ومثل ماكلت اني اصغر وحدة يعني المدللة واي شي اريدة ينطونياه وبنفس الوقت مترباية واعرف حدودي وعندي شخصية قوية وحلوة اكره الزواج كللش ومااريد اتزوج ابد ولا حاطة هالشي ابالي لان اريد اوصل وانجح واريد اصير مهندسة مثل اخواني واستمر بنجاحي واصير اطلع واسافر وحدي واعتمد عله نفسي بحياتي ابفترة صارت عدنة مشاكل بين عشيرتنة وعشيرة ثانية بسبب اخوية مهيمن لان سوى حادث مرة بالسيارة ومات الولد الي دعمه للاسف فضلو اخواني وبابا وعمامي يتفاهمون وياهم عالفصل اللي يردو بعد ما الحمدالله اتنازلو عن القضية حته اخوية ميدخل السجن لحد ما اجه اليوم المشؤم
بعد العشة كعد بابا وصاحنة كلنة اني واخواني وطبعا ميلا جانت هم جاية يمنة وكللنة اكعدو اريد احاجيكم ابموضوع مهم
ابو ميار:انحلت المشكله الحمدالله بس طلبو طلب واني ماكدرت اجاوبهم وكتهة لان طلبهم كلش طصعب ومااكدر انطي
ام ميار: خير ابو ميار اشطلبو حته مكدرت تنطيهم اذا يردون فلوس انطيهم شكد ميردون بس خلصنة من هالمشاكل
ابو ميار: مو المشكله انو هم مطلبو بس فلوس طلبو 30 مليون او وياهم فصلية
ام ميار: شنو ابو ميار انتهى شتحجي مستحيل انطي بنتيدية انتة شلون ترضاها تنطي مدللتك الناس متعرفهم ومتعرف شنو احتمال ايسوون بيهة
ميار: زين بابا ماكو حل ثاني غير الفصلية
منتضر: اي بابا يعني اذا انزودلهم المبلغ ميتنازلون عن هالطلب
ابو ميار: وانتو عبالكم هينة علية انطيهة بس ماخليت طريقة ماسويتهة حتة اغير هالطلب بس همة يردون دم بدل الدم الراح منهم لو يصير كتل ومكاتل بين العشيرتين حته ياخذون بثار ابنهم يعني لو ننطي فصلية لو ينكتل مهيمن وشوفو بعد منو حيوكف الدم الحيصير
ام ميار: يعني هسة شنو بنتي راح تروح مني وهية بعدهة 15 سنة شنو شافت هية من عمرهة حتة تزوج من هسة
او ميار: لو ننطي مسك واحنة ندري بيهة وباخبارها لو ينكتل ابنج ويصير بحر دم بيناتنة وبعد متحصلي
مسك : اني جنت كاعدة ومن بابا كال فصلية انصدمت وماما ضلت تباوعلي وتحجي وية بابا بس مثل ماكال بابا ماكو حل ثاني غير اني اروح فصلية بعدين ماما كامت تبجي واخواني كل واحد وجهة كام ينطي الوان ومبينة عليهم الكسرة وبابا نفس الشي بابا من نوع من ينقهر ميبين لاحد بس هوة مبين عليه الضوجه وكسرتة من راح ينطي بتة مدللتة الناس ميعرفهم وميلا كامت تهدي ابامي وهية تبجي بس واني ماكلت ايشي من الصدمة عفتهم ورحت الغرفتي وقفلت الباب وكعدت ابجي لحد ما هدات ونمت ...
......
البارت3
مسك : كعدت الصبح على صوت بابا يصيحني
ابو ميار: اني الليل كله ماكدرت انام بين افكر شلون راح انطيهم بنتي الوحيدة وبين شلون اوكف الدم الراح يصير اذا مانطيتهة اخير شي كلت خلي احجي وياها وهية تقرر واني متاكد هية مراح تنطي اباخوهة لان هية علاقتهة كلش قوية اباخوتهة ومستعدة تضحي اباي شي علمودهم ماصدكت طلع الصبح حتة احجي وياها طلع الصبح تريكنة وهية نايمة كلت اخليهة نايمة شوية لان هية متعودة تكعد متاخرة صارت الساعة بال11 رحت صحتهة حتة اكعدهة واحجي وياها
أنت تقرأ
فصليه مسك
Romanceفتاة عراقية تحمل من صفات الانوثة اجملهن تعيش حياة طبيعية مترفة بالرفاهية ولكن يا للاسف تجرها عادات بلدها وتقاليده لتدفع ثمن غلطة لم تفعلها لتذهب لمكان اخر مختلف وبعيد عما كانت تعيشه فيا ترى هل ستعيش الحياة المضلمة التي كانت تتوقعها ام للقدر راي اخر
