🥀💞 صدفة جمعتنا 💞🥀

🥀💞 الحلقة 8💞🥀

🥀💞 صدفة جمعتنا 💞🥀

محمود:- نبي نطلب منك طلب
منال:- كان نقدر عليه تفضل
محمود:- بصراحة نبي نشوفك توا توا ره
منال:- سكتت 🤐...... توا توا😳
محمود:- اي هي...قبل ما نمشي للعمل
منال:- لكن مش عارفة...
محمود:- قص عليا... قصدي اني بنجي في شارعكم بس
منال:- احمم...كان هكي باهي...لكن مزال حتي ما وتيتش روحي وهكي بنعطلك و بعدين توا الساعة 8 و اكيد وقت عليك
محمود:- لالا عادي....صح حولتله جديد المكان لكن عادي حتي لو يفصلوني على خاطرك عادي
منال:- تحشمت☺️...و بتسمت....لالا اني منرضهاش يفصلوك بسببي.... دقايق بس ونطلع باهي
محمود:- بارك الله فيك....تم ميه ميه نستنافيك
منال:- تمام
_______________
بدلت بسرعة وكنت بتصل بـ محمود لكن تفكرت ان ماعنديش رصيد 🙂🙂🙂💔💔
(كله منك يا نور حشمتيني قدام الولد🤦🏻‍♀️🙂💔😅)
ماعلينا خل نرجعو
المهم
كيف قمت كتاباتي بش نراجع لـ امتحاني و نستنا في خوي....وصلتني رسالة
لقيت محمود بعتلي رصيد🙂.مش اتصلت بيه صكر عليا و كلمني
منال:- خيرك فصلت...و شكراً علاش بعتلي كنت بنقول لـ خوي يبعتلي
محمود:- عفواً... عادي...و هكي فصلت عليك بش يقعدلك و ديما خلي أقل شي تشرينات مرات لقدر الله تصيرلك حاجة تلقى كيف تكلمي ماليك وبعدين المكان الي تمتحني فيه بعيد هلبا ديما خلي عندك باهي
منال:- ابتسمت ☺️ حبيت كلامه و خوفه عليا بصراحة......باه حاضر....و اني كيف بنطلع توا
محمود:- اني من بكري في شارعكم
منال:- 😳قصدك قاعد داخل في الشارع 😱
محمود:- ضحك عليا كيف نصدمت 😂..خيرك خفتي لالا قاعد في الشارع الي قدامكم
منال:- 😂...نصدمت ماخفتش🙂... باهي تمام هي كيف نازله
محمود:- تم هي
و نزلت و شفنا بعض☺️☺️بس من بعيد
المهم
قعدنا على الحاله هادي و كل يوم يزيد اعجابي بـ محمود
مرت الايام و كملت امتحنات
و كل يوم نتكلمو مع بعض و كل مره نزيد ننعجب بيه اكتر كل يوم يزيد اكتر من الي قبله 🥺❤️
(🥀💞جميلة هي الصدفة التي جمعتني بك و تركتني احبك💞🥀) #كتاباتي
#🥀💞صدفة جمعتنا 💞🥀
🥀💞manosaAH💞🥀
_____________________
في يوم من الايام
كان بابا مسافر ليه فتره و اليوم في الليل مروح
المهم
مع جو الساعة 11 في الليل نهدرز مع محمود
اتصلت بيه
محمود:- الوو ااهاا ياحبي
منال:-☺️شن الجو حبي
(حقاااا نسيت🤷🏻‍♀️🤦🏻‍♀️🤦🏻‍♀️🙂
ماقتلكمش ان اني و محمود صار تطور في الكلام زي ما شفتو بس يعني مزال مافيش حد صارح التاني بشن يحس 🥺🥺 )....خل نرجعو
محمود:- الحمدلله.... غريبة كيف شدت معاك ياحبي
منال:- هههه علاش
محمود:- اني قاعد في.......وزي ما تعرفي هني مافيش تغطيه قوية
منال:- اها..معنها خلاص خليك في مكانك
و قعدنا نهدرزو و مدايره السمعات و نلعب في التليفون......(لي اي طارئ كان حد جي فجاء يلقاني نلعب🙂 هوا التفكير 😌😌😏)خل نرجعو
محمود:- شن ديري حبي
منال:- شي والله نكلم فيك و نلعب🙂
محمود:- باهي كويس لكن ردي بالك حبي يخش عليك
منال:- لالا عادي مدايره السمعات
محمود:- اي لكن ردي بالك يا حبي
منال:- ☺️ حاضر حبي
واني نهدرز معاه نادت عليا اختي😳 (مش وقتها بكل 😒)
اسماء:- منااال
منال:- والخط مفتحو...🙂 نعم
اسماء:- خشت للدار
منال:- 😱نصدمت معش عرفت شن ندير....شن تبي
اسماء:- فيه عندك أغنية اجنبيه نبيها توا😒
منال:- اما وحده😑
اسماء:- شن مدايرا روحك معرفتيهاش😒😑
منال:-🙄😒 عندي هلبا ره...ومش توا نبعتلك بعدين ساهل
اسماء:- باهي به
و مشت.....
هدا كله و محمود قاعدة على الخط🙂🥲.....
منال:- اهاا ايوا
محمود:- اااها حبي فيه حد جاك
منال:- 🙂 اي اختي تبي نبعتلها أغنية
محمود:- و بعتيلها
منال:- لالا
محمود:- علاش
منال:- هكي بعدين توا نبعتلها
محمود:- ااها
منال:- ايي
منال& محمود:- قعدنا ساكتين شويا🤐🤐......(مش عارفة علاش تصير لحضة الصمت هادي) ....
محمود:-واااااك واااااك وخلاص
منال:- خيرك حبي 🥺
محمود:- تنهد ااااااه.....عييت و فديت ياحبي.... قولي ان شاء الله تجي فيا رصاصه و نموت و نرتاح
منال:- 😟😢بخوف.....لااااالاااا بعدين السو عليك معش تقول هكي
محمود:- تحبيني؟؟
منال:-نصدمت😳و تحشمت☺️..... وفي خاطري وقلبي يقولو قوليله نحبك❤️ بس في نفس الوقت خايفة.....معش تقول هكي محمود
محمود:- تحبيني.......تحبيني
منال:-بعيد السو عليك
هوا حس بيا تحشمت مشي غير الموضوع
وقعدنا نهدرزو عادي
وبعد ماصكرت منه قعدت نفكر
علاش ماقلتش اي نحبك
يعني علاش كان خاطري نقوله الي في قلبي بس كنت خايفة من الي مريت بيه قبل مع مندر 4 سنين واني عايشه في وهم و كدب معاه.....
المهم
مشو ايام و جو ايام
و كل يوم يزيد حبي لـ محمود........
يتبع........
زعما شن حيصير بين محمود و منال؟؟؟ وهل الحب هدا من طرف منال بس او حتي محمود....
كل هدا تعرفوه في الحلقة الجاية ان شاء الله
الكاتبة
🥀💞 manosa AH 💞🥀

رايكم يهمني ☺️❤️
تفاعلو 🥺❤️