صرخات مكتومة

البارت الثالث

ـــــــــــــــــــــــــــــــــــــــــــــــــــــــــــــــ
رواية صرخات صامتة
الكاتبة لبوة بدران
ـــــــــــــــــــــــــــــــــــــــــــــــــــــــــــــــ
گوة شايل روحي بيدي
وخاف من روحي اطيح
هنة كلهن يوجعني
منين ما تلزمني اصيح
وهذه مو گلبي اليدگ
بضلـوعي
گلبي ميت وانتهة
موضــوعي
انت والدنيا علي وهمومها
انت شايف عين تبچي
بنـومها؟
ـــــــــــــــــــــــــــــــــــــــــــــــــــــــــــــــ

حسيت الساعة بالعشرة انتبهت ايدي صاير بيهة بطابيط محملات شكلهن يخوفن بس رگبتي مو هلگد ولأن اندهنت متلوثت فتحت الباب وطلعت شكلة مكمل الاكل ومتعشين وخالتي نايمة وهو بيدة جگارة وكوب الچاي الميفارگنة ابد لو شما يصير عبرت من يمة ولا كأن شفتة

فتحت باب الثلاجة طلعت مرهم الحروق ولزگة اريد احط بس اخاف من الحرگ ماعرف شسوي لزمت الدهن وفتحت القبق بالموت حاولت احط بس خايفة اجة زاهد من ضهري اخذ العصارة من ايدي واجة جر ايدي بقوة اشوفة يحط وهو ملامحة باردة

زمرد؛ انتة منو
زاهد؛ عزرائيل
زمرد؛ لا اقصد مبدليك انتة لو شصاير وياك ليش هيچ
زاهد؛ هو اني لو انتي من ساعة الشفتچ متسكتين بيچ شي انتي بابة
زمرد؛ شنو قصدك
زاهد؛ يعني لسانچ كضي لا يضل فالت علعالم اني اعرف زمرد شبه خرسة شجاچ هسه طلع لسانچ
زمرد؛ يجرالك لتريدة وهسه عوف ايدي اذا تسمح اريد اگوم اشوف خالتي

عاف زاهد ايدي واني طبيت ليم خالتي شفتهة نايمة علقرأن يمكن غافية وهي تقرة مفتوح وايدهة علي شلته وبستة ورديتة لمكانة عدلت نومتهة دحست روحي بحضنهة ونمت بذيچ الليلة

ثاني يوم زاهد رايح للمدرسة وخالتي گايمة بس اني ضليت نايمة ورة شوية اتصل علية گال اريد تجيبيلي اوراق من جرار الغرفة يخصن طلابة ماهمتيت ولا اريد اعرف ماليش اخذتهن وطلعت من البيت المدرسة خمس دقايق مشي توصل همزين مو بعيدة

زاهد مدرس كيميا اعدادية ياخذ بس الصفوف العليا يعني اقصد بس السادس العلمي اما باقي الصفوف ميتقرب عليهم ابد وصلت للباب الحارس فوتني جوة هوسة بالأدارة صايرة مو مدرسة حلبة مصارعة وگفت واحد من الطلاب

زمرد؛ شكو شبيك ليش هلهوسة شصاير
الطالب؛ المدير لازم مدرس الكيميا واحد نازل دگ بالثاني ومحد ديكدر يفاككهم وصايرة هلهوسة
زمرد؛ شنو هلتسيب شنو ماكو نضام غير قلة ادب من المدرس هذه

راح الطالب عافني واگفة مافتهمت شي بس هذه مو صوت زاهد لو اني غلطانة لا متأكدة بس ليش هيچ صوتة يرعد شصاير

فتت شفت زاهد لازم المدير من قميصة وينتر بي ويعيط واكو طالبة علكرويتة گاعدة ملخة روحهة تملخ

زاهد؛ انتة واحد مريض نفسي شلون تسوي هيچ ولك هاي من جيل احفادك يا عار يا مختل

ضليت واگفة متنصنمة بمكاني واني اشوف رجلي يضرب بواحد شبه فاقد الوعي وجهة كلة دم والمدرسين والمدرسات بس تفرجن والبنية مفلوجة بچي