صرخات مكتومة

البارت الاول

ــــــــــــــــــــــــــــــــــــــــــــــــــــــــــــــ
رواية صرخات مكتومة
الكاتبة لبوةّ بدران
ــــــــــــــــــــــــــــــــــــــــــــــــــــــــــــــ
عگرب اجاني بليل شاورني
بسكوت گلي التحبهم حيل
يردونك تموت

گتلة شعليك انتة بهاي اگرص
وروح ريت بختهم كون خل
تطلع الروح
ـــــــــــــــــــــــــــــــــــــــــــــــــــــــــــــــــــــــــــــ
ha__wp_i

منين ابدي ومنين انتهي لو نرجع علماضي نلگة الايام الفرحت بيهم ينعدن علأصابع وحتة من افرح فرحتي متكمل وفورا تنگلب لكابوس

وكابوس بعد كابوس صرت ماهتم
وجرح بعد جرح تعودت ايامي كلهة الم وتعب ودموع ولا مرة شفت يوم سعد وهنة وفرح المفروض اليوم اكون فرحانة لأختي وطايرة من الفرح بس شلون اگدر افرح واني مدفونة بالحياة صاحو علية جيبي كاسات مي للمعازيم

قدمت للكل رجعو صاحو علية مرة ثانية قدمي عصير للعرسان لو حاطين سچين بگلبي ولا طالبين مني هلطلب بس ماگدر اعترض حطيت گلاصين وصبيت عصير برتقال وقدمتة حسيت من سمعته يگللهة احبچ شعلني شعل

سرى؛ شبيچ واگفة مو قدمتي العصير روحي
مصطفى؛ سرى لاهيچ حبيبتي هاي اختچ الچبيرة عيب

رديت علية بصوت هادء عوفهة هي اختي الزغيرة وتحب تشاقة وياية
مصطفى؛ لا هذه ميسمو شقة يسمة قلت ادب
سرى؛ مصطفى شبيك بيوم الحنة وتتعارك ليش هيچ صاير انتة
زمردة؛ لدير بال هاي اختي الزغيرة ومازعل منهة لو شمتسوي وأنتة همين اوصيك لا تزعلهة
مصطفى؛ ماشي صار هو شعندي غيرهة

شال ايدهة المتشابكات اصابعهة بأصابعة وباسهة حسيت بخنگة ماعرف حاسة بهاللحضة من اشوفة قريب عليهة اموت
طبيت للحمام الداخلي وبديت ابچي اسمع صوت باب الحمام يدگ مسحت دموعي بسرعة
زمردة؛ منو

ردت علية خالتي تكبير

هاي خالتي الحبيبة اموت عليهة تحبني اكثر من امي وأهلي كلهم زوجهة شهيد وماعدهة غير ولد واحد

اني اسمي زمرد متخرجة من كلية علوم قسم علوم بيولوجية عمري ٢٤ سنة امي ازوجت ابوية وهي دوبك عمرهة ١٣ سنة چان شرطهة متبطل من المدرسة بس بعد مصارت حامل بية هو اجبرهة تترك الدراسة ومن اجيت للدنية واني بعمر الشهر اطلگو ابوية وامي يعني امي صارت مطلقة وعدهة طفلة بعمر ١٤ سنة

عافتني علة خالتي تكبير صارت كل حياتي من كبرت وصرت بعمر الخمس سنين ابوية رجع امي وهسه يلة اذكرو عدهم بنية
حاولو وي خالتي ورجعت عشت وياهم بس امي تعاملهة ابد موزين ورة مرجعت عشت وياهم رجعت امي حبلت بأخوية حازم بعد اختي سرى

ابوية صار يعشقهة لأمي عشق مو طبيعي ماعرف شنو سرة بس بنفس الوقت محد بيهم يهتم لوجودي اذا انتو متردوني ليش رجعتوني هذه السؤال الاسئلة طول عمري لنفسي مو لأحد ثاني