حبيبي من يكون

حبيبي من يكون البارت ٢٧

قصة # حبيبي من يكون

بقلمي الكاتبه # هدى سامي
........

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........

ملك : بيني وبين نفسي هسه اني شعليه ليش جاي تحجيلي قصة حياته شكد اني هامتني

يوم الحنه كعدنه من الصبح نضفنه البيت رتبنه كلشي اجه أسحاق اخذنه للصالون حازم كال راح اتحضر بين متخلصون واجي ناخذ صور

اجرت بدله لونها فستقي تجنن ام الصالون سوتلي تسريحه كلها ورود بحيث شالت شعري كله وطلعتلي كذله زغيره وزلوف وهند جانت ماجره بدله لونها وردي فاتح هم حيل حلوه ونازكه طلعنه نجنن وحده احلى من الثانيه عمي اخذنه للبيت

الحنه جانت بحديقة البيت هند كعدت تنتضر أسحاق واهله واني رحت لغرفتي سالت عمتي وين حازم كالت بغرفتكم شلت بدلتي ودخلت من الستقبال لصاله اريد لغرفتي لكيت حسام يبدل بالصاله الملابس الداخليه ميدري احنه جينه من شفته حيل خجلت حمر وجهي دنكت راسي وكملت طريقي وهو ضل واكف فاك حلكه

دخلت غرفتي لكيت حازم مخلص تبديل واكف كدام المرايه يحط عطر وكفت وراى باوع عليه بالمرايه بتسم كال جيتي حبيبتي ندار عليه يباوع كال شنو هل جمال طالعه تخبلين تقرب مني باسني من راسي وحضني حيل حضنته كل قوتي جان تنفتح الباب عمتي فتحته فجئه وراها حسام يرتب بملابسه ثنينهم شافونه متحاضنين شكد عيب راسا بتعدنه عن بعض

_عمتي كالت يله اطلعو أسحاق واهله اجوي صار ساعه

حازم يله حط ايده باايدي وطلعنه رحنه كعدنه عل كراسي أسحاق وحازم كاعدين بصف بعض وكل عروسه كاعده بصف عريسها الديجي مشتغل والكل يركص هند وأسحاق كاعدين يتهامسون عمه بدريه وحجيه رابعه يهلهلن ويركصن ويطشن جكليت وسون فنه حته عمي عدنان ركص ويه اخته عمه بدريه عمتي سعوده جتي بنصهم تركص هههههه

اني اباوع عل كل واتلفت مكطوعه من شجره لا اهل لا ام لا اب حته جدي راح

جنت صافنه نتبه حازم عليه لزم ايدي

حازم : اني اهلج

ملك : من كال هيج نزلن دموعي تخبل كال

_لتبجين لزعليني منج بهيج يوم

عمتي : هم كامت تبجي بابه مو خوش فال البجي

ملك : لتمو عليه احنه اهلج ولتبجين عمي باسني من راسي كال اني ابوج هند كامت حضنتني سرور وليلى كل وحده لازمتني من ايد تعاي نركص كتلهن استحي كلهم كالو لتستحين ماكو احد غريب سوينه الحفله عائليه حته ناخذ راحتنه مارضيت اله كام ويايه حازم وأسحاق وهند هم كامو والكل كعد

بس العرسان ضلو يركصون شغلو اغنيه شرقيه هند كالت اهو اني ماعرف اركص شرقي هههه باوعت عليه كالت يله راح اباوع عله ملك واسوي مثلها هاي اضرب من فيفي عبده هههه الكل ضحك