الحلقة9:
سوسن: سلام عمو
نجيب : سلام منبعد انشاء الله
سوسن : ماما هي توجدي روحک ليوم انا معروضين لعشا عند عمو نجيب
مريم: اوک بنتي روح وجدي روحک انت تاني
اياد راح للقهوة لي مالف يقعد فيها هو ومحمد وبقی يسنی فيه حتی جا سلمو علی بعضاهم وقعدو جاهم سارفور دومنداو زوج اتاي وبداو يحکيو
محمد : واش بيه يدک
اياد: طاح عليا زجاج تجرحت
محمد : علی سلامتک صحبوب ومتهدر ماوالو
اياد : اي ماش حجا grav جرح سغير برک
محمد : معليش بشفا عليک اهه کاش جديد کاش حرکة ولا شايحة
اياد: اييه واش نحکيلک واش نخلي
محمد : ماتقوليش برک لحکاية فيها طفلة
اياد: هههه والله جبتها
محمد: هيا ازرع ينبت بلا مقدمات هههه
حکا اياد لمحمد علی سوسن وحکالو واش صرالو معاها حکالو علی لبروبلام تعها وطلب منو باش يعاونها فالقضية تعها
محمد: من عيني هاذي قبل هاذي
هاذي اول مرة تطلب مني حاجة والله منرد حبيبي
اياد : تعيش صاحبي نعرفک ليزوم
بقاو يحکيو ويضحکو وتفاهمو باش غدوا يتلقاو سوسن ويدرس محمد القضية تعها ويزيد يحکي مع المحامي تاع الاستاذ نجيب قصرو مع بعداهم مبعد کل واحد راح لدارو
سوسن وامها وجدو رحم باش يروحو عند عمها نجيب لبست جيب کلاسيک نوار تحت الرکبة وشوميز بلون وفاسط کلاسيک نوار هزت شعرها کوتشفال ودارت مکياج خفيف وماجيک جات تقتل وخرجت هي ومها اياد کان فايت بالطوموبيل قدام دارهوم شافها کي خرجت هي ومها سحرو زينها عينيه ترشقو فيها فلاها من راسها لرجليها هههه کلاها بعينيه وقلبو عاد يخبط فال 1000
أنت تقرأ
❤قصة_عشق❤
Romanceهاي هاي 👋👋 .. جبتلكم قصة #جزائرية تهبل 😉😍😍😘😍 عنوانها #قصة_عشق 💝💝 ابطالها 😍#سوسن_و_إياد😍...# #######منقوووووولة
