الظابطة⭐⭐⭐

البارت 2

روناك/طلعت اني وثمر للمول اول مادخلت دك جرس الانذار لان شايله سلاح
الحارس/من فضلج شنو شايله خلي البنات يفتشوج
روناك/طلعت المسدس وطلعت الهوية مالتي اخذلي تحيه
الحارس/اعتذر سيدي اتفضلي
روناك/لاتعتذر ماصار شي هذا واجبك
ثمر/تدرين من امشي وياج افتخر لان ياخذولج تحيه
روناك/ولج والله عليج سوالف دخلنه اخذنه كل الطلبات وثمر اخذت ملابس ماتشبع واني اخذت زي عسكري جديد وملابس للبيت وعطور حبي ثمري بعد تردين شي
ثمر/لاحبي كافي
روناك/لعد تعالي اعشيج لان ماما معزومه يم بيت ام علي عدهم ثواب ومن نرجع نروح شويه يمهم
ثمر/تمام
روناك/ يلالعد اطلبي شنو تردين من اليتر
ثمر/اريد كنتاكي 🍗وببسي
روناك/اريد سندويش بركر🍔وببسي شويه اجه الطلب اكلنه وطلعنه هم الحرس شافوني اخذولي تحيه
ثمر/هاي صديقتي بس خلي اسلم عليه شلونج عسوله
عسل/هلوثموره هاي منو البنيه
ثمر/اختي
عسل/شنو هاي مومثلج احسه مغروره
روناك/لاحبي مومغروره لاتحكمين على الناس من الشكل بالعكس اني متواضعه
ابوعسل/بويه اعتذر بالنيابه عنه عسل شنو هذا الاسلوب اعتذري
عسل/اسفه خيتي موقصدي
روناك/لاعمي ماصارشي مثل اختي هي شويه اجه ولد من الجنود الاعرفهم بس انقل لغير مركز اخذلي تحيه هواسمه جلال
جلال/شلونج سيدي
روناك/الحمدلله بخير انت اخبارك الوالده شلونه شجابك هنا
جلال/احنه بخير والوالده دائماً تذكرج وتذكر افضالج واني نقلت هنا قريب على اهلي سيدي محتاجه شي
روناك/لاربي يوفقك مامحتاجه راح الجندي باوعت اهل البنيه فاتحين حلكهم عليه
ابوعسل/عمي انت شنو تشتغلين
روناك/اني ظابط
ابوعسل/تشرفنه بحضرتج بنتي
روناك/اليه الشرف يلاثمري نروح لان اتأخرنه
ثمر/يلاحبي
روناك/رجعنه للبيت نزلنه الغراض للمطبخ ورحنه لبيت الجيران سلمنه وكعدنه ابنهم علي ملازم اول وياي بالدوام
علي/السلام عليكم هاي شنو نقيب روناك عدنه اخذله تحيه نورتينه سيدي
روناك/اول شي احنه موبالدوام حتى تاخذلي تحيه احنه جيران واصدقاء العمر وثانياً راح تسويلي مشاكل ويه خالتي وادكول عليه متشدده حتى بالبيت
ام علي/لايمه ماادخل انتم اصدقاء وبينكم اني اطلع منه
روناك/كعدنه اتعللنه يمهم ب12 رجعنه للبيت صعدت لغرفتي بدلت وقتت المنبه ونمت كعدت على صوت المنبه نفس الروتين مال الدوام واخذت اجازه اني مااخذ اجازه بس اذا شغله ظروري رجعت للبيت نمت شويه العصر اطلع افتر
ثمر/روني حبابه اريد شغله منج
روناك/كولي يروحي
ثمر/اريد لابتوب ايباد والله نفسي بي
روناك/بس هيج هسه اني طالعه واخذلج احسن ايباد بالسوك تدلل بنيتي طبعاً ثمر 17 سنه عافه باب عمره شهر واني ربيته والله لخاطره وخاطر امي ذبيت روحي بالنار المهم طلعت اخذت روكي وياي اخذتله اكل واخذت ايباد وكعدت على الكورنيش غيرت جو ورجعت بالليل خابر عمي يأكد الجيه كال ب7 احنه يمكم حتى كبل نطلع جهزت غراضي اخذت 2 جنط وجنطه مال ظهر بيه لابتوب وتلفوني وسناكس والشاحنات الصبح كعدت بدلت لبست جينز اسود وتيشيرت اسود وشوز اسود مااحب الالوان طول عمري هذا لبسي سويت شعري ذيل حصان لبست كلاوه سوده عليه اسمي بالعربي وخليت المسدس بظهري ولبست كوت  سمعت الباب اندكت طلعت لكيت اثنين زلم اتفظلوا منو رايدين
ضرغام/موهذا بيت ابوروناك
روناك/اي هذا واني روناك انتم منو
ضرغام/هلابويه روناك اني عمج ضرغام وهذا عمج صكر
روناك /صافحتهم ودخلتهم اتفظلوا اعتذر ماعرفتكم اتفظلوا البيت بيتكم
ضرغام/لابويه حكج ماتعرفينه
روناك/طبعاً جذب اني اعرفهم لان سويت بحث عنهم حتى صورهم عندي
ماس/هلاخويه زارتنه البركه
ضرغام/هلابيج هسه جاهزين حتى نطلع على وكت الدرب طويل
ماس/تمام ماعدنه شي
ثمر/السلام عليكم شلونك عمو
صكر وضرغام /وعليكم السلام هلايبويه
روناك/ماما وين تصعدين وياي لوويه عمامي
ضرغام/لاخليه تصعدويانه
ماس/اي يمه وياهم
ثمر/واني هم وياهم
روناك/تمام اطلع وحدي والجنط يمي انتم اطلعوا امشوا كدامي واني وراكم لان مااندل
ضرغام/هاي هي بويه
روناك/'قفلت البيت واخذت روكي يمي بالسياره وانطلقنه بالطريق وكفنه تغدينه وكملنه طريق هم بالبصره دخلنه منطقتهم حلوه وخضار وبساتين عجبني المكان يفيد اسوي رياضه بي دخلنه طبكنه السيارات بالكراج مال البيت اخذت جنطة الظهر ونزلت روكي انطيتهم السويج ينزلون الجنط ويقفلوه دخلنه وكفنه قريب على الباب الداخليه طلعوا بنات وشباب يردون يسلمون ويعرفون عن نفسهم
حور/مرحبا
روناك/مراحب
حور/انت روناك مو
روناك/اي حبي اني
حور/واني
روناك/قاطعته انت حور وبديت اشر عليهم وانت حوراء وانت نمر وانت ذياب وانت زينه وهذا عمي احمد وانت اسد بعد بس فهد وهند وراكان ماكو اكلكم وين داخله غابه كله مفترسه
نمر/شلون عرفتينه وانت ماشايفتنه
روناك/بحكم عملي لازم اعرف كلشي
نمر/شنو تشتغلين
روناك/هه وياك نقيب روناك
نمر/لاعليج الله تحجين صدك لوتشاقين
روناك/بلا اني مال شقه طلعت الهويه شوف بنفسك
نمر/اسف احترمي سيدي واخذله تحيه
روناك/اعرفك ملازم نمر بس لاتاخذ تحيه مااحب الرسميات احنه موبالدوام واحنه اولاد عم هسه اريد مكان لروكي
نمر/منو روكي
روناك/الكلب مالتي
نمر/تمام انطيني اودي عدنه مكان للحيوانات
حور/هذا شو جنه ذيب موجلب
روناك/هذا نوع اسكي🐺يشبه الذيب ربيته من اول شهر جبته من امريكا وياي بس شرس المايعرفه يهجم عليه بسرعه خويه اني اخذه للمكان بس دليني رحت وراه واخذتله اكل ارتاح بالمكان رجعت سلمت وكعدت
الجد/شلونكم بويه
ماس/احنه بخير عايشين بفضل الله ومن بعده روناك
الجد/اووف يابويه هواي ظلمتكم وماشفت وليدي كبل لايموت ولاسامحني ياريت انتم تسامحوني
روناك/هه زين من اعترفت بخطئك بس بعديش
ماس/كافي روناك احترمي الكبر منج هذا جدج
ابجد/عوفيه بويه خله تحجي
روناك /طبعاً احجي جاي هسه تريد نسامحك وين جنتوا قبل انتم شنو من بشر ماكلتوا يوم نسوان وين صارن انكتلن احد خطفهم طردتونه بليله ظلمه على شنو لان امي ايزيديه موشيعيه مثلكم شنو هذا العقل والتخلف اصلاً امي اول ماتزوجت بابا استشيعت في سبيل تتقبلوه بعدين من بابا توفه جنت اتمنى واحدمنكم يجي ويكول نسوان وحدهن جرعت المر والعذاب حتى اجيب اكل وعلاج لامي واختي اخليه تدرس وماتحتاج لاحد ومن تشوف البنات تنقهر لومارب العالمين وكف وياي مااوصل لهاي المكانه الي اني بيه كله تحسبلي الف حساب وهسه جاي بكل دم بارد نسامحك (جنت احجي ومنفعله كلش)كمت وكفت اترخص اختنكت اخذت تلفوني وطلعت واسمع كله وراي تصيح اوكفي مااهتميت
الجد/كل الحجته حقه والله يابويه دورت عليكم بنفسي جنت بحيلي بس ماكو فص ملح وذاب انوب كالوا سافروا لامريكا وماادري بابني مات وين يلا عرفت
ماس/الحمدلله على كل حال بس اذر روناك لان هي اكثر وحده اتأذت
ثمر/جدو تدري هي حتى عماله ويه الولد اشتغلت علمود توفر النه كلشي حتى اخذت طبع الولد من كثر ماتشبهت بيهم
الجد/تعالي يمي انت يالحلوه انت تختلفين عن اختج هادئه بس اختج مثل ابوه الله يرحمه دمه حار
ثمر/مواني ماعشت العاشته هي والله كلبه طيب وحبابه وهادئه
ضرغام/مايخالف احنه راح نعوضكم عن كل السنين
روناك/طلعت اخذت روكي وكعدت بالبستان جوه شجره مااحب تطلع دموعي كدام احد اوف ياالهي منين اجو وفتحوا الجروح انتجيت على الشجره كعدت ابجي وروكي يمي شبعت بجي وهدئت روحي ظليت اكلب بالتلفون واسمع واحد صرخ يمي سحبت المسدس وكمزت
راكان/اليوم بيت عمي جاين اني اعرف روناك من جانت زغيره وحلوه احجيلكم عني اسمي راكان عمري 34 مامتزوج مالي نفس بوحده خريج هندسة حاسبات  اشتغل بالمصنع مال جدي عدنه اكثر من واحد حتى خارج العراق مواصفاتي طويل تقريباً185 بشرتي حنطاويه لون عيوني اسود ومكحله شعري شويه عالي بس مرتب ولحيه عاليه عندي 2اخوات حور وحوراء واخوان 2 ازغرمني نمر وانمار  اليوم طالع اني عصريه افتر بالبساتين مالنه شفت شخص كاعدوره الشجره صحت عليه هيوووو واشوف بنيه مدري ولد شايل سلاح انتَ مدري انتِ شسوي هنا نزل سلاحك
روناك/هذا بستان عمامي انت منو
راكان/هم بستان عمامي
روناك/اني كلهم اعرفهم شفت صورهم بس ماركزت على شكل هذا لان الدنيا تقربت راح تظلم نزلت السلاح اعتذر خويه يلاروكي نرجع تقدمت عليه
راكان/ماكلتي انتِ منو
روناك/اني روناك معتز
راكان/من كالت روناك كلبي حسيته وكع بالكاع هاي عشقي شصاير بيه وكبرانه
روناك/شوهذا صفن هيووو الووو تقربت اكثر عليه عرفته منو تشرفت بحضرتك مهندس راكان
راكان/شلون عرفتيني واني ماكلتلج منو وبعدين شنو هذا المسدس بناتنه يخافن من شكله
روناك/اولاً شلون عرفتك  اني قبل لااجي جمعت معلومات عنكم وثانياً اني اختلف عن كل البنات مايخوفني مسدس مثل هذا اني اتعاملت ويه اسلحه اكبر ومتفجرات وماخفت منه هوالعمر واحد والرب واحد
راكان/اكلج انت حيرتيني بكلامج انت شنو تشتغلين ارهابيه
روناك/ههه تخسه اني ارهابيه لك اني الي كل العصابات تحسبلي الف حساب كله ترجف من ينذكر اسم النقيب روناك معتز
راكان/شنوووو
روناك/شبيك متفاجئ اي اني ظابط برتبة نقيب شنو خاف هم عدكم حرام لوعيب ترى مااهتم لواحد
راكان/لا موحرام بس اكول بنت بهيج مهنه انت ماتخافين
روناك/اني بنت ابوي وزرع بيه القوه والكلب القوي اني بت معتز ودمي حار مايبرد الا اكمل الي ابدي بي اني اخذت القوه من عمتنه السيده زينب الي ماخافت من يزيد واتحدته انت شنو تحجي ياخوف هذا
راكان/دوختيني والله عمي انت ب100زلمه
روناك/لعداترخص يله روكي اخذته وطلعت من البستان وديته لمكانه وانطيته اكل ومي ودخلت للبيت
ماس/يمه وين رحتي ظل بالي عليج
روناك/لاتخافين عليه تعرفيني ذيب
ثمر/ماما صدك تحجين تخافين على النقيب روني الي مدوخه بغداد وكل المحافظات وضواحيها
راكان/والله ماينخاف عليه هسه رادت تقتلني
روناك/مانتبهت عليك لان الدنيه مظلمه اعتذر مره ثانيه
نمر/اي روناك وين دوامج حالياً
روناك/صار سنتين اجيت لبغداد لان قبل جنت بأمريكا قضيت 6سنوات هم دراسه وهم شغل
نمر/هاحلووو
روناك/اني الاولى على دفعتي ومن اكفئ الظباط بأمريكا ومن اجيت للعراق نفس الشي
صكر/وهسه شنو راح تبقون إبغداد
روناك/اي لعد وين نروح
الجد/لابويه منا وهيج هنا ترجون بين اهلكم
روناك/اني اعتذر مااكدر
الجد/لاكلت كلمه وخلص حق ابوكم ترجعون بي
روناك/ردت اكوم لان عصبت امي لزمتني من ايدي كعدتني
ماس/حجي ان شاء الله هسه تفكر اعرفه كلبه طيب وتسامح موروناك يمه
روناك/الله كريم هسه اريد مكان ارتاح لان تعبانه
حوراء/جهزتلج غرفه وحدج لان ثمر كالت ماتحبين احد يشاركج بشي وتحبين الهدوء
روناك/عفيه عليج عجبتيني يلاوديني
حوراء/يلاتعالي سويتلج الغرفه الي بالطابق الثالث هدوء
روناك/عاشت ايدج احب الهدوء والدرج رياضه صعدت للغرفه بسرعه دخلت سبحت وبدلت ملابسي لبست تراك لونه ماروني وسويت شعري كعكه واخذت تلفوني ونزلت كعدت بنهاية الدرج اتصفح بالفون
نمر/هاحضرت النقيب كاعده هنا ليش
روناك/موكلت بدون رسميات
نمر/تمام تمام هسه ليش كاعده هنا وحدج
روناك/مااعرف عجبني
نمر/اني اسمي مكان الضايج لان من اضوج اكعدهنا شويه زيحي خلي اكعديمج
روناك/ادنيت شويه وكعديمي بقينه نسولف عن الدوام شويه صاحولنه على العشاء كعديمي نمر وهذا راكان مدري شبي يخزر بيه مااهتميت
راكان/شفته اكثر كعدته يم نمر اخوي اتخبلت اخزر بيه هي ولاتهتم عادي ضحك وسوالف وياه

يتبع ......البارت3

💏💏💏💏💕💕💕💕💓💓💓💓💘💘💘💖💖💖💖💞💞💞💝💝💝💙💙💙💙💙🦅🦅🦅🦅🦅🦅🦅🦅🦅🦅🦅🦅🦅🦅🦅🦅🦅🦅💙💙💙💙💙💙💙💙💙💙💙💙💙💙💙💙

#ميمي_جوية 🦅