🥀💞 صدفة جمعتنا 💞🥀

🥀💞 الحلقة 5💞🥀

وفاء:- خشت لـ منال ..... هي احكي
منال:- ساكته ولا كلمة 🤐
وفاء:- بعصبيه😡.....هي تكلمي......ره هوا بكري لما تصل و اني رديت هوا حكي كل شي
منال:- تبكي..... خلاص مدام حكالك هوا كويس شن مزال بنحكي اني
وفاء:- تشبح لـ منال
منال:- حكيت كل شي...حكيت ان لينا 4 سنين على علاقة حب حكيت كل القصة.....
وفاء:- طلعتي معاه او فيه شي صار بيناتكم
منال:- صدمني السؤال😳....لا
وفاء:- فيه شي صار بيناتكم ولا لا
منال:- من وسط البكي ضحمت 😂بس قلبي مجروح 💔💔💔 جاوبت وقلت لا
وفاء:- تشبحلها و ساكته
______________________
بس سؤال الي سألاته وربي دمرني و وجعني اخر شخص توقعت انه يسألني هكي ادا كان اقرب الناس ليك هكي فكر شن مزال بتتوقع من الغريب 💔
_______________
و طبعاً مايخلاش الموضوع من الهزايب و الضرب
المهم
جت العشيه و كان عندي موعد في المستشفى...
مشيت لبست عبايتي و وشاحي و قعدت نستنا فى داري و نبكي وخانقتني العبرة💔💔😞 وحالتي حاله.....و جاها خوها
احمد:- خيرك
منال:- وهي تبكي.....شي
احمد:- كيف شي و انتي تبكي شن فيه
منال:- تبكي...مافيه شي خلاص 😭😭
احمد:- شن ماتبيش تمشي للمستشفى نفوتوها اليوم
منال:- في قلبها....نبي نطلع كان نلقى نشوف مندر و نسأله علاش دار هكي فيا علاش 💔😞....لالا نمشو
المهم
مشت و دارت التحاليل المضلوبه و خدت دواها و روحت
المهم
مرت الايام و الاسابيع
ومنال قعدا على حالتها و كانت تفكر تنتحر و ترتاح من العشية هادي و حاولت اكتر من مرة تجرح فى يدها بس كل مرة تحاول فيها والحمدلله يجيها جرح صغير و سطحي......
__________
مرت فترة طويلة على هدا كله وبديت نمشي لقرايتي و كنت نقراء تالته تانوي.....المهم
في المدرسة
نور:- منااااااال استاحشتك 🫂🫂❤️❤️
منال:- ياروحي والله استاحشتك هلبااهلباات🫂❤️
و قعدنا نهدرزو
نسرع فى الاحدات شويا.....
فى الأمتحنات الفترة الاخيرة متع الشهادة التانوية درات تليفون و كانت كانت الأمتحنات في الجامعات المهم
كنت نمتحن وكان كل شي تمام و فى يوم من الايام كنت نوتي في روحي بش نمشي للكورس
وفي الطريق واني ماشيا صدفة شفت مندر 😳
#🥀💞صدفة جمعتنا💞🥀
شفت مندر 😳 في الشارع و جهي تغير بس خليت روحي عادية و خشيت للكورس وشن يقولي عقلي 🤦🏻‍♀️🤦🏻‍♀️🤷🏻‍♀️ نتصل بيه بس لقيته مقفل اوووف رتحت و ركزت فى الدرس قريت و كملت...و روحت للحوش وكان تاني يوم جمعة نضت الصبح ساعة 11 في الجو هدا.....المهم
مش عارفة علاش تصلت بي مندر 🤦🏻‍♀️🤷🏻‍♀️ اي تصلت بيه مرة تانية رغم كل الى صار وكل و كيف هوا تخلي عليا حاولت نتصل بيه عارفة انه غلط بس لما الشخص يحب حد يبدا يدير اى شي بس بش يسمع صوته اقل شي......المهم
نتصل بي مندر و كنت ندير في تشرينات🙂🙂 لى ان ماعنديش رصيد 🙂😂😂💔💔...المهم
نتصل بيه وكان يفتح الخط و نصكر عليه طول و نصبر شويا نقول بالك يعاود لكن هوا مايعاودش🙂 و جربت 3 مرات واني نتصل و في الاخير درتله ميزة المربع و فتح الخط لما لقها على حسابك صكر🙂(قفاص😂💔)ماعلينا....المهم
خلاص ايست انه يعاود حطيت التليفون جنبي و بعدها بدي يشرين لقيته رقم غريب فته و قعد يتصل تاني كنت مانبيش نرد بس قلت هي خلي نرد مرات هدا رقمه الجديد لـ انه كان يشرين برقم مدار المهم رديت عليه و كان مندر
يتبع..........
الكاتبة 🥀💞manosa AH💞🥀

ان شاء الله تعجبكم

تفاعلو 🥺❤️