#فصليه_مسك
البارتات5____6_____7____8
ااني اعتذر صاير فتره مجاي انشرلكم اي شي لان طالعين ويه الولد سفره ونسه وكذه وانشاء الله راح ابلش بل قصص
البارت الخامس تعريف
مرحبااااا اني همام عمري 25 سنة متخرج ودارس ادارة اعمال حتة ادير شركة والدي وياه واحنة من بغداد
وهسة خل اعرفكم علة عائلتي احنة (همام ,وهيثم الله يرحمة ,وايهم ,وادهم , وخواتي لمار ,ولينا) وبابا وماما
ايهم اخو همام عمري 23 ادرس صيدلة
ادهم عمري 21 ادرس طب عام
لينا اخت همام عمري 19 اول سنة جامعة ادرس هندسة معماري
لمار اخت همام واصغر وحدة بالعائلة عمري 17 طالبة بالثانوية
وابو همام عمره 51
وام همام عمرهة 45
البارت 6
مسك : كعدت ثاني يوم طبيت سبحت وتريكت وصليت وبدينة نحضر بالجنط ونرتب الغراض وضلينة بيهم لحد ساعة 4 العصر يالة كملنة تغديت وكعدت عاللابتوب مالتي اباوع مسلسلاتي واحنة متعودين كل نهاية اسبوع نروح لبيت جدي اهل بابا وكلنة نجتمع هناك وضحكة وسالفة وهيج صارت الساعة بال9 بالليل كمت صليت وبدلت وطلعنة اول شي رحنة مطعم تعشينة ورحنة البيت جدي طبعا انفتح موضوع الفصلية اني عندي 5 عمام وكلهم متزوجين طبعا ضلوا خطية وخطية بس اني سويت روحي ممهتمة وهاي اخر مرة انجمع وياهم فمحبيت تطلع مني حجاية مو حلوة ودعتهم ورجعنة نص الليل جنت تعبانة حيل بدلت ونمت راسن كعدت ثاني يوم نفس الروتين وهيج مر شهر بين اطلع اشتريلي كم غرض واجهز نفسي وبين اكعد ويه اخواني واحاول قدر الامكان اشبع منهم ومن كعدتهم وسوالفهم فديوم كعدت غسلت وحضرت ريوكي من دااتريك اجت ماما كالت
ام ميار : لازم انروح للصالون حتة نضف وجهج وجسمج بالنهاية راح تصيرين متزوجة ميصير وجهج يضل هية
مسك: (ماما قصدهة مامرتب واني محافتة قبل ممنوع عدنة بهيج عمر نسوي وجهنة فهاي اول مرة الي)غصيت باللكمة وكتلهة بس مالة داعي هنا بالبيت نسويهن
ام ميار: ميصير ام الصالون اضبط ومحد فارغ هنا مااريد نقاش كلت انروح يعني نروح يلة خلصي اكل وصلي وبدلي حجزت يمهة ورة الصلى
مسك : زين ماشي , كملت اكل وصليت وبدلت وطلعنة لام الصالون وبلشت بية ورة 5 ساعات
ام الصالون : واخيرا كملنة
مسك : ورما خلصنة طبعا متت ووجهي ورم مااسولفلكم عله شكلي شلون صار طماطة وامشي رجعت للبيت بوجهي للحمام سبحت بمي بارد شوية هدا جسمي وجهي طلعت بدلت وتعطرت وباوعت الروحي شكلي اختلف جذريا عن قبل صار نضيف ومرتب ومنور عبالك اكثر المهم كملت فجنت اريد انزل جوة لكيت ميلا بوجهي كالت
ميلا : من يوم ماوافقت مسك واني مفاتحة وياها موضوع الفصلية او زواجها وباعتباري اختهة الجبيرة وهية كل اسرارها يمي واني هم كل اسراري يمهة لازم احاجيهة بهالموضوع وانصحهة فمن اجت من الصالون انتضرتهة تكمل سبح حتة احاجيهة ردت افتح الباب فتحتهة هية اضاهر جانت تريد تنزل كتلهة عادي احجي وياج شوية كاخت واختهة
أنت تقرأ
فصليه مسك
Romanceفتاة عراقية تحمل من صفات الانوثة اجملهن تعيش حياة طبيعية مترفة بالرفاهية ولكن يا للاسف تجرها عادات بلدها وتقاليده لتدفع ثمن غلطة لم تفعلها لتذهب لمكان اخر مختلف وبعيد عما كانت تعيشه فيا ترى هل ستعيش الحياة المضلمة التي كانت تتوقعها ام للقدر راي اخر
