هلاوو طبعا رجعت وياكم من جديد حنكمل القصه،+ كل اسفه دا اتاخر واني اكتب الكم لين بالنهايه القصه من خيالي، ودا اكتب الشيي يلي احسه واقعي ،صلو ؏ نبيكم ( عليه الصلاه والسلام)
لين: رجعت للبيت ورا مكملت شغلي، طبعا تعبانه اكيد لين كلش صايره اتعب بالشغل هاي الفترا ودا ادوخ كلش وافقد توازني بالشغل مرات، المهم انو اني اساسا عندي فقر دم من زمان فعادي ، ما انطيت اهميه للموضوع
ام لين: ابو لين اني حشوف لين وانزل ، صعدت لغرفتها
لين: ھھݪـﯠ ماما
ام لين: شبيج ماما وجهج اصفر وعيونج ذبلانه ،
لين: ماما تعبانه،شويه ودايخهً
ام لين: ماما تركي العياده واخخذي اجازه هاي الفترا دشوفي نفسج شنو صاير بيج حبيبتي
لين: لا ماما اني مرتاحه هيج بس اريد انام
ام لين: تمام حبيبي تصبحين عل خير
لين: تلاكين الخير ماما
لين: طلعت ماما وكعدت افكر شويه اجه بالي المحامي(اسد) بعدين هيج كلت اني علشنو افكر بي هوه شنو اصلا!، نمت
اسد: كلشي مشه طبيعي نفس الروتين ، بس رجعت للبيت اتعشيت ونمت،كعدت ثاني يوم كلي نشاط ، جنت مفكر التقي بـ لين بس ماعرف شلون !؟ المهم رحت للشركه عندي قضيه مهمه ،
لين: كعدت الصبح كلش مالي طاقه بس عندي اليوم موعد ويا طفل اجه عليه قبل شهر وكلش حبيته ، واني اريد اشتغل اسنانه لين متعود عليه ، المهم سبحت ولبست سكرابي ورحت للمستشفى طلبت اجازه لين تعبانه بس حروح للعياده اكمله واطلع، رحت للعياده بعدين اجه هوه وامه
لين: هلااو زيودي شلونك
زيد: هلو خاله اني بخير اشتاقيتلج هوايه
لين: يسميني خاله فدوة💞😞، بعد خالتك وانيهم يلا تعال نام هنا
لين: سويت اله اسنانه وخلصت
زيد: شكرا خاله تعبتج محح
لين: باسني بخدي وراح، كلت لميران حطلع لين راسي يوجعني
ميران: حبيبي اجي اوصلج
لين: لا ميحتاج كملي المراجعين حطلع اتمشى
ميران: تمام اتصلي اذا صار شي
لين: اوك ، طلعت دا اتمشى بس كلش دايخه وحاسه هسه حوكع من طولي ، وكفت بنص الطريق وكعدت عل رصيف
اسد: كملت الشغل. وطلعت رحت للمستشفى كلت اشوف لين بس دخلت سئلت الموضف
اسد: سلام عليكم ، دكتوره لين موجوده؟
الموضف: عليكم السلام اخي ، اليوم الدكتوره مجازه،
اسد: اوك شكرا وطلعت، بقه بالي يمها هيه ابد متعوف الدوام بالمستشفى،
طلعت دا اروح للعياده رحت للعياده،
سئلت السكرتيره،
اسد: سلام عليكم موجوده دكتوره لين!
السكرتيره: عليكم السلام خويه هسه طلعت الدكتوره بس اكو دكتوره ميران اذا تحب تحجز
اسد: لا شكرا
اسد: طلعت بسرعه دا اشوف وين راحت ( طبعا اني اندل بيتها) فـ رحت لطريق بيتها هيج مسافه وراح اوصل وشفت بنيه كاعده عل رصيف ما اهتميت وعبرت ودا اروح بعدين انتهبت هاي لين رجعت بسرعه
اسد: نزلت ورحت ركض عليها ، لينن دكتوره لين صاير شي!!
لين: حسيت شخص يحجي وياي بس ما ميزت منو هذا بس سامعه هذا الصوت ، بعدين صرت ما اشوف شي وما حسيت بشي بعدها.
اسد: دا احجي وياها اشو تباوع عليها ووكعت هايي شصايرر لينن لين اصحي بيها متصحى بعد يربيي شلتها وحطيتها بسياره ودكيت عل فرح وكتلها خلي احد يجيبج للمستشفى بسرعه ،
اسد: وصلنه واخذوها الممرضين ، وصلت فرح
فرح: ها اسودي شبيج صوتك مو عل بعضه صاير شي احد من اخواني بي شي!
اسد: لا فروحه دكتوره لين لكيتها متخربطه بالشارع وشلتها وجبتها
فرح: عزاااا يا وين شصاير شلون صار
اسد: على كيفج لتخبصيني ماعرف كلشي لكيتها واكعه وجبتها واجيت
فرح: خلي اشوفها
لين: كعدت اني بالمستشفى، هاي منو جابني ، شويه وفاتت بنيه انتبهت هاي فروح
فرح: حمدلله على سلامتج دكتوره☹️
لين: الله يسلمج حبيبتي، بس شجابج
فرح: لين مو انتي واكعه بشارع وشافج اسد وجابج لهنا
لين: هاا مشكور ميقصر جزاه الله الف خير ( يعني اسد الجابني🤔) فات اسد
اسد: سلام عليكم عندج العافيه دكتوره
لين: تسلم خويه الله يعافيك مقصرت
اسد:ولو ددللي خادم اني ( خويههه!😏 اني اشوفج منو اخوج )
فرح: اسد ساعد لين تكعد دا اوكلها
لين: اجه اسد يساعدني صار كلش قريب عليه لدرجه اتنفس انفاسه ،☺️ خجلت لكيته صافن عليه
اسد: لزكت كلش بيها بحيت انفاسها الحاره تضرب بوجهيي وصفنت بوجها عجيب شكد حلوه هاي البنيه حتى بمرضها فزيت وهيه تحجي
لين: استاذ اسد شنو صاير بيه لين وكعت
اسد: دكتوره انتي ضغطج كلش نازل الدكتور كال وعندج فقر دم حاد كلش ، يا ريت تنتبهن عل نفسج واتغذي زين
لين: اهها اوك عادي
اسد: (شبيها خبله تكول اوك عادي ولا هامها) ست لين انتبهي على اكلج بس
لين: اي تمام فروحه بلا زحمه عليج تلفوني وين
فرح: هياته حبيبتي ، انطيتها تلفونها
لين: دكيت ؏ ماما كتلها تعالي وطمنتها انو مبيه شي بس مجرد ضغطي
اسد: دكت عل امها وحجت وياها ، بقينه اني وفرح لحد متجي امها
ام لين: رحت على لين، لج ها ماما شبيج حبيتي اسم الله عليج شصايرلج مو كتلج انتي تعبانه لتروحين للدوام
لين: ماما شبيج لتكبرين الموضوع مجرد ضغظي نزل
ام لين: سلمت على بنيه وولدد
لين: ماما هاي فرح مراجعتي وصديقتي، وهذا استاذ اسد اخوها هوه يلي جابني
اسد: اتشرفت خاله
فرح: اتشرفت خاله
ام لين: كل الهلا حبايبي ، تسلم وليدي ما قصرت جزاك الله خير
اسد: ولا يهمج خاله حمدلله على سلامتها ، تكدر تطلع ترا اذا تريدون تطلعون اطلعكم
لين: اي اذا ميكون زحمه عليك
ام لين: يلا اني جايه وياك
اسد: يلا ، كملت استماره الخروج بسرعه لمن كتلهم اني ماما استعجلو خلصوها ، وام لين لكيتها صافنه عليه وشارده
ام لين: احس هذا الولد اعرفه ويشبه صديقتي قبل لمن جنت بالمدرسه امينه ،بعدين فزيت يكلي يلا
طلعنه ورحنه للغرفه
اخذت لين
اسد: خاله اني اوصلكم للبيت ،تفضلو
ام لين: متقصر وليدي ، اشكرك
لين: صعدت بالسياره واباوع هوه يسوق ومنتبه عليه شسالفته احس عيونه بيهم حجي شكدد ، واحسه خايف عليه هيج يباوع بقلق ! اويي اني شدخلني ايباوع ميباوع
اسد: كل الطريق واني منتبه عليها حتى خاله حست عليه دا اباوع عليها بعدين بعدت عيني وكملت الطريق وصلنه للبيت
ام لين : اشكركم حبايبي ، تفضلو ويانه اضيفكم وبعدين روحو
اسد: لا خاله خاف نتعبج اهتمي بست لين
ام لين: لا ولو ابني فوت فوت
اسد: دخلت للبيت اني وفرح حلو كلش ومرتب وبي ريحه كلش حلوه
لين صعدت فوك هيه وفرح واني كعدت بالاستقبال اجاني اتصال من عبدلله
عبدلله: لك ها ضلعي شلونك وينك ماكو
اسد: يا هلا بخير وانت والله موجود بس عندي شغل شويه
عبدلله: كمل شغلك نطلع ورا لعشه للشط
اسد: يلا تمام
عبدلله: يلا باي
اسد: باي
اجتي خاله ام لين
ام لين: خاله اسد انتو وين بيتكم
اسد:خاله هنا قريب شويه مسافه عنكم
ام لين: خاله شنو اسم ابوك
اسد: اسد (......)
ام لين: وامك شنو اسمها
اسد: امينه
ام لين: امينه(.....)!! للتنويه (.....) هاي الاقواس لعدم ذكر اسم ابو الشخص
اسد :اي خاله منين تعرفيها
ام لين: يا خاله بس كلها نور(....) هيه حتعرفني
اسد: خير ٱنشـٱللــۃ يلا خاله اني اترخص بس شوفي الي فرح خلي تجي
ام لين : ابني خليها وتعال عليها باليل خل تبقه يم لين
اسد: تمام
ام لين: راح اسد عرفته سبحان الله نفس اطباع امه وتصرفاته ناسخه نسخ يا سبحان الله شكد صار النه منعرف وحده اخبار الثانيه تالي اولادنه التقو 😩 ، صعدت للبنات اشوفهم
لين: اندمجت ويا فروحه ودا نحجي وكعدنه نشوف فلم على ذوقها
اجتي ماما
ام لين :ها حبيباتي ، فرح انتي ابقي اليوم يمنه لين اني كلت لاسد يجي عليج ورا العشه ابقي يم لين
لين: اي ماما زين تسوين والله ضايجه عاد فروحه ونستني
فرح: فديتج حبيب🥺
ام لين: يلا حتركم ترتاحون ،بالج على نفسج ماما
لين :ماشي ماما ،بقينه كاعدين عل فلم احد ما نمنه سوه
اسد:رحت للبيت فتت كبل سلمت عل امي وكتلها ماما اسئلج سوال
ام اسد:جواب حبيبي
اسد:ماما تعرفين نور(....)
ام اسد:اي ماما هاي صديقتي شعرفك بيها،هاي صديقتي من ايام المدرسه
اسد:ماما هاي تصير بنتها الدكتوره لين صديقه فرح واليوم وكعت بالشارع واني وديتها للمستشفى وفرح هسه يمها
ام اسد:ياا سوده عليه وهسه شلون صارت
اسد:زينه ماما رجعت للبيت فرح يمها بيتها ام لين مقبلت تروح
ام اسد:يا عيني يا نوره شكد مستاقه الها ولحنيتها ،سبحان الله صار شكد الزمن مفرقنه وبعدين اولادنه التقو سبحان الله 🥺
،،،
،،،
الى هنا حختم البارت وياكم اشوفكم بخير شجعوني اكملها اذا عجبتكم🎈❤️🔥🥺.
باي
