عشق الشاهر

بارت الـ 3

عشق شاهر 

قد نملك في الحياة كل شيء، إلا الشيء الذي نريده، فلا تعتبر نفسك مظلوماً أو ناقصاً، فذلك الحرمان فيه خير لك لا يعلمه سوى الله 🤍 

اعتذر كلش ع التأخير بس صارتلي شويه ضروف وتأخرت بس ان شاء الله متنعاد 💜✨

بسم الحب ابتداء ❤️‍🩹
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شاهر : مرت يومين واني وريتان مستمرين بالتواصل والسعادة غامرتني نبقه للـ 2 بليل ع تواصل انا بهاي اليومين عرفت شنو ريتان عرفت شنو تحب شنو تكرهه  والاهم كلامنه ع اتصال ماكو مراسله امس سألتها

شاهر : ريتان شنو احلامج ؟

ريتان : امم حلمي يكون قبل اسمي المحاميه ريتان من اكون بمكان انذكر المحاميه الناجحه المحبوبه ريتان انذكر بصيت طيب اكون مو متكبرة اكون ناجحه ومعروفه  بطيبتي وتواضعي  واشتري سيارة جي كلاس سودة واسافر هواي اماكن ودول بوحدي بعيدا عن الزواج كللش 

شاهر : نبهرت بتفكيرها وكلامها وعجبني تفكيرها  بس لفت انتباهي عن الزواج فـ سالتها ليش الزواج شبي حلو وتسافرين وي شريك حياتج وتعيشون حياتكم بكل حب ودلال ؟

ريتان : شوف ؏ـيوني الزواج ما انكر انو هو حلو بس يراد مسؤليه جبيرة كلش لازم انتبهه ع تصرفاتي مو نفس ما اني وي اهلي لو اخطأ يتحملوني لا من ازوج اعيش ببيت توني عشت ودخلت اله اكمل باقي عمري وي شخص ما اعرفه سواء كان عن حب او لا  شخص اني ما معاشرته وجها لوجها او صاير تقارب جسديا شلون اتقبله هيج فجأة ؟ هيج كبل شخص يصير بيناتنا تقارب جسديا ويكون وياي 24 ساعه واهتمام واللخ ،، وشيء الثاني العيال مثلا عد اهلي ما اكدر انضف بيوم او طبخ او غسل اماعين اكدر ما اسويهن اذا مالي خلك بس العيال شلون اقل زله انعلس ؟ وتصير سالفه شكبرها وحتى لو بيت وحدي لازم يلمع 24 ساعه ونضافه واماعين بنفس الوقت وغده ملازم يتأخر و طبخ وغير الاطفال ومسؤليتهم فـ جد كلش صعب مو شلون مجان ولازم المسؤليه الاكبر الاختيار من اختار شخص كون اطفالي باجر يكلولي شنسويلج وشنجيبلج ع هيج اختيار يشكروني لان اختاريت ابوهم مو اخليهم يحجون عليه ع اختياري وغير حياتي الي اعيشها ويا فـ الاختيار كلش صعب وهذا كل مافي الموضوع

شاهر : اسمع واني مصدوم هاي كل عمرها 17  وهيج تفكيرها حتى صفنتني بكلامها 

_ لجج شنو هذا كلامج تعجبت صراحه ما توقعت هيج عندج وعي وتفكير عقلج مو مال عمرج

ريتان : بعد وبعد راح اخليك تتفاجئ هاي اني الي ما يتقرب الي راح يشوفني وحده ثوله او فاهيه او باردة بس الي يتقرب مني راح يتفاجئ بتفكيري وعقلي والوعي الي عندي