حبيبي من يكون

حبيبي من يكون البارت ٢٩

قصة # حبيبي من يكون

الكاتبه # هدى سامي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........

ملك : اباوع عليه حسيت مثل الي يريد يطبع صورتي بذاكرته وصورته بذاكرتي غمض عيونه وطلع من البيت ومن حياتي للابد صعد السياره وراحو

_اني عله وكفتي لازمه الباب وعيوني كامت تجري دمع مادري ليش حسام عله وكفته وستغرابه عبالك ثنينه ردنه نجلب بي منخلي يروح بس شي منعنه نحجي

_عمتي صاحت عله حسام كالتله تعال تريك صاحت عليه عيني خاتون سدي الباب عاد وتعاي صبي ريوك لحماج مسحت دموعي ورحت شلت مواعين الريوك صبيت بغير مواعين وديته جان كاعد بالستقبال هو وعمتي حطيت الصينيه ورحت كعدت بالمرجوحه

ماكدرت اروح لغرفتي انام كلبي ممرتاح جنت كاعده ختنكت كمت كلت الهي نفسي بالشغل عجنت عفته يختمر حته اخبز عمتي راحت لغرفتها نامت حسام نام بالستقال نضفت البيت غسلت مواعين الريوك كل شويه عمتي تصيح عليه تكلي روحي نامي من تكعدين شتغلي ماجاوبها ترد تصيح من وراج ماجاي نعرف نام

رحت شغلت ماطور المي غسلت الطرمه والمنوار والمرافق كنست الحديقه رجعت شغلت التنور خبزت هلكت نفسي ماخليت شغله كلبي مقبوض عبالك جبل كاعد بين ضلوعي افتر بالحديقه رايحه جايه رحت غرفتي جبت الموبايل دكيت عله حازم كلت بس اسمع صوته حته يرتاح كلبي

دكيت مغلق كلبي حزن اكثر دكيت عله عمي مغلق نبض كلبي زاد كمت احاول اتنفس اخذ شهيق وزفير طلع حسام كال شبيج دموعي نزلن حاطه ايدي عله كلبي كال

حسام : اهدي شبيج

ملك : جاي اخابر عله حازم وعمي مبايلاتهم مغلقه كال

حسام : يجوز ماكو شبكه شو تعاي
_جرني من ايدي اكعدي عل مرجوحه واهدي كعدت نفسي ضايق عليه طلعت عمتي تهفي باايديها كالت

عمتي : والله من وراج حته ماعرفت انام بس غفيت كوابيس واحلام اشكال الوان نوب كاعده مثل البومه بس تبجين شبيج

ملك : حجيت بشهكه عمه مخنوكه راح اموت ماعرف شبيه كلبي يوجعني

حسام : بابا اهدي هسه اخابرلج عله حازم تحجين ويا وتطمنين

_لازم الموبايل باايده دك مغلق رجع دك عله عمي مغلق

عمتي صار القلق بوجها كمت اسوي شهيق وزفير ماكدر اتنفس نزلت بلكاع اجتي عمتي تكوم بيه دك موبايل حسام باوع عليه وباوع علينه مثل الخايف يرد

عمتي : رد بالكت ابوك

حسام : رقم غريب

ملك : اباوع اديه ترجف رد كال الووو ماعرف شحجو ويا بس دموعه كامت تجري اجه كعد كدامنه وكام يلطم عله راسه اني وعمتي نخاف نسال نخاف من الجواب من غير منعرف كمنه نلطم كتله شبي حازم عمتي تلطم تكله احجي ليش ساكت وهو يلطم عله راسه شك القميص كال بعياط