الظابطة⭐⭐⭐

البارت1

ولك روني صخام يلا جيب الجاي بسرعه
روني/اي عمي اجيت اخذت الجاي قدمته للزبون واخذت الاستكاين الفارغه داامشي عثرت واتكسرن
_اثول هذا مخصوم من يوميتك
روني/طبعاً طيح حظي شبعني جلاقات علمود الاستكاين وكلي بعدماتشتغل وياي رجعت لهلي كبل نمت حتى مااكلت احنه كاعدين ابيت من جينكو بالتجواز ثاني يوم طلعت اخذت بطاله مي من رجال اتكفلني ولد من اخلص بيع ارجع فلوسهم بقيت ادرس واشتغل واشتغلت عماله جانت حاره ونشتغل بالشمس وياي صديقي اسمه علي وهو جيرانه بنفس عمري اني بيه ظربت شمس وتجددعليه كل سنه فدخت وكعت
علي/روني روني اكعد يمعود رش عليه مي شويه وكعد هايخوي شصاروياك
روني/بس شويه دخت من الشمس
علي/ادري بيج وكلتلج مانجي نشتغل عماله
روني/لاتفضحنه لاتخاطبني بأسم بنيه
لاتتفاجئون اني بنت موولد اسمي روناك عمري27 سنه حالياً بشرتي بيضه شعري لونه على حمار عيوني لونهم رصاصي فاتح على خضار طولي 170 وزني 60 اني ظابطة برتبت نقيب اكيد تتفاجئتوا اي لان طموحي هذا اريد احمي  الناس الضعفاء جنت الوحيده بدفعتي بنيه اتعرضت لهواي تحرشات وكلام كل هذا ماهمني لان جان هدف عندي احنه فقره عندي بس ماما واختي ثمر بابا اتوفه من عمري 10 سنوات لان خسر كل املاكه بمشروع اهل بابا إتبروا منه لان إتزوج ماما هي ايزيديه وماعده احد بس اخ واخت حاولت اشتغل إتشبهت بالولد وبماانواسمي يرهم للولد والبنت عادي يصيحولي روناك ومرات يلقبوني روني جنت الف شعري بالشماغ واتنقب حتى لاانكشف والصبح بالدوام عادي بنت بس طبعي مال لشخصيت الولد حتى تصرفاتي ومشيتي مرات انسه اني بنت كعدت الصبح لبست الزي الرسمي ونزلت صبحت على امي وطلعت بدون اكل مستعجله عندي مهمه وصلت للمركز عدنه اجتماع
لواء محمد/روناك احنه معتمدين عليج اليوم لازم نلزم رئيس هاي العصابه
روناك/اني جاهزه وان شاء الله ماخيب ظنكم
لواء محمد/المهمه صعبه كلش يعني راح تتنكرين بزي بنات الليل
روناك/اعرف سيدي خطر بس اني اضحي بروحي لأجل بلدي
علي/روناك خلي غيرج يروح
روناك/لامااكدر اعتمد على احد ثق بيه
المقدم عمر/يلا روناك هاي ملابس وبيه كل التجهيزات وبيه جهاز نسمع شنو يصير يمج وانتبهي هاي الكلاده بيه كامره
روناك/اخذت الملابس ودكيت تحيه وطلعت اريد البس
علي/انت صدك تحجين ولج اخاف عليج
روناك/لاتخاف اني اسد مولبوه وثانياً موانت وياي ههه خرب الحظ عود انت الكو... هههه
علي/انت ابقي اضحكي عليه غير مااريد اعوفج وحدج
روناك/يلا ولك استعجل خلي نتحضر ماضل وكت رحت للمكتب قفلت الباب ولبست جان فستان قصير احمر وربع ردن اجن بنات من الصالون اتفقنه وياهن معرفه ويه الظباط مكيجتني ولبست اكسسوارات طلعت مثل هذني الك.. لبست عبايه اسلاميه فوكاه وطلعنه اني وعلي احنه نعرف الاماكن الياخذون البنات منهم وكفنه شويه اجت سياره اني واكفه واطك علج
الرجال/تعالي
روناك/عليه قصدك
الرجال/اي انت من يابيت منهم
روناك/اني اشتغل حره موويه احد
الرجال/زين تعالي وياي عندي بيت وحده وانت تفيده حلوه وجسمج يغري
روناك/شكدتنطوني
الرجال/تعالي واتفقي ويه ام البيت
علي/بهمس روني وين لاتروحين
روناك/لاتخاف يلا ولك لولو خلي نروح اجتنه خبزه
الرجال/هذا شنو وياج ماخذته
روناك/لاعيوني مااعوفه هذا وياي ينظم شغلي
الرجال/يلا اصعدي
روناك/صعدت بالسدر صح خايفه بس لازم ماابين حتى لاانكشف وصلنه لبيت دخلنه واتفقت وياي جانت هواي بنات بالبيت اني مفتوح عندي التصوير واسمع يحجون وياي
المره/شوفن اليوم جاينه ضيف مميز وهذا مواي واحد يعني الجبير مالنه ابوالعيشه وراح يختار وحده تكضي الليل يمه
روناك/اي هو هذا المطلوب جهزت روحي نص ساعه وصل بقه كاعد واحنه نفتر عليه بس صدك خجلانه بالملابس وعلي كاب نار شويه كال
الضيف/ام الاحمر تعالي يمي
روناك/اني قصدك
الضيف/انت ماشايفج قبل بس عجبتيني وجسمج يخبل
روناك/هه اي كدامك ياحلو هو تقريباً عمره ب40
الضيف/هاي ورقه💵واذا ونستيني ورضيتيني الج بعد
روناك /كوم يلا اليوم انسيك اسمك طبينه للغرفه جانت كله حمار حتى النزله مال الجربايه المهم خليت مخدر بأيدي اول ماتقرب عليه راد يحضني خليت ايدي على خشمه بسرعه وكع جانت الساعه ب1 الصبح بسرعه حاجيت الظباط كلتلهم اهجموا تمت العمليه ثواني دخلوا دفروا الباب وبيدهم الاسلحه اني طلعت سلاحي من الجنطه المهم تمت العمليه وقبضنه عليهم واكثر البنات خطيه ظلم جايبيهن وخاطفيهن يتاجرون بيهن رجعنه للمركز فرحانين
لواء محمد/كفوو روناك  وباجر تكريم الج من حضرت الفريق
روناك/اشكرك سيدي الكل باركولي على اتمام المهمه رحت للمكتب لبست الرسمي وطلعت بسيارتي رجعت ب3 الصبح دخلت للبيت خطيه امي مانايمه
ام روناك ماس/الله يساعدج ليش لهذا الوكت
روناك/موتدري عندي مهمه يبعد روحي
ماس/والله ظل بالي يمج خفت عليج
روناك/تدرين اني مهنتي خطره واني اسد لاتخافين عليه
ماس/ادري بيج انت اسد بس كلب الام هسه كولي جوعانه اسويلج شي
روناك/انت ارتاحي نامي اني اشوف شنو اكل مااريد اتعبج خطيه بوسته وراحت نامت اني بعدني بلبسي  حميت جاي وشفت اكو كباب عروك خليت بصمونه وصبيت جاي بالكوب وصعدت لغرفتي اكلت على السريع واني انزع بملابسي ذبيت كلشي الحمام مالتي بغرفتي خلصت اكل طبيت سبحت وطلعت لبست شورت وكيمونه اسود بقيت اتصفح بالفون نص ساعه ونمت ثاني يوم ماعندي دوام بس اني اكعد من وكت كلش اذا اتأخر لل8ونص المهم كعدت ب8 لبست ملابس الرياضه تراك وطلعت للجيم مال بنات ساعه ورجعت لكيت امي كاعده صبحت عليه وسوت ريوك اني طلعت اخذت اكل للكلب مالتي اسمه روكي فصيلة (هاسكي) لونه ابيض وبي رمادي ربيته من زغره رجعت اتريكت ومراليوم عادي العصر خابرت علي هوجيرانه بصف بيتنه طلعنه للمول واشتريت غراض للبيت ورجعنه مراسبوع كعدت الصبح بكل نشاط سبحت ولبست الرسمي ونزلت صبحت على امي
ماس/صباح النور هلا بنيتي هاي الكهوه☕مالتج
روناك/شكراً ياغاليه طلعت للحديقه اخذت اكل لروكي🐺 ورجعت اخذت مسدسي وتلفوني والسويج مال السياره وطلعت وصلت للمركز تخذولي تحيه دخلت للمكتب مالتي اجه مساعدي اخذتحيه
المساعد/احترامي سيدي .سيدي اليوم عدنه مجرم حاولنه هواي مااعترف وانطوا المهم لحظرتج بس هذا عدنه اي اوامر ثانيه
روناك/جهزولي المجرم بغرفة التحقيق وخلي مي يلا تفضل على شغلك اخذتحيه وطلع شويه رحت لغرفة التحقيق عندي طرق هواي اخذمنه الاعتراف لان اني درست بأمريكا واتعلمت منهم خبره فهنا يعتمدون عليه بكلشي بديت احجي اي اسمعك شنو جان اسمك ذكرني
المجرم /سيدي اني اسمي عمران
روناك/اي عمران مرتك شلون انقتلت
المجرم/سيدي مااعرف اني رجعت لكيته مكتوله وبلغت شو لزمتوني
روناك/بس الادله كله ضدك
المجرم/صدكني سيدي اني ماقتلت
روناك/اوك تمام اهدء صدكتك اخذهذا مي اشرب برد كلبك راح اخليك تطلع شرب المي خلص الكلاص وحجيت تدري هذا المي بي سم عشر دقايق تموت بح وبس اني عندي العلاج فأذا ماراح تعترف ماانطيك واخليك تموت انت قرر
تختار حياتك لو اعنادك
المجرم/لالا دخيلك اني رايد حياتي
روناك/يلا لعد صير شاطر وغردددد
المجرم/اي اني قتلته طمعت بفلوسه لان ورثت من ابوه عماره وبيت وفلوس بالبنك وهي ماتقبل تسجل شي اليه وخططت اقتله حتى يرجعن اليه ضرته طلقه وهي واكفه بالحديقه يلاهسه انطيني العلاج بسرعه
روناك/ههههه تدري انت اكبر غبي شفته بحياتي لك صارلك اكثر من نص ساعه تسولف ومابيك شي يلا ياولد تعالوا اخذوا وهذا التسجيل خلصت ردت اطلع كالوا اكوواحد يتاجر بالمخدرات والكرستال لازم احقق المهم دخلت ساعتين احقق وياه كوه اعترف على كم واحد احس راسي صدع خلصت الدوام ورجعت للبيت سلمت على امي وثمر ماما بداعت الغوالي ترى طاكه من الجوع وبطني تسمعين صوته واصله لمول المنصور
ماس/هههه يعني الا مول المنصور
روناك/اي مولان قريب حتى مااطلع جذابه
ماس/يلا اصعدي بدلي واحضر الاكل
ثمر/اخوي الحلو روني
روناك/يبعد العافيه اني اختج واخوج عادي حبي شعندي غير ثمر المدلله اروح ابدل ولج ميته تعب صعدت بدلت ولبست كيمونه وشورت نزلت اخذت لروكي 🐺اكل وكعدنه نتغده
ماس/شلونه الدوام وياج
روناك/لعبان نفس اليوم طلعت روحي اكلج ماما ليش احس اكوكلام بحلكج كولي واخلصي ترى اعرفج قاريتج قرايه
ماس/اي اليوم اجونه خطار
روناك/موجديده اكيد وحده من جيرانه
ماس/هالمره لا
روناك/لعدمنو
ماس/بيت جدج ابوضرغام
روناك/كمت وكفت بعصبيه شنووو هذوله شوصلهم النه هسه اذكرونه
ماس/بس اكعدي خلي افهمج
روناك/استغفرالله اسفه ماما عصبت بوجهج
ماس/لا حقج يبعد امج شوفي يمه جدج ابوضرغام مريض كلش وحالته حرجه وكالهم اريد اكفر عن ذنبي ويسامحوني فهمه اجوا ودوروا علينه هنا ابغداد وعرفوا مكانه عمج ضرغام كال جهزوا نفسكم يومين اجي عليكم اخذكم
روناك/صدك تحجين ماما وافقتي بدون مادكولين اليه
ماس/اعرفج كلبج حنين وماراح ترفضين
روناك/شكدراح نبقه يمهم
ماس/شهر اقل واذا ماعجبج الوضع نرجع قبل هذا الوقت
روناك/ولومااحب اخذاجازه بس شسوي باجر اخذ
ثمر/همزين عندي عطله
روناك/اي ثموره مكيفه على الروحه
ثمر/روني حبي ترى ملينه مكطوعين من شجره لاعمام ولاخوال والله اتمنى اكول عمو لوجدو
روناك/والله كبرت بنيتي وصايره تفكر فديت الحلو يلاهسه اني اروح اناملي ساعتين واي شي محتاجين سويلي قائمه بيهم ودزيهم واتس
ماس/اي هاي هي
روناك/صعدت وقتت الفون ب4 ونص حتى اطلع ونمت كعدت على صوت المنبه دخلت سبحت وبدلت لبست جينز اسود وتيشيرت اسود وكاسكيته 🧢حمره وجاكيت اسود لان الجو بي بروده ولبست شوز رياضي اسود اخذت مسدسي بظهري واخذت محفظه فلوس وفوني ونزلت هاماما دزيتي الطلبات
ماس/اي يمه دزيتهم
ثمر/روني حبابه ضايجه اخذيني وياج
روناك/5دقايق اشوفج هنا جاهزه
ثمر/والله طلقه
روناك/ماما تروحين ويانه
ماس/لايمه حروح لبيت اموعلي عازمينه على ثواب وانت من تخلصين تعالي الهم
روناك/بكيفج يالغاليه كعدت شويه اكلب بالفون على مانزلت ثمر شنو هالجمال يابه
ثمر/عيونج الحلوه روني لبست جينز نيلي👖وبدي احمر👚وسويت شعري ذيل حصان واخذت جنطه مال ظهر

💫💫💫💫💙💙💙💙💙💙💝💝💝💝💖💖💖💞💞💞💞💞💕💕💕💕💋💋💋💋💋⭐⭐⭐⭐⭐⭐⭐⭐🌥⭐🌟🌟🌟🌟🌟🌟🌟🌟🌟🌟🌟🌟🌬

يتبع.....الظابطة⭐⭐⭐

#ميمي_جوية 🦅