❤قصة_عشق❤

15

الحلقة15 : هوما ماتو بالهشمة احلام : هي برک مبعد تشبعو من بعضاکم قودت سوسن وخرجتها ههه هو دخل في حيط هبط عند الرجالة کمل الخطبة تفاهمو علی کلش وحددو العرس بلي راح يکون ورا متکمل سوسن المحکمة وتسترجع حقها اليامات يتعداو کيف کيف سوسن واياد کل يوم يزيد حبهم لبعضهم مام احلام ومحمد بداو يتقربو من بعضاعهم وشرارة الحب ضهرت في عينيهم وصل نهار المحکمة فاتو للمحکمة دارو المرافعة قدمو المحامين ادلة قاطعة بلي سي مراد زور الملفات کيما کشفولهم ملفاتو الوسخة من رشوة واختلاسات ومتاجرة بالاعضاء هذا شي حکمو بيه لصالح سوسن ورجعولها کامل حقوقها من الشرکة للدار للطوموبيلات وسي مراد حکمو عليه بالسجن بتهمة التزوير والمتاجرة بالاعضاء فرحو واحتفلو بهذا النجاح لحققوه وقررو باش يديرو عرس اياد وسوسن في اقرب وقت بدات تجهيزات العرس سوسن طلبت من اياد باش يسکنو مع مها فالدار لي خلهالها باباها وهو مرفضش رغبتها قبل العرس راحو عقدو وسارو رسميا زوج وزوجة بقالهم غیير يديرو العرس ليوم عرسهم لبست سوسن لغوب بلونش جات تقتل درت کوافير مکياج اياد لبس کوستيم نوار مام هو جا يهبل طوموبيلات تصوني طيط طيط وصلو لدار لعروسة باش يهزوها ويروحو لصال سوسن هابطة فالدروج ورصاصة تخترقها الغوب البيضاء تعها کلها دم من فرح لحزن سوسن بين الحياة والموت يادری تعيش ولا تموت