الورد الأسود

كيد النساء

...تزوجنا عن حب وغصبن عن الكل بما انو احنا الإتنين فينا طبع العناد ،كانت بالنسبة إلي كلشي مرتي وحبيبتي واختي وبنتي الصغيرة يلي تشاكسني بكل شي ،اما أنا بتوقع إني كنت بالنسبة إلها فار تجارب لمقالبها يلي ما بتخلص نعم كنت هيك بس كلشي بهون لما بسمع ضحكتها يلي هي من دونها ما بتبقى هاي البنت يلي حبيتها بس 🤚زاد الشي عن حدو اه للأسف والمشكلة الأكبر أنو ولا تهديد بينفع معها لحد ماوصلت لمرحلة أنو مش قادر أتحمل مقالبها السخيفة ،وبعد مقلب كانت رح تقتلني فيه وعملت حالها انها نجنت، وانا لا إرادي قلتلها ازا ساويتي فيي مقلب تاني رح تكوني طالق ... نايم بسلام تحت رحمة الله فجأة ً صحتني وعم تصرخ وبتقول البيت ولع البيت انحرق قوم بسرعة، انا قمت متل المجنون وبعد ماقمت بتحكيلي أرجع نام طلعت بحلم ، انتي طالق قلتها وانا كان نفسي أخنقها وأعبطها بالوقت نفسه اخ منك بس😭

...بعد خمس أيام أنا جد إشتقتلها يعني هي كانت تنام بغرفة تانية غير الغرفة يلي كنت انا نام فيها ، بس بهاد اليوم اليوم الخامس فآجئتني ، دخلت الغرفة وكانت بتجنن بمعنى الكلمة ،ريحة العطر سابقتها وعاملة نيو لوك جديد بشعرها وميكب زادها جمال واماااا لبسها فهو شي تااااني كانت لابسة شي بجنن لدرجة انو طيرلي عقلي ريتو ما يبلا بعدها قعدت على الطرف التاني من التخت وانا صرت اعمى ما بشوف غيرها وشوي كنت رح اهجم عليها من كتر ماشتقتلها بعدها تزكرت انو هي حالياً بالعدة وما فيني قرب منها أو ختى ألمسها ، بس سبحان الله لساني نطق لحالو😅: رجعتك
قربت منها قامت بسرعة كبيرة من عالتخت وراحت على الجرار وفتحته وطالت شي ممم متل قطعة مغلفة بورق زهري ورفعته قدامي وراحت وهي بتبتسم ....آآآآخ من كيد النساء