الظابطة⭐⭐⭐

البارت3

مره اسبوعين نفس الروتين اطلع العصر افتر والصبح اسوي رياضه بالبستان وسوالف وضحك وي البنات كلش حبيتهم حور كلية هندسه سنه2 وحوراء طب مرحله اخيره
الام/شقررتي يمه على كلام جدج
روناك/ماادري خاف اخذ قرار واندم عليه
ثمر/روني ترى والله حبابين وشوفيهم شلون يحبونه
روناك/باليل الكل كاعد وحجيت احم احم حجي اني قررت
الجد/ان شاء الله خير
روناك/قررت نستقر  هنا بالبصره
الجد/عفيه بويه واني هم راح اعوضكم على كل السنين الي انحرمتوا بيه
روناك/اتقدمت عليه بست ايده وراسه جدي اني مسامحتكم اذا رب العالمين يسامح اني شنو ومااسامح
الجد/هاي بنت معتز الحبابه والذكيه
الجده /بنيتي السباعيه ام كلب الطيب ولج روينه تعالي عندي حجايه وياج
روناك/كولي جده وبست ايده وراسه انت الخير والبركه
الجده/هذا لبسج احسج مثل اولاد عمج زلمه
روناك/🤨 هاجده
الجده/اشاقه وياج شبيج رفعتي حاجبج انت حلوه بكلشي
نمر/جده لاتبلينه ويه النقيي ترى تهججنه
روناك/بسيطه راح انقل يمك واستلم شلون اهججك
ثمر/لاتندك ويه روني اذا عصبت
نمر/روني حتى اسمج مال ولد
روناك/من جنت اشتغل عماله كله تصيحلي روني يكولون اسمك طويل
احمد/من اليوم ماكو روناك بس روني
روناك/بكيفكم اني تحت امركم
بهاي الايام سويت نقل للبصره واسبوع الجاي اباشر
الساعه ب7 كاعده نفس المكان بنهاية الدرج ويمي نمر نسولف سمعت احد نزل على الدرج باوعت راكان نازل
راكان/بس اريد افهم شعاجبكم بهذا المكان
نمر/راحه نفسيه شبيك
راكان/شوسولي مكان خلي اكعد بنصكم
روناك/دنيت شويه وسوينه مجال وكعد بنصنه اووف يابه راش عطر يسطر سطر هاي شبيج روني اتخبلتي
راكان/يله سولفوا كملوا
نمر/نسولف عن مغامراتنه والمجرمين
روناك/سوالف وضحك شويه اجت بنيه من بنات عمي احمد
هند/هلو شباب
نمر/يعني هسه كلنه شباب وهاي الكياته والجمال ويأشر علة روناك كله شاب لازم نظرج ضعيف
هند/هذا الي اشوفه اولاد عمي زادوا واحد
روناك/عادي حبي اتقدمت عليه عود عبالج اضوج بالعكس كضيت حياتي بشخصية ولد وهسه اروح لجدي انهي عليج ماطول بعينج شاب واخذج خدامه ليش اجيب وحده من الشارع
هند/انت كلبه وحقيره وساقطه تربات بغداد كح...ام الولد
روناك/فار دمي من كلامه لزمته من شعره بقيت اتل بيه ولج شبيه تربات بغداد اشرف منج وحق الحق هسه اكتلج ومايرفلي جفن سحبت سجين من جيبي طكيته وخليته على ركبته اسمعي لاعبالج تخوفيني بصوتج العالي وغلطج عليه ترى اسوي دمج بطولج صيري حبابه ولاتندكين بيه  مفهوم
هند/صارصار افتهمت بس عوفيني
روناك /ابتعدت عنه وضربته راشديات خفيفه عفيه بالشطورة سديت السجينه هي راحت واني كعدت بصف راكان اشوفهم ميتين ضحك هاخير اكوشي
راكان/شنوهاي العصبيه ضابطه
روناك/ترى هادئه ماعصبت
راكان/واضح
روناك/طلعت من جيبي كاكاو واكلت اني من اصير عصبيه اكل فأأخلي قريب عليه اشوفهم واحد صافن على الثاني شبيكم بويه
نمر/تدرين عبالي راح اطلعين جكاره لان احنه الشباب نركض عليه كبل
روناك/يله عادي اتفضلوا وياي كسرت من الكاكاو وانطيتهم شويه دك تلفوني علي
الو هلا علاوي📞
علي/مرحبا سيدي📞
روناك/انجب اني كم مره حذرتك اذا موبالدوام ماكو سيدي
علي/تأمرين سيدي
روناك/والله ازعل كافي
علي/خلص خلص المهم اكو مره الصبح اجت دكت الباب عليكم وهسه هم اجت وتسأل على امج
روناك/هسه هي يمك
علي /اي هاي موجوده
روناك/اوك انطيه الفون الو مرحبا خاله كولي اني بته
ناديه /هلايمه اني اخت امج ماسه اسمي ناديه
روناك/هاي وينكم من سنين هسه اروح لامي ركضت ماماهاي خالتي ناديه
الام/صدك والله انطيني يمه
روناك/ انطيته الفون وطلعت رحت للمطبخ  هلو كايز اكلكم ميته جوع
حوراء/مثل البزون من يجوع يدور بالكدور
روناك/والله بطني كامت تعزف اي شي الهي روحي اجه دخل فهد سلم ويباوع عليه صفح
فهد/هذا لبسج مال وحده محترمه وشريفه بله
روناك/استغفر الله راح احترمك لخاطر كبرتك
فهد/اصلا انت مامحترمه كلج تربات بغداد كحا..
روناك/طفرت عليه هيووو موكلتلك احترمتك اكلتني شبيك انت واختك تربات بغداد شبيه تشرفكم انت وهاي اختك الشريفه لزمته من ياخته وطكيته بوكس بخشمه كام ينزف صرت فوكاه واضرب بوكسات بوجه بس حسيت احدرفعني منه وخروا عني خلي اكسره لهذا
راكان/ولج اهدئي موتي للرجال شنو انت
الام/ولج روني شسويتي بأبن عمج
روناك/يستحق اكثر الي مايحترم اني اعلمه الاحترام اني موكلتلج راح اندم لان اخذت هيج قرار من هسه راح الغي المقل وارجع لبغدا دفعت راكان وركضت صعد وراي نمر يركض
نمر/ولج خبله اوكفي شنو من سرعه
روناك/هههه شبيك شتريد
نمر/اعصابك ضابطه
روناك/اكلك اريد اطلع ضجت حيل بيك تطلع وياي
نمر/اي
روناك/يلا لعد وكول لثمر خلي تجي ويانه عشر دقايق اشوفكم يمي والا اعوفكم واروح
نمر/ثواني احنه كدامج
روناك/دخلت لبست جيز اسود وبدي اسود وجاكيت جلد اسود وكلاو وشوز واخذت فوني ومسدسي حطيته بظهري ومحفظتي ونزلت ركض للسياره اجوا وراي وياهم راكان
راكان /اطلع وياكم لان هم ضايج
روناك/يله اصعدوا
نمر/انطيني اسوق
روناك/ولو ماتحب احد يسوق سيارتي بس يلع انت خارج قوس شمرت السويج عليه هويسوقةواني وراه وبصفي ثمر وراكان بالسدر بس شنو احس روحي تريد تطلع فتحت الجام اشم هوى شويه وصلنه سيطره اشر الجهاز على السياره
الشرطي/انزلوا تفتيش
روناك/نزلنه اني ونمر طلعنه المسدسات والهويه العسكريه كل الشرطه الواكفين اخذوا تحيه
الشرطي /نعتذر منكم سيدي
روناك/لاماصار شي واجبكم رجعنه صعدنه
راكان/ترى كمت اغار انتم هذاك اليوم صرتوا كل شويه يأخذولكم تحيه
روناك/من نوكف صير بصفنه حتى التحيه تشملك ويانه طبعا هاي فكرت ثمر العبقريه
نمر /والله ذكاء
روناك/وصلنه المو اخذنه فره واشتريت عطور وملابس وكريمات عنايه بالشعر والجسم
ثمر/روني انت موقبل شويه جنتي جوعانه
روناك/لامااشتهي
راكان/تعالوا اعزمكم امشوا كدامي
روناك/كعدنه طلبنه عشه وخلصت رحت للمغاسل شفت اثنين شباب حاصرين بنيه ومايخلوه تطلع هيوووو
الشاب/شنو هذا الجمال
الشاب/عايفين النعمه مطشره بالشارع
روناك/طفرت عليهم كسرتهم وجريت البنيه وطلعت ويامنو جايه
البنت/اهلي وياي
روناك/دليني وين كاعدين رحت عليهم راحت هي ركضت على رجال حظنته
الرجل/شبيج بويه
البنت/ بابا هذوله ولد اتعرضولي وهاي البنيه خلصتني
روناك/عمي ليش تاركه وحده ماتدري مااكو امان بهذا الوكت
الرجل/مشكوره بنيتي
روناك/لاعمي هذا واجبي اترخص صحت على واحد من العمال تعال وين غرفة المدير
العامل/تعالي اوصلج اتفضلي
روناك/مشيت وياه للغرفه دكيته وفتت
المدير/اتفضلي اكدر اخدمج بشي
روناك/اكدر اعرف ليش ماشاد كامرات بالمطعم
المدير/عادي واذا مااخلي
روناك/شنوعادي ها لك قبل شويه الله ستر بنيه رادت تتأذه
المدير/واني شعليه جايه تحاسبيني
روناك/اني منو سحبت المسدس عليه لك اني الدوله كله اسمع لك احجي وادك على الميز باجر اذا مايوصلني خبر شاد كامرات افلش المطعم عليك مفهوم
المدير/مفهوم سيدي من باجر اشد
روناك/عفيه بالشطور من البدايه وكول الا اتعبني عفته وطلعت اجو عليه مجموعة شرطه
الشرطي/ حضرتج الي اعتذيتي على الشباب
روناك/هههه اعتديت اوك اي اني
الشرطي/اتفضلي ويانه لان الشباب رفعوا قضيه عليه
روناك/اي اتفضل ليش مااتفضل مشيت وياهم
نمر/هاي وين ماخذيج
روناك/مشوار زغير للمركز وارجعلكم
راكان/جاين وراج
روناك/مشيت ركبت وياهم بالسياره دخلنه المركز وين غرفة مدير المركز
الشرطي/وليش اتسألين انت متهمه
روناك/كولي وين ترى تندم بعدين يله صير شاطر ودليني
الشرطي/انت مااحد يكدر يلمج
روناك/كلتلك ترى تندم لاتجاوز حدودك
الظابط/تعالي بنتي انتبهت رتبته ملازم ماخذت تحيه اني اعله
روناك/غرفة مدير المركز وين
الظابط/تعالي وياي اتركه انت
روناك/مشيت وياه دخلنه غرفة العميد اخذت تحيه
العميد/اهلا شواخذتي تحيه انت شرطيه
روناك/سيدي اني النقيب روناك معتز
العميد/عندج اثبات
روناك/اي سيدي هاي هويتي اثبات تكدر تتأكد بنفسك
العميد/اتفضلي اكعدي ليش جابوج لهنا
روناك/سيدي كل القصه .....وووو
العميد/جيبولي البنيه
روناك/جابوا البنيه وانطت اقواله ورفعت قضيه عليهم
نمر/احترامي سيدي
العميد/الظابط نمر اهلا شعجب هنا
نمر/سيدي بنت عمي النقيب روناك
العميد/ها اليوم العائله كله هنا اتشرفت بيج انت وين اداومين
روناك/اداوم بغداد
العميد/ كل الهلا بخطارنه
روناك/خوش ضيافه
العميد/ههه حقج علينه وهسه تكدرين تتفضلين
روناك/شكرا سيدي اخذنه تحيه وطلعنه
نمر/لالابنت عمي ماينكدر عليج اني مااكدر حتى اخلي عيني بعينه وانت كاعده وتضحكين
روناك/اخي العزيز كلنه بشر ليش اخاف منه مثل ماهو ظابط اني ظابط مثله
راكان/هابشروا
نمر/حلته بت عمك البطله
روناك/اكلك بعده ايدي تحكني خلي اكتلكم
نمر/لالا دخيلج الرحمه
راكان/ولج انت بنيه شنو من شجاعه شايله
روناك/الدنيا شوفتني هواي وخلتني اطب بحلك السبع واخذ حقي  بقينه نتمشه ضوجه وين نروح بصفي ثمر ومن الجهه الثانيه راكان ثمر لابسه كعب عثرت رادت توكع مالحكت الزمه لزمه نمر
نمر/احجيلكم عني اسمي نمر عمري 27 طويل جسمي معظل ملامحي عادي بس عيوني كبار من اجوا بنات عمي كلش انعجبت بثمر زغيره وهادئه عكس اخته شجاعه وعده مسؤوليه صارت روناك صديقتي كلش بس ثمر حبيته ماجمعتني مواقف وياه قليله لان تستحي هسه جاي نمشي وعيني عليه عثرت لزمته هي ناعمه صارت كله بين اديه
اسم الله اسم الله يوجعج شي
ثمر/بخجل لا مابيه شي
روناك/متإكده خاف رجلج انلوت شو امشي عليه تكدرين
ثمر/لاحبي ماتوجعني بس هذا الكعب اللعين وكعني
روناك/كم مره كلتلج لاتلبسي
نمر/يربي انوب من تحجي تتنعوص راح اموت اشتعلت عشيرتج
روناك/يله نرج هسه امي يظل باله علينه شنو رأيج ثمر
ثمر/اي نرجع احسن تعبت
رجعنه للبيت كبل لغرفتي اجت حور وراي
حور/هاروني اصبلج عشه
روناك/لاحبي اكلت تسلمين اكلج هذاك اليوم عجبج عطري جبتلج مثله هي مخمريه من تسبحين نشفي وخلي منه تخبل يوم كامل عطره
حور/بعدكلبي تسلمين
روناك/فتحت الكنتور طلعت جنطه بيه اركيله وبديت اركبه
حور/هاي تشربين اركيله
روناك/اي تعودت عليه من ايام جنت اشتغل عماله لادكولين حتى لثمر بس انت عرفتي وصديقي علي تمام
حور/لامااكول وعد
روناك/اروح انزل اسوي الفحم وارجعلج ماطول نايمين
نزلت سويتهم وصعدت تعالي شوفي صوري بالابتوب هاي من جنت اشتغل
حور/صدك عبالك ولد اكلج اني اروح انت ارتاحي باي
روناك/باي ويه فتحت الباب جان راكان بالباب😳طلع اخته وسدالباب
راكان/هاي شنو روني
روناك/مثل ماتشوف اركيله
راكان/بويه انت بنيه شنو هاي تصرفاتج اثكلي
روناك/اني ثكيله واعرف حدودي زين وين جنتوا قبل هسه جاي تحاسبني عشت ويه الولد وانام واكعد وياهم وين جنتوا ماحسبتوا حساب بنات راح ينحرفن لوماالله وكف وياي وقواني وصديقي علي وكف وياي وسندني بمواقف لا جان ضعت وجاي هسه تحاسبني على اركيله  لك اني عاملوني الناس مثل الجلب اذب روحي بالنار حتى اجيب لكمه لامي واختي ولايمدن ايدهن اتحلت اهانات وضرب من الاشتغل يمهم بعت مي وكلكنس بالتقاطع لميت زبل وكلشي بس كل هذا ومااستسلمت وكدرت اوصل من باجر اني راجعه لبغداد لغيت نقلي وانتم انسوني ماردت اضعف كدامه وتنزل دمعتي اني قويه
راكان/روني انت ليش تكابرين عيونج فاضحتج ابجي وطلعي كلشي بكلبج ابجي
روناك/اني موضعيفه
راكان/البجي موضعف بس مرات الانسان بكلبه هم ومن يبجي يطلعه ابجي روني طلعي كلشي بكلبج
روناك/اول مره احس اريد ابجي صدك معقوله تطلع دمعتي عبالك انطيتهن اشاره وحدهن نزلن وبغزاره جنت محتاجه ابجي رغم علي ابجي كدامه بس يضحكني وينسيني خليت راسي على صدره واطلقت العنان لدموعي بقيت ابجي فتره
خلصت شبعت بجي انتبهت لنفسي ابتعدت مسحت دموعي انتبهت راكان يبجي
ها خوماكوشي انت ليش تبجي
راكان/بجيت على بجيتج
روناك/ياريت الصار مايطلع لاحد
راكان/وعد مايطلع
💙🦅💙🦅💙🦅💙🦅💙🦅💙🦅💙🦅💙🦅💙
علق 10 وانتظروا الجديد يتبع....البارت4
#ميمي_جوية