عشق الشاهر

مشهد

مشهد 1 
صباح يوم الاربعاء ..

كعدت ع صوت صيه نسوان واطفال الليله الحنه بس كل فرح ماكو مو هذا اليوم الي راسمه بعقلي ولا الانسانه الي رايدها گلبي

استغفرت ربي وكمت لبست تِشيرت وي البرموده ونزلت جوة بيتنه عبارة عن هوسه والاطفال جوة رجليك تركض مكلوب بيتنه كلاب
دخلت للمطبخ واتوقفت من شفتها داخل المطبخ تسولف وتضحك وي البنات وفاتحه شعرها ولابسه تراك وضحكتها الحلوة رأستا درت وجهي ودخلت

_صباح الخير
التفتو للصوت وابتسمو من شافو العريس

: صباح النور هلاا عريسنا

تقدمت ورفعت عيونها البريئه وكالت بكل هدوء

: الف مبروك ابن الخال شايف كل الخير ورسمت ابتسامه 

_الله يبارك بيج بنت عمتي  معه ابتسامه كذبيه

سمااا وينجج سمااوي

: ها حبيبي

_خويه فدوا ريوك فد شوي ويجون اصدقائي بعد نروح للحلاق ريوك فدوا

:تدلل حبيبي من عيوني غسل ويوصلك الريوك الباب الغرفه 

_ ابتسمت ورحت غسلت وصعدت فوك  دقايق وندك الباب دخلت سما خلت الصينيه وراحت اكلت و  كملت وخابرو الجماعه ورحت بعد ما اخذت القاط وكلشي حيكون برة حتى البنات ياخذن راحتهن هنا 
__________________________________________________________

مشهد 2

ندم شعور الندم من بعد فوات الاوان الم قوي
شعور مؤذي كلش وهذا حالي ندمت ضيعت فرصه حلوة بحياتي ضيعت حب طفولي حب قوي حب حقيقي
ضيعته بكل غباء بجيت بجي اختنكت بس بعد فات الاوان تزوج وعاش حياته ونساني راحت لمعته وطفت لهفته الجنت استمتع من اشوفها صار من يشوفني سلام بارد بحه صوته جامده عيونه مابيها ذيج اللمعه
بجيت وبجيت ضليت للصبح لا نوم ولا سكتت بجي بس اني وذكرياتي ودموعي بقينه للصبح بوحدنه

دفنت راسي بالمخده واعيط نهاريتت حيلل ودخلت عالم الظلام ضلام هدوء كلشي ما اسمع وبس ضلام 

كعدت واني بمستشفى وامي يمي

واجاني صوته خله گلبي احس صوته المستشفى كلها تسمعه

_ الحمد الله  ؏ سلامتج  خوفتينه عليج 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ننهي وياكم مشاهد 2 ان شاء الله نبدي بالقصه

الكاتبه : نبأ  ..♡