحت و قالي جدك نهبطك
حست الدوخة جاتها و معدتها ولات توجع حكمت روحها بسيف، راحت للكوزينة هزت السنيوة و دخلت عليهم عينيها مهزتهمش من الارض مدتلهم القهوة من بعد راحت قعدت بجنب سيرين و هي تلعب بصباعتيها من ستراس
عادل: المهم راكم عارفين علاه جيناكم يا سي محسن ، جيناكم خاطبين راغبين في بنت لحسب و النسب ميار لولدنا مراد
محسن: ماناش باش نلقو احسن من ولدكم لبنتنا و نقولكم على بركة الله (والله منعرف واش يقولو 😂)
زغرتو النسا من بعد لبسو لخواتم لا هو خزر فيها لا هي خزرت فيه
خرجو رجال وراحو للامام باش يقراو الفاتحة و تولي ميار مرت مراد شرعا
تلمو لبنات و دارو الغنا ولاو يغنو و يرقصو و هي مزالت مخلوعة خايفة من المستقبل و واش راه جايها قعدت هكا حتان جا باباها تحضنها و قتها عرفت بلي خلاص وولت مرت مراد#### الدموع طاحو من عينيها و باباها مكانش افضل منها خايف على بنتو وحيدتو من الي جايها دايما كي تصرالها مشكل تجيه تجري و تبكي في حضنو و تشكيلوا
◼️من جيهة مراد
مراد يحكي ...
كنا قاعدين في الصالون و نستناو ميار تهبط ، كنت حاس روحي مخنوق منحبش الاجواء العائلية و لمات و زيد طولوها بزاف ، بنات عمها و عماتها كلاوني بعينيهم منلومهمش كنت شباب بهذاك الكوستيم لزرق و مع انا سبورتيف كان جاي عليا شباب (الغرور⬅️↖️⬆️😂)
دخلت للصالة حاولة منطلعش راسي بصح قدرت نشوفها الصراحة كانت شابة بهذاك القفطان خزرت فيها مدة من بعد تفكرت روحي مش موالف نقعد نثبت في لبنات لازم نخرج من هنا في اسرع ، و جاب ربي بابا بدا يهدر مع جدها و خطبها و جدها وافق، نضنا نلبسوا في لخواتم عينيها مطلعتهمش فيا حتى انا يعني كنت كيفاه بصح قدرت نشوفها ههههههه لبستلي الخاتم حسيت بايدها ترجف معرفتش علاه من واش راهي خايفة خلتني حاير
خرجنا رحنا للامام قرينا الفاتحة و ولت ميار مرتي باباها قاعد غير يوصي فيا عليها باين خايف عليها حتى هي الوحيدة نتاعو
طلب بابا من جدها انو نخرج انا وياها
هذاك واش كان خاصني مقدرش نعكس بابا و تمنيت جدخا يرفض بصح تاتي الرياح بما لا تشتهي السفن
بعث باباها يعيطلها ، فاتت نص ساعة و خرجت كانت بدلت حوايجها و لبست غوب مزيرة عليها شوية معجبنيش الحال منعرف علاه بصح محبيتش نهدر ،يا ربي و قتاش نقدر نروح ، خزرت في ادم دارلي بايدو نتاع راهي شابة كون لقيت راني خنقتو نسا روحو بلي راهي مرتي مهما كان حتى كون على لورق ميتغزلش بيها قدامي اكيد راح نحسبو عليها بصح مش درك
ركبت معايا في الطونوبيل و رحنا لمطعم مقابل لبحر
طريق كامل مهدرناش دخلنا للمطعم قعدنا في زوج خزرنا للبحر كان هايج عكس اخر مرة شفتو
قعدنا مدة ساكتين و حنا نخزرو في لبحر حتان قطعت هذاك الصمت
مراد: علاه كنت ترجف من قبيل
حمارت كامل بسبة السؤال تاعي مكانتش دايرة في بالها بلي فقتلها
ميار: احم ...س...ت...راس تاع الخطبة برك
مراد: ههههههه تقول يعني باش نتزوجو صح نتي حاكمك ستراس متخافيش كلش تمثيلية ستة شهور و يرجع كل واحد لحياتو
نظرتها تبدلت من الاحراج للقلقة
ميار: يعني مهما كان باش تتقلب حياتي كاملة كان مراكش عارف و اكيد لازم نخاف و زيد مزلت صغيرة على حوايج كيما هاذي
مراد: ياخي شحال عمرك تهدري تقول عمرك 5 سنين الي قدك راهم بولادهم
ميار: حتى نتا الي قدك راهم بحفادهم و يزيك متستهزا بيا راه العود الي تحقرو يعميك
مراد: هههههههههه
ضحكت من قلبي و قتها هي زادت حمارت و تقلقت عرفتها معجبهاش الحال
مراد: خلاص بلا متتقلقي كنت نتمسخر برك
ميار: خخخخ هاك طلعت تعرف تضحك، مي الله غالب مانيش قادرة نضحك يا مستر مغرور
مراد: هههههه مستر واش
ميار: يا مستر مغرور ودم بارد و اذا كملت هدرتك خلينا نروحو
رفدنا رواحنا و خرجنا باش نوصلها لدارهم
عجبني الحال كي بينت جانبها العصبي و بينت نضرتها من جيهتي شايفتني مغرور ملا مراهيش غالطة 😂
➖➖➖➖➖➖➖➖➖➖➖➖
كمل الجزء اليوم نتلاقاو في الجزء تاع غدوة باي لبنات 🥰😊❤️