صرخات مكتومة

البارت الرابع

ـــــــــــــــــــــــــــــــــــــــــــــــــــــــــــ
رواية صرخات صامتة
الكاتبة لبوة بدران
ـــــــــــــــــــــــــــــــــــــــــــــــــــــــــــــــ
ترة
الدخان واهس شاب مامرتاح
لفاگدلة حلم شيصخم بصحتة
شلونك
لا تنغش اذا گالولك شلونك
هاي الكلمة بس للغربة تنگال
ما يحچيها واحد مفتهم لونك

ماضل شي بعد ينگال
وياك الحچي شينفع
العتب مرات فشلة يصير
اذا مايلگة اذن تسمع
ـــــــــــــــــــــــــــــــــــــــــــــــــــــــــــــــ
فجر ثاني يوم واني نايمة بس حسيت اكو شي وكأن حار وصلب كلش علة خدي گمت افرك بعيوني شفت الساعة بتلاثة وزاهد نايم ومصخن صاير نار كبرة قست حرارتة عزة حار نار شبي دخلت للحمام جبت خاولي زغير وطاسة ماي بارد وبديت امسح جسمة وراسة بالخاولي وكل مييبس ارجع ابللة جبت خافض حرارة وادوية ثانية لحد ماحسيت حرارتة نزلت

وراهة كل شوي اقيس حرارتة لحد مصارت بالتسعة ولسه بالغرفة گمت طلعت واني عيوني منفخة من قلة النوم شافتني خالتي الگاعدة تسبح بسبحتهة
تكبير؛ ها خالة وين رجلچ ليش ماوعة لسة
زمرد؛ لا خالة لسة نايم عوفي مرتاح بنومتة ماريد اگعدة خطية
تكبير؛ ليش يمة شصاير منيش تعبان
زمرد؛ لا خالة مابي شي بس الفجر وعيت علي مصخن وهسه نزلت حرارتة

خالتي سمعت هلكلام مني گامت تركض تتفگدة واني رحت اسوي كوب حليب يشربة سويتة واجيت يمة لگيتة گاعد ويگح بقوة وجهة عرگان بس بدون حرارة الحمد لله انطيتة كوب الحليب
زمرد؛ شلون صرت هسه انشالله احسن
زاهد؛ لا الحمد لله احسن مابية غير كل عافية
زاهد؛ زمرد انطيني هدومي وراي طلعة وطلاب حتأخر
زمرد؛ لا والله متطلع انتة مريض حرام عليك روحك ارتاح شوية مايصير تطلع وانتة بهاي حالتك
زاهد؛ انطيني هدومي حتأخر شبيچ
زمرد؛ اذا انتة مخايف علة روحك احنة خايفين عليك ماكو طلعة يعني ماكو نقطة انتهة النقاش
زاهد؛ ااااااخ منچ ومن عنادچ مينگدرلچ والله
تكبير؛ يمة اسمع كلام مريتك صحيح لاتطلع اليوم حيطيرون طلابك مايصير عليهم شي لو تأجل تدريسك لباچر

من شاف اصراري اني وخالتي رضة بالأمر الواقع وبقة بالبيت بلية ما يطلع

ورة ربع ساعة سويت الريوگ وسرى لسة بغرفتهة گلت اخاف سوت شي بروحهة دگيت الباب ردت علية
زمرد؛ صباح الخير ليش ماطالعة لساچ
سرى؛ عيب من خالتي ورجلچ اطلع گدامهم والله شايفة گعدتي يمچ ابد مو حلوة اروح لبيت ابوية احسن
سرى؛ تعرفين تنطمين وتگومين لأن خالتي وزاهد منتضرينة علريوگ وعيب نتأخر عليهم اكثر من هيچ
لفت شعرهة بشال وطلعت وياية وهي لابدة وراي متقبل تطلع اني جريتهة وگعدتهة گبالي

زاهد ماحچة ضل گاعد غادي عنهة حتة مارد عليهة من سلمت بس اني وخالتي ضلينة نحاول نغير من نفسيتهة اول ماطلع للحوش هي ركضت ورا تريد تسولف ويا
سرى؛ زاهد اني اسفة والله العظيم مو بقصدي السويتة بالماضي وياك انتة وزمرد
زاهد؛ يعني معترفة بغلطچ انتي