زواج يصنع الحب❤️

الجزء 02❤️

جاء نهار جديد على ابطالنا
كانت راقدة اليل كامل فات و هي تخمم في موضوع تاع العرس ،حست بالماء على وجهها ناضت مخلوعة
ميار:ااااااه يا ماما فياضان اااااااه
&: ههههههههههه هكذا باش المرة الجاية من لول تنوضي
ميار : يا كلبة يا رخيسة و الله منقتلك اليوم الناس تنوض لعباد هكا 😡
&: راكي قلتيها لعباد مش لحيوانات الي كيفك😝
ميار (بحزن): كون جيت برك حيوان يا سيرين على الاقل ناكل و نشرب و معنديش حوايج تتغصب عليا
سيرين: واش بيك تقلبتي واش صرا في غيابي اهدري
حكات ميار لسيرين كل الي صرا البارح و الي قالهولها باباها
سيرين: الصراحة باباك عندو الحق نتي شوفيه و تعرفي عليه يمكن يكون ناس مليح و اذا كان زل دبريلي خوه ياك 😉
هزت ميار لوسادة تاعها و رماتها عليها
ميار: حنى انا مع شكون نهدر تخممي غير في روحك يا خي بغلة 😑
سيرين: نتمسخر حبي كيما قتلك نتي وافقي درك،و زيد واش راح تخسري اذا شفتيه و تعرفتي عليه و كان تحوسي على الحب عادي يجي في فترة الخطوبة و لا بعد الزواج متقلقيش روحك اوك؟😉
ميار(تبسمت): اوك
سيرين: و درك لازم نبداو نحضرو عندنا خطبة نهار لخميس و زيد كاش ميجيني انا واحد هكا زل يخطبني و منبقاش بايرة من بعدك
ميار : هههههه متخافيش راح تلقي شكون يتحمل هبالك اكيد غير نقصي من شخصية جعفر برك
سيرين: واش بيه جعفر لاباس بيه بالعكس طيحت بيه بزاف رجال😆
ميار: حتى انا راني نشوف 😂
سيرين : نوضي درك يلا
ناضو لبنات و هبطو يفطرو
Stoooooop💥💥💥
نعرفكم على سيرين صحبة ميار او بالاحرى اختها مش صحبتها ، حتى هي نفس عمر ميار 22 سنة طفلة ذات شخصية مرحة و تتميز بشخصية جعفر الي طاغية عليها، بشرتها بيضة و عينيها خضورة غامقين مخبيتهم بالنواضر ،شعرها اكحل بينازة😂 قصدي قصيرة في الطول
Present💥💥💥
نرحو للبطل تاعنا كان قاعد يجري بحذا الغابة الي بحذاهم ، شاف الساعة لقاها قريب الوقت تاع الخدمة تاعو ،رجع للدار دار دوش و خرج من غير حتى ميفطر و لا يصبح على باباه و عمامو، راح ديراكت للشركة دخل يمشي بكل غرور لبنات كامل متمنيين شوفة من عندو لكن هو مغرور كيما قلنا
دخل للبيرو تاعو لقا واحد قاعد يلعب بالتليفون
مراد: مش كون تنوض تخدم خير و نتا كي ذراري صغار تلعب بالتليفون
&: و عليكم السلام والله لاباس الحمد الله
مراد: عندك حق تتمسخر زيد تمسخر زيد كون مراكش صاحبي يا ادم كون راك تطردت هاذي مدة
ادم: حتى نتا كون مش صحبتنا راك مش قاعد معايا على بيرو واحد
مراد: واثق من نفسك مليح 🤦، نوض تخدم لنجيك
ادم :معليه راني نايض بصح خسارة عليك خطبتك نهار لخميس و مقتليش
مراد : من وين سمعت
ادم: شكون في رايك اكيد باباك
مراد: اممم خلاص فهمت واش رايك نتا
ادم: هو من ناحية انك تدي وحدة متعرفهاش شوية بيزار، بصح من ناحية انو الممتلكات متروحش لمحمود فلازم عليك تدي الطفلة يا لوكان ستة شهور برك و طلقها
قعد مراد يخمم في كلام ادم
ادم: اااي وينك راني نهدر معاك
مراد: عجبتني تاع نتزوجها ستة شهور
ادم: ايه هو حل مليح بصح قول الي باش تديها قبل الزواج ، هي صح واش اسمها
مراد(بسخرية): علاه انا نعرفها، درك نشوف كيفاش نتلاقا معاها
ادم: ايه مذا بيك و هدر معاها في اسرع وقت لانو في الحقيقة حاب نشوفك عريس 😉😂
مراد: نحسب لثلاثة كون نلقاك قدامي متلوم غير روحك
خرج ادم قبل حتى ميكمل مراد هدرتو
هز مراد التليفون و كلم باباه برسمية طلب منو انو يتلاقا بالطفلة الي باش يديها، خبرو باباه بلي اسمها ميار و قالو درك يدبرلوا وقت يتقابل فيه معاها
Stoooooop 💥💥 💥
نعرفكم على ادم صاحب مراد عمرو 28 سنة حتى هو كيما مراد زل ، خادم روحو مليح و سبورتيف طويل و اسمر شعرو كحل و عينيه زروقا كيف لبحر عندو شخصية مرحة مع بعض الغموض في بعض الاحيان ، مدير شركات تاع العايلة تاعو بصح هو شريك مع مراد و يخدم معاه
Present 💥💥💥
كانت قاعدة مع سيرين بحكو حتان جاتها ماماها قتلها بلي جدها يعيطلها هبطت و راحتلوا للصالة لقاتو وحدو
محسن: ارواح ميار اقعد بحذايا
ميار: يا خي كاين حاجة وحدا اخرى باش تغصبني عليها من غير الزواج
محسن: مازلت زعفانة راكي عارفة بلي نتي عزيزة عليا بزاف يا ميار بصح هذا راه حفيد صاحبي و زيد لوصي تاعو قبل موتو هي انو يتزوج حفيدو بحفيدتي
ميار: و مكانش من غير
محسن: واش رايك نتي
ميار: خلاص ملا واش تسحق علاش عيطتلي
محسن: خاطر باش تتلاقا مع مراد و تتعرف عليه قبل الخطبة حضر روحك و روح اركب مع السواق يوصلك
ميار: ياخي هو طلب يشوفني
محسن: ايه هو ولا عندك مانع
ميار: لالا خلاص انا نروح نحضر روحي
محسن: براحتك بنتي ياخي مازلت زعفانة
ميار: كاين واحد يزعف من لعسل
محسن: ياخي بلعاطة روحي حضري روحك و مطوليش
راحت ميار خبرت ماماها و سيرين الي شجعوها تروح ، حضرت روحها و ركبت مع السواق و راحت معاه للمطعم الي قالها عليه جدها
وصلت لقاتو مطعم فخم دخلت قعدت تشوف في لعباد معرفتش شكون هو مراد الي حكالها عليه جدها
جاها السيرفور تاع المطعم و سقساها على واش راهي تحوس
ميار: نحوس على طابلة مراد ####
&&&:.الطاولة هاذيك(اشارلها بايدو) تاع سي مراد
شافت ميار الي قاعد عند الطاولة هاذيك كان راجل اقل ميقال عليه شباب بهبل في الزين قعدت تخزر فيه مدة من بعد فاقت على روحها و راحتلوا
ميار: سلام انا ميار
مراد(بلا ميخزر فيها): اقعد
ميار في نفسها: واش بيه هذا ملا غرور واش حاسب روحو
قعدت قدامو جا السرفور و سالهم واش يشربوا
مراد: انا قهوة كحلا و المدموزال كاس عصير تاع فواكه
راح السرفور و ميار قعدت باهتة
ميار: على الاقل سقسيني اذا نشرب عصير و لا قهوة كيفك
مراد: عندك حساسية من الفواكه
ميار: لالا
مراد: ملا خلاص كيف كيف
ميار: .........
➖➖➖➖➖➖➖➖➖➖
كمل جزء هذا اعطوني ارائكم واش عجبتكم شخصية الابطال و صحابهم 🥰😘❤️