فصليه مسك

البارتات ٤٠___٤١

#فصليه_مسك

البارت 40
مسك : فرني عليه وحضني دفنت وجهي بصدره ونمت صدك تعبت اليوم حسيت ضهري نكسر من الوكفة ..كعدت بالليل همام ماكو ..كمت غسلت ولبست ونزلت لكيتهم كاعدين جوه يسولفون كعدت يمهم سولفنة شوية بعدين همام كال كومي بدلي بسرعة خنروح نشوف الالوان مال البيت..والله صدك صعدت بسرعة لبست عباية اسلامية وحجاب وطلعت رحنة للبيت اني كلت الهمام عاجبني الوان البيت تكون هادئة فالغرفة مالتنه سواها الحايط رمادي فاتح يعني رصاصي فاتح او واحد من الحيطان مسوي مشجر رمادي او بي ورد لونه وردي فاتح بس كلش حلو طالع صار ويه الوان الحمام المطبخ كتله اريده كله ابيض صدك مسوي كله ابيض او الاستقبال كتله اريدهة تركواز غامق علمود التخم ييجي ذهبي وتركواز هم صارت حلوه والصالة هم رمادي فاتح كلهة علمود التخم انسقه وياها و والغرفة الثانية والفوك صبغنا ابيض لان منحتاجه عود من نحتاجه نصبغة والممر ابيض كله ويه المطبخ صار البيت يجنن يفتح النفس بس يرادله اثاث وتعديلات ..المهم رجعنة للبيت واني فرحانة لان الصبغ اجه مثل مااريد تعشينة ونمنة ثاني يوم طلعنة نختار التخم مال الاستقبال والصالة وثاث للغرفة واليوم الوراه طلعنة اشتريناهم واختارينة بردات للبيت وراها طلعنة نختار اثاث المطبخ اختاريناه كله ابيض كتله الهمام مااريد اي لون وياه كملنة الاثاث بقة يجيبو للبيت ويركبو المهم خلص السبوع واحنة خلصنة الاثاث بقة التفاصيل ..صار يوم الجمعه اليوم المفروض اروح لاهلي وابقة هناك للخميس ..بس شسوي بهمام اللي قافل عله روحتي مديقتنع خلصنة الغدة بس بعد متغدينة وهمام جان طالع ويه بابا صعدت بسرعة لميت غراضي اني محضرتهم من الليل بس هسة رتبتهم بالجنط اخذت ملابس وغراض تكفيني اسبوع وكل مستلزماتي واني افكر شلون حقنع همام يوديني..نزلت جوة ورما كملت الجنط صبينة الغدة وكعدنة ناكل وهمام ويانة تعمدت احجي كدام بابا حته يجبر همام يوديني كلت ارسلان جاف
..احم..بابا اريد اكول شغلة من رخصتك
موسى : كولي بابا
مسك : وهية تباوع الهمام بخوف..اللي ديباوعلهة باستغراب ومنتضرهة تكمل وترجع تباوع الموسى ..اني حجيت ويه ماما بالموضوع وهية قبلت..اني اليوم لازم اروح لاهلي
موسى : باستغراب..شعدج رايحة شنو صاير شي
مسك : لا..لا بس مو كلت ميصير بعد نبقة اني وهمام نفس المكان والغرفة لحد العرس لازم اجي من بيت اهلي مو
موسى : هاا..اي اذا هيج صحيح كلامج ..ومنو يوديج
مسك : وهية تباوع الهمام اللي يباوعلهة بصدمة شلون قررت بسرعة وبدون متكله..كالت بارتباك..ماادري بكيفكم اني مجهزة كلشي يعني بس البس واطلع
موسى : همام انته راح توديهة
همام : وهوة يباوع المسك وعيونة صارن حمر من العصبية وساد ايدة بقوة مبين لازم اعصابه بالكوه ..ماكو روحه
موسى : شنو شتحجي انته
همام : اسف بوية بس مرتي يمي ومتعود عليها ومااريدهة تبعد عني
موسى : بحدة .. همااام..البنية تريد تروح الاهلها وحجيها صحيح ميصير تبقة وياك بنفس المكان للعرس
همام : بس بوية .. قاطعه موسى وهوة يكول
موسى : بحدة .. ماكو بس.. تكمل غداك وتاخذهة كلمة ثانية مااسمع
مسك : بابا كمل حجي واني اباوع الهمام بخوف اللي نضراته راح تفترسني وهوة يتنفس بقوة وعيونه صارو حمر ..ماتحمل شوية وكام
سمر : وين
همام : الحمدالله شبعت ..صاح مسك..وهوة يباوعلهة بعصبيه وراص عله سنونه من يحجي ..كملي وتعاي وراي
مسك : بلعت ريكي بخوف واني ادري مراح تخلص عله خير ..ماكدرت اكمل اكلي..كمت بسرعة وصعدت وراه لكيته كاعد عالجرباية ويهز برجله بعصبيه ..سميت بسمالله وطبيت وسديت الباب وراية كال
همام : كال بحدة وعصبيه امبينه من نبرته ابصوته الخشن ..تعاي
مسك : اتقربت منه عله كيف او وكفت بصفه لحد ما رفع راسة وباوعلي وعيونة حمررر وشرايين ايده طالعات من كد ماقابضهة ..كال ابرود بس مبين وراه اعصار
همام : ابرود..مستعجلة عالروحة مو
مسك : ضليت ساكته احس من الخوف مااكدر احجي صاير جنه قنبلة واخاف افجرة جفلني وهوة يصيح
همام : صاح بعصبية ..جاوبيييييييي
مسك : بلعت ريكي بخوف وكتله بهدوء..همام بس اسمعني
همام : بصياح وغضب..وج شسمع كتيلي وكتلج ماكو روحةةة تجين هسة تحجين كدام ابوية حته مااكدر ارفض شنوووو..
مسك : تحجي بخوف وهدوء.. مو قصدي هيج بس ادري اذا مو بابا يحاجيك متقتنع
همام : يحجي بعصبيه وقهر ..وج ماصدكتي ترحين لاهلج..وماكلتي شيصير بيه واني روحي بيج وبريحتج وماانام اله عليهة ..صاح بقهر لييش هيج تسويين لييش ليش تاذيني ابعدج عني وج شلون تحرميني من عيونج اللي من اباوعلهن احس همومي كلهة تضيع2
مسك : حاوطت واجنته بايدي وركعت عله ركبي حته اصير ابمستواه ..همام حبيبي..يعني اني الاكدر بلياك وبلية حضنك اللي مااكدر انام بدونة لو مااشوفك..بس هم ميصير ابقة ابيت الرجال اللي راح ازوجة قبل العرس وين صايرة هاي ..هوة اسبوع بس اسبوع تحمله راح ابقة وياك عله تواصل وافتح كاميرا وتشوفني بس مااريد اروح وانته ضايج مني
همام : ابرود ..وهوة يوخر اديهة ويكوم ..تحضري حته نروح
مسك : انصدمت من برودة ..وشلون تحول فجاة ردت احجي منطاني مجال من اخذ تشيرت وبنطرون وطلع من الغرفة وسد الباب وراه ..بدلت بسرعة لبست عباية اسلامية ولفيت شالي وجبت الجنط وطلعت دااصيحه لكيته كدامي بس وجهة ونضراته باردة ولا جنه همام كتله عله كيف كملت..طب بدون ميحاجيني شاف الجنط اخذ وحدة منهم سحلهة الباب الغرفة طلعهة واخذ الثانية او وصل للاخيرة واني اباوعله شلون متجاهلني او وله كانو موجودة يمه متحملت اخير شي..ركضت عليه حضنته من ضهرة وكتله بحزن..حباااب لتسوي هيج مااريد اروح وانته ضايج مني حباااب همام ..وخر ادية وافتر عليه دموعي نزلت واني اشوف برودة اتجاهي ونضراته الميته من يباوعلي ..برطمت وكلت بحزن واني اباوعله همااام ..جر نفس قوي وذب حسرة وحضني حيل حسيته يريد يضمني بين ضلوعه بادلته الحضن او وجهي ابصدرة اشم ريحته كال
نرجع بالزمن القبل اسبوع
همام : يله استعجلي
مسك : اي كملت بس الف شالي..كملت اخذت جنطتي وطلعنة ركبنة بالسيارة واغاني وفراحانين لان راح اصير مرته بالقانون وبالشرع وكلسا يتغزل ويذبلي حجاية يخليني اطب بنص هدومي من الخجل..وصلنة للمحكمة اخذ ايدي ويمشي بيه ادنة يمي وهمس
همام : نزلي راسج ولتباوعين الاحد لحد مندخل
مسك : سويت مثل ميريد ومشيت وياه كعدنة ننتضر لحد ما اجه دورنة عقدنة محكمة وطلعنة والفرحة مواسعتنه رحنة للسيارة اخذني فرني او وكلني موطة وتونسنة ورجعنة للبيت كلهة باركتلي وبوسوني..وهمام طاير كلسا يكول هسة محد يكدر يحجي عليج كلمة صرتي مرتي رسمي..جان يوم كلش حلو النة حيل تونسنة بي وراها
وهسة نرجع للنقطة الوكفنة عدهة
مسك: وجهي بصدرة اشم ريحته كال
همام : وهوة يتنهد بقهر .. اوووف شلون راح افاركج
مسك : هوة اسبوع
همام : جنة سبع اسنين مو سبعة ايام
مسك : رفعت راسي وحاوطت وجهة بادية وهوة اديه محاوطة خصري اباوع لعيونة واحجي ..كالتله بهدوء .. شلون يعني..اذا نضل هيج مراح اروح
همام : امنيتي ياريت
مسك : ههههه يله حبيبي خل نمشي راح اتاخر واليوم جمعه منخلص من الازدحامات
همام : هسة شبيج مستعجله عالروحه
مسك : كتله بنفاذ صبر ..همااام
همام : زين زين امشي..بس اوكفي لحظة
مسك : بملل..شنو بعد
همام : بخبث وهوة يبتسم بمكر..ماودعتيني
مسك : بثول..هاا مااستوعبت الكاله اله من سحبهة عليه قوي واخذ شفايفهة بقوة كن يريد يطلع حيف كلبه بيهن والفترة الراح تجي كلهة..بالبداية جنت ادفع بي بس بعدين ذبت بين ادية ..لحد ماوخر عني وكال
همام : وهوة يلهث ويتنفس هوي ..احبج
مسك : ابتسمتله ..وكتله بدون وعي.. اموووت عليك ضحك وكال
همام : ههههه..امشي امشي اذا ابقة وياج بعد مااضمن نفسي شسوي
مسك : مشة كدامي واني وراه نزل جنطة وياه ونزل واني نزلت وراه سلمت
عله ماما وبابا والبنات يكول مااشوفهم منا السنة ولا جنهم اسبوع اله
شوية جيت ابجي لوما همام
كمل تنزيل الجنط وصاحني..سحلت
جنطة ويايه وهوة الثنين الباقيت حطيناهم بالسيارة سلمنة وطلعنة
لكربلاء.. الطريق كله ساكتين بس
الاغاني تشتغل وهمام مندمج وياهم نسولف شوية ونسكت وصلنة البيت
اهلي همام طفة الاغاني او وكف السيارة كال
همام : بحدة وتملك ..هوة اسبوع تبقين هنا ميحتاج اوصيج بحجابج بعد
تعرفين.. ييجيكم فلان علان وياهم
ولد تكعدين بغرفتج ومتوشفيهم
ركعت وجهج زين.. متسلمين عله
احد من الولد ترة صح راح اروح بس عيني تراقبج خوش
مسك : بملل..خوش
همام : بتملك وجنون ..متبوسين احد حته لو اخوج ابوج عمج.. وله تتغزلين
باحد لو تحجين حجي معسول وياه.. متحضنين احد..وله تلزمين احد
متنامين بحضن احد وحته
ابتسامة متبتسمين لاحد حته لو اهلج ..ها وشغلة ثانية ياريت تقللين طلعات لو مطلعين احسن ..واضح
مسك : وهية صافنة عليه وعلة غيرته اللي مالهة داعي واوامرة الغريبة كلتله بتعجب ..همام انته مقتنع بحجيك..دتسمع شدتكول ..لو كاعدة بسجن
هم ماامرو هيج اوامر مثلك باوعلي
بطرف عينه ورفعلي حاجبه وكال
همام : بكيفج تردين نرجع لبغداد وتبقين يمي واكيف اني بصراحة
مسك : بتراجع ..لا..لا خلص حاضر لتريده يصير ..يله بيباي فتحت الباب
ونزلت وهوة هم نزل نزل الجنط
ويايه دكيت الباب..وحضنته حيييل
وهوة هم بادلني الحضن همسلي
همام : بشوك وحب ..راح اشتاقلج
مسك : اني هم ..انفتحت الباب وخرت عنه طلع بابا.. سلم عليه وكله يتفضل
يمنه ماقبل بس دخل الجنط وراح
طبيت يم اهلي سلمت عليهم
ودخلت غراضي بغرفتي القديمة
.. وضلينة سالفة وحجاية مشتاقتلهم كومة.. وهيج كضينة ايامنة بين ملتهين بالعرس ونحضرلة وهمام طبع
بطاقات العرس او وزعهم وجابلياهم
هم وزعت لاقاربنة.. واني يومية
اخابره بالليل واضل وياه للصبح ميقبل انام اذا ماانيمه بس اخر يومين كتله مااحاجيك بعد حته تشتاقلي غلقت مبايلي وعفته بعد ادري بي
دايحترك بس ميخالف خل يشتاقلي شوية.. طبعا بالنسبة اليوم العرس
احنة سوينة الفقرات ورتبناهم
وادربنة عليهم بالاسبوع اللي قبل
لا اجي لاهلي يعني مكملين كلشي ..... عكب باجر العرس واجو بنات خالاتي وبنات عمي لزمني كرد من راسي
الرجليه تعرفون بعد سوالف نسوان..
بس حواجبي جنت امسويتهم يم الصالون البارحة.. كضيناها سوالف وضحك وتنضيف صار الليل كلمن
راحت البيتهة..ثاني يوم حسب
ما سمعت من لمار سوو حنة الهمام
ودك وركص فمتونس واحنة هم
سوولي اهلي حنة بيناتنه بس بنات
يعني وهم جبنة ديجي ودك وركص فدشي اني لبست هاذة بالحنة نفسه اللي جابلياه همام ردت شي بسيط وشعري سرحته ولولوت الاطراف وطلعت باليوتيوب وسويت مكياج نفسه صار حلو
خلصت الحنة وكلهم راحو بس اختي بقت يمنه لان حتروح ويايه للصالون
هناك حجزتلها ويايه طبيت
للغرفة.. اريد انام مااكدر حسبة
تجيبني وحسبة توديني.. صح صالي
هواي من عايشة يم همام بس هسة تختلف راح يصير رجلي.. أذن كمت
صليت ودعيت ربي ارتاحيت شوية ورجعت للفراش.. بالكوه نمت من
التفكير يمكن نمتلي ساعتين
وكعدتني ماما بال7 ونص بالكوه
فتحت عيني من النعاس كالت
ام ميار : وج امي كومي بسرعة هميلة تلحكين تلبسين حته اطلعين البغداد
مسك : ماما بس شوية خل انام
ام ميار : وج شتنامين فضيني بسرعة كووومي انتي العروس
مسك : اففف ماما واذا عروس مانام يعني
ام ميار : ترحين يم رجلج
وعود نامي براحتج كومي هسة
خلصيني بعد متلحكين كومي حته
ترحين ويه اختج ومهيمن يوصلكم
مسك : اففف ماما..كمت كمت ..رحت سبحت وكملت وطلعت جففت شعري بدلت وطلعت لكيت اختي مكملة وتنتضرني عافت جهالهة يم ماما.. لان همة كبار يفتهمون وهية حتجي
ويايه.. لبست حجابي وطلعت الجنط محضرتهم من البارحة وطلعت.. ابن الحجيه
مهيمن ماخذ ملابسة وغراضة وياه
لان هوة حيذبنة يم الصالون
و يروح لبيتنه ( بيت همام) اخذ
الجنط مني وصعدهم بالسيارة
وصعدنة اني واختي هية لكدام
واني ورة مشبعانة نوم ماسيطرت ونمت بالطريق.. بدون مااحس بروحي كعدوني من وصلنة للصالون نزلت وطبيناله.. صالون جبير كلش وبي اكثر من شخص يشتغلون طبعا اكو رجال واكو
نساء.. جان اكو مكان مفصول هاذة للنساء المحجبات مثلي يعني رحناله اني واختي ولكيت ماما والبنات
هناك كل وحدة لزمتهة وحدة راويتهة بدلاتي وكتلهة شنو عاجبني
والتسريحة كتلهة مااريدهة كلهة صاعدة يعني تخلي جزء منهة صاعد وباقي شعري اريده نازل.. هية هم مكالت شي بدو يشتغلون بينة والتلفونات ماسكتت
اني متفقة ويه همام يجيبلي
الطرحة والتاج والبدلة وكلشي ماما محضرتلياهم ابجنطة ازغيرونة
ومطيتهيا هوة هم شوية وخابرني جايبهم حطتلياها البنية وسوتلي
ترتيب كللللش حلو بالتسريحة
والمكياج حطتلي الطرحة.. واختي هم كملت اكو مكان عدهم مال تبديل
رحت لبست البدلة واختي ساعدتني
بس صارت تجنن ويه المكياج
والتسريحة ولبست الكعب والتخم
وكلشي كمل وطلعت.. تعجبن عليه وصلو على محمد وبدت الهلاهل بلكوه سكتتهن فضحنه فضيحة والبنات هم كملو.. لبسوني البركع وهمة هم لبسو حجابات وعبي اسلامية لان همة حيرحون
للقاعة يرتبوهة ويشوفوهة.. وبدلاتهم وغراضهم كلهم اخذنهة هناك يبدلن..
واني وهمام حنروح للمصور
طلعوني الهمام راد يرفع البركع ماما ضربته عله ايده
همام : بقهر ..ليش خل اشوفهة
سمر : نوصل واشبع منهة شوف.. يله امشي وصلنة بسرعة قبل ليوصلون المعازيم
مسك : لزم ايدي لان كلشي مااشوف من الشارع.. صعدني بالسيارة لكدام
همزين البدلة مو نفش متعب من
يشيلوهة والباقين تحاشكو ورة نزلهم همام يم القاعة.. وانطلقنة للاستوديو طبينة اول مانزلنة طبيت بالغرفة
البنية المصورة ساعدتني انزع البركع لان
جلب بالتاج بالكوه انزع رادت
تخرب التسريحة.. عدلت روحي وطلعت اول ماشافني همام فتح عيونه عله وسعهن وحلكة.. خجلت من البنية
الواكفة بصفي منضرة يخرب ضحك
هية حست وراحت اول ماراحت تقرب مني وصفن عليه كال
همام : بجنون وشوك ..لج شطالعه انتي متكليلي شسوي بيج هسة..هم
صالي اسبوع محروم وهم اشوف
هاذة الكيمر كدامي..اليوم محد
يخلصج مني اطلع حيف السبوع
كله من عينج
مسك : خاف اني مجنت خايفة خلاني ارجف ..دنكت راسي وهوة لزم ايدي ادنه عليه وكال
همام : بقلق ..شبيهة ايدج باردة وترجفين..مريضة حته الدنية مو باردة
مسك : باوعتله بخوف ونزلت راسي هوة افتهم رجع كلي
همام : بحنية ..يروحي انتي هاذة حجي السان ليش هوة اني ينطيني كلبي
ااذيج ااذي روحي ومااذيج لتخافين..والله مااسوي شي مو برضاتج
مسك : رفعت راسي وكتله والخوف مبين من نبرتي ..والله
همام : اي والله شنو لعد ماله داعي تخافين..وهسة امشي خنكمل تصوير حته اوديج للقاعة
مسك : اخذنة صور ابمختلف الاشكال المصورة جانت زينة فانطتنة لقطات كلش حلوة وغريبة.. كملنة رجعت لبست
البركع والمسكه بايدي وركبت بالسيارة ورحنة للقاعة..الطريق كله همام
لازم ايدي ماعافهة لحظة لحد
ماوصلنة نزلني وقفل السيارة
ونزل..طبعا بدلاتي الباقيات كلهم
ماما والبنات جابوهم هنة
والاكسسوارات الوياهم والاحذيهة
وحته الشغلات اللي حنسويهة
بالفقرات هم جايبيهم طبعا احنة سوينة فد فقرة حلوة بالدخلة وو.....والمكياج سويته نفس هاذة بس ارتب
طبعا هاي جانت بدلة لمار
وهاي لينا
تسريع الاحداث
مسك : خلص العرس وجان احلى عرس شفته بحياتي.. الحمدالله كلشي جان منظم حسب الاصول ومثل مااريد والعرس يجنن والفقرات كلش حلوات وخاصة ابغداد نادر عدهم يسوون
فقرات ويلبسون اكثر من بدلة.. وهمة معازيمهم هواي اما معازيمنة مو
كلهم اجو لان بغير محافظة
وميكدرون فبس اللي كدرو
اجو.. كلش تونسنه طلعت من
القاعة لابسه البركع ركبني همام
بالسيارة وماما صعدت ويانة زفونة للفندق دخلوني ماما سمر وامي
واختي ولينا ولمار وهمام بقة برة حجو ويايه وامي تكلي
ام ميار : ماما صيري سباعية ومو تخافين ترة همام خوش رجال وحباب ويحبج..صيري زينة وياه حته هوة هم يصير زين
مسك : وماما تحجي منا وماما سمر واختي منا.. صرعني..لحد مادخلي
همام هنة طلعن سد الباب وقفلهة..
اجه يمي جنت كاعده عالسرير
ولابسة البدلة البيضة رفع الطرحة
من وجهي وباسني بكصتي..جنت
امنزله راسي وشعور غريب خوف عله خجل عله ماادري شنو هوة كال
همام : لج شطالعه اليوم تفاحة.. تمشين بالقاعة تكول كلوب مااكدر اشيل
عيني منج..فهميني شلون اتحمل
كدام هالكيمر الكدامي كلبي
ميتحمل كمية الجمال هاذة
مسك : يحجي واني كلبي احسه
دكاته تقرة 1000 متت من الخجل
وجهي صار احمررر هوة حس رفع
حنجي باصبعه وكال
همام : شنو رايج نفتح التسريحه والطرحة راسج كام ياذيج مو
مسك : ادري بي ديحاول يغير الموضوع
حته ميخجلني.. اني هم هزيت راسي اب اي..لزم ايدي واخذني وياه للميز
نزع دشداشته طبعا همام لبس
دشداشة سودة ومطرزة وغترة سودة بنائا عله طلبي لان اني احب الزي العربي..
نزع دشداشته او بدة ينزعني الطرحه والتاج والمشاششات كوووووومة ماشاات طلعنة منهة انترس الميز ماشات وخرناهم كلهم اني وياه.. ونزل شعري املولو
لجوة الخصر كلش حلو نزعت
السوارات والتراجي.. وهوة نزعني
الكلادة وحط راسة بركبتي يشمهة..
رغم مو اول مرة يسويهة بس ماادري ليش خجلت منه او كمت وكفت كتله..بارتباك..ااني راح اروح ابدل..هوة هم ماعارض ميريد يخجلني.. فتحت
الجنطة اخذت سيت النوم الابيض
ورحت يم الحمام اكو مكان صاير
مثل المنزع زوية.. المشكله انو البدلة سحابتهة منورة واني ماالوح ردت
عالجت ماكو ماكدرت واستحي اكله..
بس ماعندي حل ثاني..رحت يمه
لكيته باقي بالشورت.. شكد استحيت هسة شلون هوة انتبهلي كال
همام : شبيج واكفة..وباستغراب..شو مابدلتي
مسك : بارتباك وخجل..موو ماكدرت افتح السحابة ..ابتسم واجه يمي كال
همام : مومشكله اني افتحهة
مسك : فتحلي السحاب رادت توكع البدلة لوما لزمتهة.. افتريت عليه بسرعة عيونة ذايبات ويباوعلي بخدر كتله بسرعة..حباب روح خل اكمل
تبديل..فرك وجهة وهزلي راسة ورجع للسرير واني رجعت للمكان.. نزعت البدلة ولبست
سيت النوم رتبت شعري واني جنت متوضيه اصلا من قبل مااحط
المكياج فلبست الجادر فوك
السيت واجيت يمه باوعلي
باستغراب وكال
همام : شنو هاي
مسك : حبيبي كوم توضه خنصلي اني وياك
همام : هسة ؟؟
مسك : اي هسة شنو..كام للحمام توضه واجة صلينة اني وياه ودعينة
هوة لم سجادته وكام واني بقيت
بالجادر لان ادري اذا يشوفني بالسيت ميعوفني كتله.. جوعانة
همام : اوكفي خل اجيب التمتوعة حته ناكل
مسك : والله صدك جاب التمتوعة او وياه دجاج مشوي.. لان اني مااحب
الكباب اكلنة لمن شبعنة لميت الاكل وانطيتهيا هوة لبس واخذة مدري
وين وداه ورجع للغرفة.. نزع ونام عالجرباية
نزعت الجادر و باوعتله.. لكيته صافن عليه ويباوعلي منفوك لجوه
ومبتسم..صح خايفة بس ماردت
اضوجه اكثر اجيت للجرباية
كعدت يمه..ابتسملي وسحبني
الحضنه وكام يمسح عله شعري ويبوس بي.. رفع
حنجي باصبعه وكام يبوس
بشفتي شوية شوية بديت اذوب
بلمساته ومحاسه عله روحي وووووووو.... نام بصفي باس كصتي وكال
همام : مبروك يروحي
مسك : بخجل ..الله يبارك بيك.....الليل كله ماخلاني انام كلما اريد انام يكلي وين بعد وكت مشتاقلج ..طلع السبوع
العفته بي من عيني صار الفجر
طبينة سبحنة وصلينة ونمنة نمت
بحضنه ماحسيت عله روحي بعد
لان جنت ميته تعب كعدنة
الصبح عله صوت مبايل همام وهوة
يدك جانت ساعة 9 تقريبا جاوب
همام : ابصوت نعسان ..الو
ايهم : ها ولك اتزوجت وبعد ماسمعنالك حس
همام : ههههههه شتريد ولك مكعدني من الصبح متعوفون الواحد براحته حته وهوة عريس
ايهم : ههههههه..دكوم كوم بسرعة تعال صباحيتكم والدنيا كلهة اجت
همام : هسة راح اجي يلة ولي
مسك : جنت كاعدة واسمعه من يحجي بس مغمضة عيني ونايمة عله صدرة كام يلعب بخصلات شعري وكال
همام : مسكي حبيبي يله كومي كافي نوم..خنروح الناس منتضرينة
مسك : تؤ.. حبيبي الله يخليك خليني نايمة والله تعبانة
همام : مممم يعني ترديني اكعدج بطريقتي
مسك : افتريت للجهة الثانية وكتله بانزعاج..عوفنييي روح انته
همام : انتي الجبتيهة النفسج..ووووووو.....
مسك : طبيت سبحت علما هوة جان يخابر بابا موسى من طلعت هوة
طب.. بدلت ولبست حجابي
وحطيت مكياج خفيف بس
حلو لبسي جان يشبه هاذة بس مو
شفاف يعني القطعة الجواه طويلة ورداناتهة هم طويلة فمغطي كلشي وراها هوة هم طلع راد يلبس بنطرون وقميص.. مخليته كتله يلبس
الدشداشة السمائي لبسهة واجه
يمشط شعرة.. وراها لبس الغترة
ورش عطر ولبس ساعته هاذة كله
واني صافنة عليه.. اوووووف شلون
طالع يجنن متت عليه ادور عيونه بلون الدشداشة واللحية منطيته
جاذبيه صار يضوي هاذة جان لبسه
باوعلي
وابتسم كال
همام : بثقة ..ادري حلو بس دتخجليني
مسك : والله بهاي مااكدر اجذب هسة فهمني شلون اضمك من عيون العالم
همام : هههههههه...تغارين
مسك : وهية تحاول تغير الموضوع ..يلة اتاخرنة بسرعة..رحت لميت غراضنة
كلهم بالجنط وتاكدت خاف ناسين شي بالحمام والغرفة همام اخذ الجنط
وطلع واني اخذت نضرة سريعة
عالغرفة قبل منطلع وطلعنة.. نزلنة
بالمصعد اجه العامل اللي يشتغل
بالفندق نسيت اسمه اخذ الجنط من
همام وحطهم بالسيارة.. واني ركبت بالصدر وهمام يمي شغل اغنية
وكعدنة نسمعلهة واني عيني عليه
شلون طالع ينكرط ومبتسمه محاسه بروحي.. لحد ماحجة وهوة عينه عالطريق
همام : بثقة وخبث ..وج ليش تجنين عله نفسج خليني صابر عليج وعايفج..لتخبليني بنضراتج
مسك : ابتسمت عله حجيه وخجلت شوية درت وجهي عالجامه اباوع لحد ما وصلنة.. للبيت استلمونة جانو جايبين هذولة اليدكون عالطبول ويسوون موسيقى والهلاهل والصفك جابو
طلي وذبحو جوه رجلينة.. اني ختلت
ورة همام مااريد اشوفه من يذبحو
طبينة جوه وعلت الهلاهل والجكليت.. فشخونة تفشخ تكول حصو.. مو
جكليت ماصدكنة طبينة جوه.. طبعا
كلهة جايه عمامه وعماته واهلي هم.. جانت اجواء فرح حلوة كلش جابولنة الريوك كيمر وجاي ومدري شنو تريكنة وكملنة.. همة بدو يحضرون بالغدا
وهمام راح يم الزلم واني بقيت كاعدة
يم البنات ذبحوني بالاسئلة والسوالف..
صار الغدا وصبو الزلم وحد والنسوان وحد تغدينة وكملنة اجه همام كعد يمي شوية وهمسلي
همام : مسكي امشي خالنصعد
مسك : ليش
همام : تعبت وراسي كام ياذيني من الهوسة واريد ارتاح
مسك : هااا..اي والله اني هم..سحبني من ايدي او وكف واني وكفت وراه نريد نمشي صاحت ماما سمر
سمر : يا يمه وين رايحين
همام : يمه راح نصعد تعبت واريد ارتاح
سمر : هاا يله براحتكم لعد
همام : يله منرخصتكم..كلهة ردت الله وياك
مسك : صعدنة فوك هوة نزع الغترة والدشداشة.. واني نزعت حجابي
ورحت بغرفة الملابس بدلت
وصليت وهوة هم صلى واجيت
يمه ونمنة كعدنة المغرب صلينة
ونزلنة لبست
كلهة متجمعه كضيناها سوالف وضحك لليل.. راحت كلهم واحنة صعدنة فوك ووو.....طبعا ورة اسبوع سوولي سبعة وعزمو بيهة نسوانهم كلهة واني هم عزمت اهلي ونسوان عمامي.. وديجي ودك وركص كلش تونسنة هاذة جان لبسي بالسبعه طبعا بالضافة لشكم بدلة من بدلاتي هم لبستهم
ورحت الصالون هم سوولي مكياج خفيف
وشعري هم سويته
جنة حاجزين ورة اسبوع نسافر شهر العسل.. فمر السبوع واحنة طايرين ابعض اني وهمام بي كمت اجهز جنطنة وغراضنة.. لان باجر طيارتنه من الصبح وهمام ويايه نمنالنة شوية وكعدنة بدلنة اني لبست
وطلعنة للمطار وسافرنة جانت احلى سفرة بحياتي كلللش تونسنة بيهة..طبعا اني وهمام جنة متفقين منجيب اطفال
لحد ما اكمل السادس لان
مااكدر وهوة
مااعترض الحمدالله.. وراها عشنة مرتاحين اني وياه مثل عصافير الحب
عله كولتهم بدة الدوام والتهيت
وياه.. وهمام ماعافني ابد ولا حسسني فديوم اني مقصرة بحقه.. جنت
احاول اوازن بينه وبين دوامي..
البيت كمل بس كلنة ابنص السنة
ننتقله وصدك كملنة الاثاث وكلشي
واني امتحنت نص السنة والحمدالله مانزل معدلي بالعطلة انتقلنة..
وماما وبابا اجو يمنة حته ماما
تساعدني هية وماما سمر والبنات
ماقصرو.. حضرنة البيت من ارقى
واحلى شي صار حيل حلو انتقلناله
اني وهمام واني طايرة من الفرح
معقولة صرت ام بيت وهاذة كله الي ممصدكة.. وهمام هم خطية ماقاصرة فرحته وبلشت الخطاطير تجينة
كل يوم ييجي احد يباركلنة عالبيت ....عشنة بي همام ماقصر
من اداوم.. جان يجيب من برة لو ماما سمر كله تطبخ وتدزلنة لان تدري دوام وماعندي مجال اتعلم اطبخ امتحنة نهاية السنة واستلمت النتيجة.. الحمدالله ناجحة بكلهن بديت اتعلم اطبخ
واطلع باليوتيوب خطية همام.. صار
فار تجارب كل يوم اتعلم بي طبخة
شكل ولو تخطي لو تصيب.. بس هوة متقبل الوضع وشميكون الاكل
موزين يكول عليه طيب حته
يشجعني.. رغم اني من اكله وراه اكره روحي طعمة مينجرع بس هوة
ابد ميبين.. وهيج خلصت حياتي بين دوام وهمام واهلي كل 15 يوم هيج ازورهم لو همة ييجوني لحد ما فد
يوم خابرتني لينا كالت
لينا : ابترجي ..مسك فدوة تعاي
مسك : بقلق شكو شبيج
لينا : دتعاي وتعرفين
مسك : همزين اني جنت مخلصة الغدة خابرت همام جان بالشركة كتله..هلو حبي
همام : ها عيني
مسك : حبيبي عادي اروح لبيت بابا موسى
همام : ليش شعدج رايحة
مسك : مااعرف خابرتني لينا تريدني اجيهة مدري شتريد تراويني مدري تحجي وياي
همام : خابري ايهم خيمر عليج ياخذج
مسك : حبيبي ليش اتعبه هوة هاذة وياه بيتهم اتمشاله وحدي
همام : بحدة ..مسك احنة شحاجين بهالموضوع..طلعة وحدج ماكو هوة انتي اطلعين وياي وياكلوج بعيونهم ادور وحدج
مسك : ابملل ..ماشي هسة اخابره
همام : خوش..تردين شي اجيبلجياه بطريقي
مسك : لا سلامتك عمري يله باي
همام : باي
مسك : سديته من همام وخابرت
ايهم كتله ييجي عليه هوة هم
مارفض.. لبست عبايتي الاسلامية
بسرعة ولفيت شالي وطلعتله
اتمشينة اني وياه للبيت طبيت
سلمت عله ماما وبابا وبوجهي لغرفة لينا.. لان غرفتنه اخذتهة لمار بعد
ميحتاجوهة طبيت لكيت لينا ولمار كاعدات لينا اول مشافتني كالت
لينا : سدي الباب وتعاي
مسك : سديتهة وقفلتهة واجيت يمهن.. نزعت حجابي بس بقيت
بالعباية الاسلامية لان جنت لابسة دشداشة قصيرة مال بيت.. اني لبسي
كله منهن بالبيت فستحيت انزعهة
سالتهة بقلق واستغراب..شكو شصاير
لينا : فارس
مسك : وهية تتنهد ..شبي
لينا : وج قفل يكلي لو اجيب اهلي واخطبج هسة لو تنتهي علاقتنه هسة.. شلون بيه بالله واني بعدلي سنتين بالجامعه ممخلصتهم
مسك : خاف مثل هذيج المرة وبعدين يهدة وياجل الموضوع
لينا : وج ماكو قفل ميتحاجة ردت عالجت.. اجيته بكل الطرق ماقبل انطيني حل شسوي
لمار : زين اوكفي انتي ليش رافضة يخطبج
لينا : وج بعدلي سنتين شيخلصهم
مسك : اي خو انخطبي او ورة متكملين جامعه انتي وياه اتزوجو
لينا : بتردد وجنهة بدت تقتنع ..مدواذا ماقبل ويريدنة نتزوج قبل مااكمل
مسك : انتي اشرطي عليه متزوجون اذا متكملين جامعه..اذا هوة هيج كاتل روحه حته يخطبج خيخطبج وينتضر من تكملون حته تزوجون
لينا : واذا اهلي رفضو
مسك : انتي اقنعيهم واني هم احاجي همام ونحجي ويه بابا وماما ونشوف
لمار : اي احسن هيج خليهة بس خطوبة عالاقل تصير رسمي وكدام الكل مو كل يوم جايينة خطابة عليج ونرفضهم
مسك : شوكت هاي
لمار : اول البارحة اجو عليهة خطابة بس اهلي رفضوهم وهية الثولة نست روحهة وحجت الفارس بدون متدري
مسك : عززةة وشسوه
لمار : شسوة بعد كلب الدنية عليهة اني كاعدة يمهة وشفت.. ماشفتي شلون قفل اله يخطبهة هسة
مسك : يااا منهاذة واني اكول شبي كتل روحه..وانتي ثول الثولج شجاج حجيتيله
لينا : بقهر ..شمدريني اني متعودة احجيلة كلشي سالني شسويت بيومهة وزل الساني سولفتله بدون ماادري تالي اكلتهة مدبسة