🥀💞 صدفة جمعتنا 💞🥀

🥀💞 الحلقة 7💞🥀

🥀💞 صدفة جمعتنا💞🥀
الكاتبة :-
🥀💞manosa AH💞🥀

منال:- مندر
مندر:- نعم ياحبي عيوني
منال:- مش انت كنت تقولي انك تبي تكلم بابا و على أساس تبي تخطبني مش هكي تقولي صح ولا
مندر:- اي و به
منال:- شن هوا الي اي وبه😒😐...قصدي واضح كلامي
مندر:- و كان رفضني
منال:- مش تفاهمنا من قبل....و بعدين عادي يعرفو بعلاقتنا مش مشكلة نديرو اي حاجة بش يوافقو و كان رفض مرة تانية عادي نعاودو مرة تانية
مندر:- اني كتر خيري كان جيته مره كرامتي ماتسمحليش نرجع مرة تانية

تصدقو الكلام الي قاله صعقني بجديات كيف الي حبيته و ياما صارلي من مشاكل فى جرته و حبيته و قبلته بكل عيوبه هكي يقولي😞😞💔💔💔💔..

منال:- نصدمت😧.....هه كرامتك ماتسمحلكش
مندر:- اي ماتسمحليش
منال:- هه تمام....صكرت عليه....
جوي قعد اخي و ضايقت و وجعني كلامه بجديات 😞💔💔......
المهم

كلمت محمود بحكم اني لقيته متصل بيا
اتصلت بيه صكر عليا قلت اكيد في العمل و جنبه ولاد خلاص مشيت لصحباتي...
نور:- خيرك🤨
منال:- ولا شي😞💔
نور:- ماك حيوانه(حشاكم) اكيد كلمتي مندر😒😒
منال:- لا😐
نور:- ماتكدبيش عليا نعرفك ره
مرام:- علاش كلمتيه
نور:- تبي تغير الموضوع....به خلاص غنيلنا منال
مرام:- اي. اي هي صوتك حلو هي
منال:- 🥲😒 اخس على المجاملة
نور&مرام:- 😂😂
نور:- غر هي بالله منو
منال:- معش تعاوديها💔
نور:- أسفة خلاص 🥺
منال:- مش مشكلة عادي...هي تو نغنيلكم
مرام:- فكينا من النكد😂
منال:- 🥲😂 هدا الي عندي ره..احم احم
(لنقاني 💔
مرايف عليك نريداك😞💔
لنقاني
مشتاق لمواعيدك
مشتاق لحكاياتنا😞💔
عصوب و غياتنا
خطواتنا 👩‍❤️‍👨
ساعة غروب الشمس 🌇
ويدي فيداك💔
و يدي و فيديك 🤝💔
لنقاني مرايف عليك نريدك😞💔)
___________________
نور:- وربي تهبلي🥺
مرام:- مشاء الله
منال:- تسلمو☺️❤️
مرام:- باهي قولي توا علاش كلمتي مندر؟
منال:- خلااااص يابنات بالله عليكم .....قص عليا اتصال محمود...ابتسم (مش عارفة علاش)..لما شفت رقمه
مرام:- غر من الي يتصل بس
منال:- محمود
نور:- مش قتلك فوتيه😒
منال:- طيري توا مش وقت كلامك خل نرد عليه و نجيكم☺️☺️
مرام&نور:- 😂😂😂
مرام:- اكيد بيحبو بعض
منال:- سمعت كلامهم.....سمعت ره طيري توا نحكيلكم بعدين...
رديت
محمود:- الوو
منال:- شن الجو
محمود:- تمام الحمدلله...شن درتي في امتحانك
منال:- باهي الحمدلله جاوبت
محمود:- به كويس....وخيرك بكري نتصل بيك ماترديش والله نشغلت عليك
منال:- قلبي دق💓💓...كنت في الامتحان هدا علاش
و قعدنا نهدرزو
و ضحكت و غيرت جو مع محمود...
و رجعت للبنات
مرام:- غر من الي واخد عقلك🙂
نور:- كان تفوتي الموضوع خيرك يا منال
منال:- خلاص اني حسيت روحي رتحت مش عارفة
نور:- ديري رايك
مرام:- هي غني قبل ما تروحي
نور:- اي هي
منال:- به.....احم احم 😂
(ضايق💔
مضايق😞
مالي💔
ناري اتلهلب😞
فـ العالي💔
مش عارف ☹️!
ويش جرالي💔😞
نين هكي😥
تما حالي😞💔
انت ساكن💔
خيالي
مشكلتك 😥
ماعندك 💔
علم😞💔
يا ياضيق العلم 💔)
__________________
منال:- عيوني مدمعات🥺.... خلاص سادكم تم آرب أيدل😒
مرام:- والله حلو صوت يافرخة❤️
نور:- قولي مشاء الله توا تتقربع البنت🙂😂
منال&مرام😂😂
مرام:- مشاء الله مشاء الله
منال:- هي نور خوي جي.... نتلاقو مرام سلامات
نور:- هي سلام
مرام:- تم نتلاقو باي
___________________
و لما روحت للحوش
قعدت نتفكر في كلام مندر🥺😞😞💔💔💔 و قعدت نبكي وجعني كلامه

قعدت نبكي و نعاتب في روحي 😭😭💔💔😞
انتي يا منال علاش درتي هكي في روحك علاش رجعتي كلمتيه علاش رغم كل عراكنا و السبب ديما منه بس انتي تتأسفي منه علاش واني وين كرامتي مافكرتش في روحي حتي شويا هه و توا يجي و يقولي كرامتي ما تسمحليش😞😞💔💔💔
هههههههه

رغم ان الكلام و جعني بس في نفس الوقت متت بالضحك......
(مصعبها الضحكه الي طلع من وسط دموعك تخليك تحس انك ماعندكش اي اهميه و لا قيمه عند الشخص الي كان السبب في نزول دموعك)😞💔
_________________________
المهم
نضمت اموري
و تكلمت مع محمود لى ان لقيت منه اتصال
هدرزت مع محمود شويا
و قتله
منال:- محمود شويا و نكلمك باهي
محمود:- باهي تمام
صكرت منه و صكرت تليفوني ودرته يشحن و رقدت😴😴
خديتها نومه عميقه نضت بعد العصر نضمت اموري و فتحت تليفوني لقيت رساله من محمود
محمود'- خيره تليفونك مقفل من بكري نتصل بيك ضمنيني عليك لما تفتحي تليفونك
ابتسمت لما قريت رسالته
قعدت نقول:- مع ان حني اصدقاء بس مش اكتر بس هوا قعد مشغول عليا و يبي يضمن عليا
لوحت التليفون و مشيت كليت و نضمت اموري و كيف بنبداء نقراء اتصل بيا محمود
منال:- الووو
محمود:- وين والله شغلتيني عليك
منال:- ابتسمت☺️..... والله بعد ما صكرت منك طول رقدت و مالياش هلبا كيف نضت....و أسفة لي ان قتلك شويا ونكلمك و ماكلمتكش
محمود:- لالا عادي مدوريش اهم شي راحتك
منال:- ابتسمت☺️... شكراً
و قعدنا نهدرزو قريب ساعة
(و نسيت قرايتي و اني نهدرز 🙂🙂😂💔💔)
_______________________
في يوم من الايام
الصبح قبل مانمشي للامتحان درت نشرينه لـ نور(يعني كانك راقده نوضي وتي روحك🙂💔) فتحت عليا الخط فصل طول (كيف ناضت الفالحة و كملت التشرينه الى عندي للاسف🙂🙂🥲💔)
و بعدها اتصلت بـ محمود (تصبح عليا ليس لديك رصيد🥲🙂🙂💔😅 وااو)المهم
درته ميزه المربع(حني جماعه اليبيانا🙂) المهم
و اتصل بيا
محمود:- الوو صباح الورد
منال:- صباح الخير.... اسفة والله كانت درتلك ميزه المربع كانت عندي تشريته فتحت عليا صاحبتي لى بنخطم عليها🙂
محمود:- 😅 صار خلات هكي
منال:- 😂اي والله 🙂💔
محمود:- اسمعي
منال:- نعم
محمود:- نبي نطلب منك طلب
منال:- كان نقدر عليه عادي تفضل
محمود:-.........
يتبع........

زعما شن هوا الطلب الي يبيه محمود من منال؟؟ وهل منال حتنسي مندر او لا كل هدا حتعرفوه في الحلقات الجاية

رايكم يهمني🥺❤️

تفاعلو 🥺❤️

🥀💞 صدفة جمعتنا 💞🥀

الكاتبة
🥀💞manosa AH💞🥀