ياناس ياطماعين عاوزين تقرأوا بس مش تقولوا رأيكوا 😂
عاوزه اشوف كده ها بعرف اكتب ولا لا 😂
سيف بيسلم عليكم😉😂
ورود زي كل يوم اصحي ياسيف هتتأخر علي شغلك. سيف اول مره يقوم بنشاط.
سيف: ايوه ياورود صحيت اهوحضري الفطار يلا علي اما العب رياضه شويه.
ورود: حاضر ياسيف.
بعد اما سيف خلص فطاره لبس هدومه.
سيف: ورود انا نازل عاوزه حاجه.
ورود: شكرا ً ياسيف ترجع بالسلامة.
سيف: كان نفسه يرجع ويشوف البنت دي بأي طريقه هل ياتري هيشوفها تاني هنعرف مع بعض
وصل سيف الشركه وهو داخل من البوابه حد شده.
سيف: في ايه ياعم اهدي شويه بتش... ماكملش سيف الكلمه لاقاها نفس البنت اللي كان نفسه يشوفها.
البنت بكسوف انا اسفه بس شديتك عشان ماينفعش تدخل من البوابه دي تاني.
سيف: وهو مارفعش عينه من علي البنت ليه في ايه ممكن تفهميني بقي عشان امبارح مشيت وماعرفتش اي حاجه انا مش فاهم.
البنت: ممكن تتفضل معايا انا عايشه هنا ما تخفش.
سيف وهخاف ليه يلا انا عاوز اعرف ايه حكايت ارض المعرفه دي.
البنت: ارض المعرفه دي طفره زمنيه بتحصل مع كل عشر أشخاص في العالم وانت اختارك القدر تعيش في الطفره دي وكل واحد بيعيش هنا لازم يتأقلم مع سكان ارض المعرفه ويعرف طبعهم بس لو حد فيهم لمسك هتتحول زيهم علطول ومش هتعرف ترجع زي البشر تاني.
سيف ياربي ايه اللي بيحصل معايا ده كله انا كده مش هعرف اكمل كليتي انا ماصدقت دي اخر سنه.
البنت بهدوء: انت كلية ايه.
سيف: كلية هندسه.
البنت زيّ يعني.
سيف ايه ده صدفه حلوه اه صحيح انا مسألتش اسمك ايه.
البنت: انا اسمي ندي وانت
سيف: اسمك جميل اوى ندى الله اسم ليه معني حلو انا بقي اسمي سيف.
ندي وهي تبتسم بكسوف وانت كمان اسمك حلو اوي.
سيف: بكل فخر عمي اللي اختار اسمي ده يلا استأذن انا.
ندي مقولتش هتكمل الكليه ازاي.
سيف: اه صحيح عندك حل.
ندي: اه انا هنا من السنه التانيه في الكليه وانا في السنه الاخيره معاك وبدرس اونلاين حتي بسمع المحاضرات.
سيف بدهشه بجد.
ندي: اه ممكن حضرتك تيجي هنا كل يوم في ميعاد شغلك اللي ماعدش موجود ده وندرس مع بعض.
سيف: زي ماتقولوا كده ماصدق اه طبعاً طبعاً هاجي كل يوم استأذن دلوقت.
ندي: اتفضل بس ياريت تخلي بالك من نفسك وتمشي بحظر.
سيف بإبتسامة ماشي خلي بالك من نفسك.
رجع سيف البيت بعد يوم طويل.
خبط سيف علي الباب ورود جايه اهو ثواني، ايه ده انت جيت ياسيف احضرلك الغدا، سيف لا ماجتش ده عفريتي عوووووو لا مش هاكول انا هريح شويه ماتصحنيش.
ورود:وهي بتضحك والله انا في يوم هيجيلي الضغط بسببك.
سيف بضحك ومالوا ما يغلاش عليكي.
دخل سيف اوضته بس ماعرفش ينام وزي ما قال ٭٭٭
{ رأيت الحب نيران تلظي قلوب العاشقين لها وقود فكانت إذا احترقت تفانت ولكن كلما احترقت تعود كأهل النار إذا ما ندجت جلودهم اعيد للشقاء لهم جلود} كان بيفكر طبعاً
في ندي بس من غير مايشعر غفا في النوم....... يتبع
ندي علي الجانب الاخر بتفكر ازاي هتدرس معاها وهل ياتري هيحب الدراسه اونلاين ياتري هيحصل ايه يلا نعرف مع بعض……يتبع
ابتسام محمود عثمان
ممكن دعم و Follow 🥰♥😊
أنت تقرأ
رواية ارض المعرفه
Adventure♡♡♡♡♡♡♡♡♡♡♡♡♡♡♡♡ ♡مغامره ورومانسيه بعض الشئ♡ ♡♡♡♡♡♡♡♡♡♡♡♡♡♡♡♡ التفاصيل في الروايه مش هحرقها عليكم 😂. ما اعرفش الروايه ناقصلها كام جزء لان انا مش كاتبه ومحتفظه بالأجزاء انا بنشر اول ما بكتب وسايبه الموضوع لإلهامي المرهف$ (معرفش مين الهام الصراحه�...
