عشق الشاهر

باࢪت الـ 6 🌿💚

الڪتبـة : نبأ 
TeLe: han_2g
الدنيا سفرة وتكضي بـاجر خاف اموت !
ابريني ذمه ارتـاح اريـد بـ موتي
بصـورتي ماريد خط اسود حداد
زلفـڪ تشيله وتحـطـه بـ صورتي 

. . . . . . . . . . . . . . . . . . . . . . . . . . .  . . . .

شاهر : بقيت اسبوعين اني بالغرفه خابرت صديق كتله ما اداوم انطيني اجازة شهر ما اكدر اداوم اهلي شكد حاولو ما كدرت تفكير بتفكير خلصت يومي افكر اني شبيه ليش ما حبتني ؟ ليش ما وافقت بيه ؟ وبعد تفكير دام اسبوعين وحبس بالغرفه الاكل يوصل يم باب الغرفه فكرت وكلت هاهيه بعد شاهر تعبت خطبت شكد خطبت وما حصلت بس الرفض وتالي حظر هاهيه بعد لهنا وكلشي انتهى ريتان صفحه وانطوت من حياتي واشوف واكمل حياتي وازوج

وهنا بده الصراع بين العقل والقلب  عقلي يكول زين ما سويت واحسن حل هذا رفضتك كم مرة انساها وكمل حياتك وگلبي يكلي حبك هاي وحب طفولتك الي دوم تحلم تغفه بحضنك تلعب بشعرها بس بعد الصراعات والتعب العقل انتصر واخيرا خرجت من قوقعتي و سجني نزلت جوة لكيتهم تفاجئو من نزولي وحقهم احس نفسي مثل المسجون

امل : هلاااا وليديي ليش هيج مسوي بحالك عمة عيني عليك هيج صاير بحالك اسبوعين لا طالع لا تشوفنه ليش هيج ماما ؟

شاهر : يوم فدوا اروحلج لا تزيدين همي ترا حيل متعوب بدنيتي ونزلت حتى انطيكم خبر

الاهل : اي كول شتريد

شاهر : اني نويت ازوج واذا عدكم تردون تدورولي ع اختياركم واذا اني الكه بنت الحلال  وازوج

الكل بصدمه : شنوووو

شهاب : شنوو وليدي متأكد من قرارك

شاهر : ايي يابه متأكد

شاهين : خويه شاهر اتأكد من نفسك لا تظلم بنت الناس وياك هم عندك عرض واخت خاف الله بيها مو تزوج وانتَ عقلك وگلبك يم بنت عمتنه

شاهر : اني متأكد وذيج الفترة كلها اني افكر واخذت قراري ولا تخافون مثل ما دخلت گلبي راح تطلع وما اظلم اي ابنيه وياي مخلي الله بين عيوني هي مو تعتبرني اخوها ؟ هاهيه مدام تعتبرني اخوها انتهى كلشي ليش اعلق كل امالي بيها ؟ وابني احلام ما الها وجود ؟ انهي كلشي واكمل حياتي احسن الي وهسه عن اذنكم اطلع ارتب نفسي

الاهل وهمه حالتهم صدمه ع قهر الام مقهورة ع حالتها ومنا بنت اخوها ما تريد تكسر بيها ومنا ابنها الحالته حاله شكله كله مخربط وهالات سوداء واضح التعب والسهر الاب الي تعبان عن حال ابنه وهو يذكر فرحه ابنه بعشكه اخوانه الي ضايجين ع حال اخوهم واول مرة يشوفو بهل الحاله اخته الي وكعت بين طرفين منا اخوها ومنا صديقه طفولتها وبنت عمتها كلمن راح بغرفته وبداخله هم ..

شاهر : طلعت من البيت رحت للحلاق سويت شعري ولحيتي رتبتهن ورحت للمحل اشتريت ملابس وغيرت واشتريت شامبو ع كم  شغلات احتاجهن عطور احذيه ساعات شويه تغير مزاجي رحت للمطعم طلبت سفري شاورما دجاج ولحم وطلبت صاج الي وللاهل ورحت جبت ببسي حجم عائلي 2 ورجعت للبيت انطيتهم وصعدت فوك سبحت ولبست برمودة سودة وكيمونه رصاصيه ونزلت لكيتهم يحضرون بالاكل اكلنه ومحد حجه شيء بعد كملنه الاكل وبعدها طلعت وي اصدقائي افتريت شويه غيرت جو واحس ارتاحيت
من رجعت