حبيبي من يكون

حبيبي من يكون البارت ٥

قصة #حبيبي من يكون

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
بقلمي الكاتبه # هدى سامي
...
قرائه ممتعه

حازم : سويت نفسي نايم بس حسيتها من كعدت ضلت بالفراش وصافنه بوجهي جاي تفكرين بلي فكرت بي

ملك : اول مافتحت اجه وجهي بوجه حازم هند فراشها فارغ ضليت اباوع عليه واني افكار توديني وتجيبني لحد ماخجلت

اجتي عيني عل ساعه بالتسعه خرب شكد عيب شكد خجلت نوب سادين الابواب مال الستقبال علينه كمت تحجبت هسه لو كاعد حازم واني نايمه شكد عيب طلعت
_ولج هند ليش ماكعدتيني ليش عفتيني نايمه

هند : كل اليل تبجين مانمتي نقهرت عليج وعفتج

ملك : حبابه بعد لتعوفيني نايمه كعديني قبل ميكعدون هند هزت راسها ورحنه تريكنه

صارلي خمس شهور يمهم عمتي وزينه مرت حسام مستغلاتني وذابات اكثر الشغل عليه يريدن يهججني زينه تغار مني جيف احلى منها وحسام نضراته الي مو راحه وعمتي عبالك امشي عله كلبها مو عل كاع بس تتحجج وسوي مشاكل وحازم احاول اتجنبه شكد مااكدر ماريد انطي واخذ ويا حته ميتماده مهما كان هو رجال وغريزته تتحكم بي وكل النهار واليل يخابر خطيبته كدامي ويتغزل بيها بس هند جانت زينه وياي صرنه اكثر من خوات

عرفت من هند هدير خطيبت حازم تريد تجي وهو وامه جاي يمنعوها حته متجي وتشوفني حته مرات حازم من يسمع بيها راح تجي يروح يبات يمهم من يروح نكيف اني وهند نضل بالستقبال وحدنه نضل نشاقه ونضحك ومرات نشغل اغاني ونكوم نركص

جان بيوم بليل كملنه شغلنه وفرشنه حازم جان بفراشه ويكلب بالموبايل واني كاعده بفراشي ومرتاجه عل تخم واباوع عل تلفزيون كاعدين نتعلل هند كامت للحمام دك موبايل حازم اول ماجاوب حبيبتي شتاقيتلج ضل يتغزل بيها كدامي حيل طوخها كمت احس راح انفجر عل اقل حترمني بس ماحجيت بس كل شويه اباوعله بعصبيه اجتي هند مددت بفراشها تكلب بموبايلي

_هند بصدمه لايلكعبه شنو هل جمال وج ملك منو هذا الصاك

_حازم نتبه يريد يعرف منو

_هند خرب بالحض وج هذا شكد حلوو وتكلب بالصور بكل صوره احلى من الي قبلها كعدت عله حيلها ونوب المناضر الواكف بيها تجنن وج دجاوبيني عاد منو هذا

ملك : ببتسامه ونضره كلها حنيه باوعت عل صوره بالفون وباوعت لهند هذا ابن خالتي علي باوعت لحازم وياريتني ماباوعت جان عيونه طلع شرار من العصبيه

______

حازم : صار خمس شهور من زوجت ملك تجنبني ونادرا ما نحجي سوه حته من نتعلل بالاستقبال ضل تشاقه ويه هند من احاول اشاقيهن لو احجي تسحب نفسها وتكوم تصرفها جان حيل يعصبني اليوم جاي نتعلل ودك موبايلي خطيبتي هدير اي كيفت اذا ماخلي الغيره تاكل كلبج جاوبت وضليت اتغزل حبيبتي وحياتي ومشتاقلج وجه ملك كام ينطي الوان الوان كل شويه تباوعلي بعصبيه اجتي هند اخذت الفون مال ملك ضلت تكلب بي شهكت هند بصدمه من شافت صورت واحد تكول حيل حلو تعصبت