هلاو اسفه طولت عليكم بالبارت طبعا قبل كلشي صلو ؏ نبيكم(عليه الف الصلاة والسلام)يلا نبدي
اسد: طيعا اتعشينه وجان الاكل كلش طيب وجااابو چاي وحلويات وكعدنه نسولف يعني سوالف عائليه عادي كلش فرح ولين ماعرف وين راحو بقينه اني وليث كاعدين نسولف بس احسه ماعرف شبي ممرتاح كلت يمكن مستغرب او خجلان عادي اول مره يجيننه
ليث: كاعدين اني واسد بس طبعاا كل بالي يم فرح الموقف يلي صار بالالعاب مدا اكدر اتخطى ونضرات الولد مدا اكدر اريد احجي وياهاا! بس انه معقوله هيج اااغاار عليهه؟ يعني اني احبها لو شنو؟؟ بس انه اكره النسوان شلون حبيتهاا!😩💔 المهم لازم احجي وياها عندديي فكره خلي اجرب
ليث: كتبت للين على الواتس فرح يمج؟
لين: اي
ليث: اريد احجي وياها؟
لين: على شنو ؟
ليث : دزيلي رقمها وانطيها خبر انو اني اخذته دا ترد
لين: تمام ، جنه نحجي اني وفرح علمود موقف ليث صراحة اني حسيته يحبهاا وغار عليها وسوه هيج بس سكتت بعدين لمن طلب رقمها تاكدت مليون بالميه كلامي صح ، كلت الهاا
فرح: وشنو يريد مني!
لين: ما ادري كلي اكلج بس ،
فرح: بقيت افكر شنو يكول هوه تصرفاته كلش غريبة تحسو كل ساعة مود ساعة يضحك وشكد حلو يسولف وساعة هيج يبقه صافن بوجهي وعاكد حواجبه ومنطيني نضرة تخوف ما اكدر افسرها غير انو معصب ،
ليث: ضجت كلش حفظت رقمها وحاطه صورتها لابسه لابكوت وطالعه تنكرط بيي، هاي شلون تحط صورتها على مزاجهاا، كلت لامي يلا يوم كومي تاخر الوقت
ام لين: اي يمه يلا بس بلا زحمه عليج ام اسد نادي لين
ام اسد: دبقو يمنه اليوم يا عيني باتو هنا والله ماكو احد غريب
ام لين: لا خيتي هاهي تعبناكم جزاكم الله الف خير والله كلش اتونسنه واللمه وياكم كلش حلوة
ام اسد: يا عيني عيدوها مو تقطعون
ام لين:ٱنشـٱللــۃ خيتي ، يلا ليونه
لين: سمعت خاله تكول يلا ليونه حتروحون سلمت على فروحه ونزلت ما اكدرت تنزل تكول راسي ياذيني،
ام لين: وين فروحه خلي ابوسها
لين: ماما خطيه تكول راسي ياذيني
ليث: اسمعها تكول فرح راسها ياذيها شبيها😕
ام لين: يا سوده عليه يمه شجاها كلشي مبيها قبل شويه
ام اسد: لا فروحه عادي هاي كل مره هيج يبقه راسها يوجعها من تتعب
ام لين: يلا لعد خيه اخذي راحتج انتبهي عليها
ام اسد: الله وياكم عيوني
ليث: صعدو بالسياره ورحنه للبيت وكله بالي يم فرح خاف صار بيها شي واني دا احسها مو على بعضها من رجعنه ، قررت احجي ويا لين، لين تعاي لغرفتي
لين: تمام جايه
ليث: سدي الباب ودخلي ، عادي احجي شويه وياج
لين: احجي حبيبي
ليث: شنو بيها فرح ليش راسها يوجعهاا
لين: اممممم وانت ليش تسئل
ليث: لا هيج بس اطمن عليها
لين: وبأي صفه تتطمن؟
ليث:غير صديقتج وامها صديقه امي
لين: هااا بسس هيج ، ليث دكول الصراحه الله عليك انت تحب فرح مو ترا اني منتبهه عليك كله تباوع عليها وتصرفك بالالعاب مال واحد غاير
ليث: ايييي وانتيي شتريديني اسكت وهوه يباوع بكيفه اذا اسد يقبل اني ما اقبل
لين: ياا عينييي الغيرةةة🥺💗💗💗
ليث: تركي هاي سوالف بس اني اريد احجي وياها شلون خاف تفتهم غلط
لين: حبيبي صارحها وكلها احبج والله متكول شي فرروحه حيلل حبابه
ليث: ايي حيييل حبابه والله تصرفاتها مال اطفال
لين: ها ليث شجاك شو تحجي عليها
ليث: غير الصدك جنها طفلةة ، يلا روحي وسد الباب وراج
لين: تمام ، على كيفك مو تعصب عليها ترا تكوم تبجي ونبي😂
ليث: لا ما اعصب،فتحت تلفوني ودخلت لرقمها هسه اكتبب رساله لو اتصل🙂🙂🙂
كلت خلي اتصل واتصلت، مرحباا
فرح: دك تلفوني عرفته ليث من صورته الكلها هيبه ولابس البدله العسكريه والشواربب والمسدس حرفيا قمه الهيبه جاوبت كال مرحبا كلت مراحب ،
ليث: اهلا فرح شلونج شلون صرتي زينه؟
فرح : اي زينه مبيه شي
ليث: ها تمام اريد احجي وياج بموضوع بس لتقاطعيني لحد ما اخلص
فرح: تفضل
ليث: اول شي اني اسف لين اتصرفت هيج وياج او انزعجتي من تصرفي بس ميعججبني احدد يباوع على شي يخصني الشي يلي يخص ليث محد يتقرب منه اله على جثي وشغله ثانيه حكول لاميي تجي تخطبج اذا موافقه عليه ؟ فرح ترا انه احبج والله ماكدر هيج ابقه وانتي مثل لين ما اقبل حتى احد يحجي وياج ولا اقبل احط امي بموقف محلو ويا صديقه عمرها لهذا اني اجيت اسئلج بس اذا مترضين خلص براحتج علمود ما اكول لامي ، وبعد شغله هاي الصوره شيليها تمام طفلتي؟
فرح: عايشه حاله صدمه حالياا ونبي كلش انصدمتت معقوله هذا يعترف بمشاعرهه المغروررر المتكبرر يجيي يكلييي احبج وبهاي السهوله بس كلش كبر بعيني لين ماكال لا علاقه ولا شي وبسرعه طلبني للزواج بس اكيد مراح اقبل بسرعه خليي ينتضر شويه هل ضابط الخابص روحهه ، كلته تمام افكر واردلك خبر لتكول لخاله هسه ، والصوره ما اشيلها احبها
ليث: هاا بدينه عناد فررح فروحهه عيونيي طفلتي هاي الصوره ميصير تتخله على واتس بله واحد اخذ رقمج من ذولي الطايح حظهم ونشر صورتج اني شنو يصير بيه شيليها بابا او غيري اعدادات البرنامج وخليني بس اني اشوفها وبكيفج
فرح: يمايييي يغار عليه😌 ، تمام حاضر
ليث: خايبة ابوس الحاضر مالتج 😗
فرح: خجلت وسديته
ليت: سدته عرفتهاا خجلت، كتبت الها اروحح ستين فدوة لليخجل
فرح: دزلي اروح ستين فدوة لليخجل، ههههه كتبت لا اسم الله
ليث: كتبت اسم الله
كلت الها انتضرج بت كلبي😘
اسد:رحت احجي ويا لين طبعا معندي رقمها بس من الانستا راسلتها شويه وردت
لين:هلا اسد،
اسد:هلا بيج، اريد احجي وياج شويه عندج مجال
لين:لا فارغه معندي شي احجي
اسد:لين اني صراحه معجب بيج وردت اكلج بس مصار وقت اريد اسئلج اذا تقبلين بيه كزوج الج علمود اكل لامي وانه وعد ما اخلي شي ينقصج وتعيشين يمي مثل الاميرة حتى ماريد تشتغلين واذا انتي تحبين براحتج ما اجبرج وفكريي بالموضوج واني انتضر لو دهر هم باقي انتضرج
لين: قريت رسالته منصدمت لين اني حاسه يحبني واصلا اني معجبه بي وبشخصيته وانو هوه كلش متحرر وميدخل باحد بس هم اخذ رائي ماما
كلت اله تمام انتتضر مني خبر
فكرت احجي لفرح دكيت عليه
فرح:لجج لينن هيه ردت ادك عليجج عزاا صارر شي خطير،
لين:لجج هم انيييي ولج خبر يموت ،حجي انتي اول
فرح :لا انتي
لين:لعد نحجي سوه 123 اسد يحبني
فرح:ليث يحبني
لين وفرح:عزهههههه😂😂😂😂
فرح: يمه هلاا بجنتنه
لين: وانتي هم جنتنه عيني
فرح: لين موافقه انتي على اسد
لين :اي بس مكتله ومو تروحين تكوليله اموتج خلي العب عليه شويه، وانتي موافقه بليوثي
فررح: ايي طبعاا يابه ضابط وهيبة واحد يدفر النعمةة بس ها لعد دام هيج اتفقنه اني مراح اكول لاسد ولا انتي تكولين لليث وحنحسسهم انو مموافقين تمام خلي نشوف شنو يسوون
تمام
لين: تمام حنام اني عندي دوام بالمستشفى خلصت الاجازه
فرح: انيههم عندي فاينل باجر يلا باي حبي مح
لين: نمت وكعدت الصبح بدلت لبست سكراب وسكارف بشعري واخذت ايربود وياي اسمع اغاني بي من اشتغل وموبايلي وطلعت
للمستشفى
اسد: كعدت الصبح بدلت ولبست رسمي ورحت للشركه كملت كل الاشياء المتراكمه صار فترا وطلعت اشوف لين رحت للعيادة كالو بالمستشفى ورحت الها
لين: كاعده بالمكتب مالتي ودخل علييه مريض تفضل ، انطيني بس دقايق اكتب هذا التقرير
اسد: متت ضحك حتى مباوعت عليه منو ضحكت ورفعت راسها شبيك تضحك خويه
اسد: ههههههه
لين: يا اسد اسفه تفضل استريح ما ادري انت
اسد: عادي كملي شغلج بس ردت اشوفج واطلع
لين: اهاا دكعد خلي اطلب الك قهوة
اسد: تسلمين شربت قبل شويه يلا اني طالع كملي شغلج رحت دا اطلع لحكتني للباب لزمت ايدها وبستها وكتلها ارتاحي اني اطلع
لين: يمهه الحركة من المسلسلات التركيه طلع واخذ كلبي ويا
فرح: معدت متاخره الصبح لبست طقم بنطرون وستره لون بنفسجي وشال بيجي وكعب بيجي وطلعت للسايق
كملت الفاينل وطلعت مو كلش مجاوبه وضايجه وكاعده بالحديقه اشرب عصير صديقتي بعد مطلعت ، ردت ادك على لين اشوفها فززني صوت زلمه يكلي شلون طفلتي ؟
رفعت راسي اباوعله ليث عزه شجابه
فرح: ليثث شجابك
ليث: هاي بدل متكولين هلا بيك
فرح: لا اقصد شمدريك اداوم هنا
ليث: ترا انه ليث مو اي واحد ميصعب عليه شي
فرح: انتبهت بنات يباوعن اله ويبسبسون غررتتت🙂🙂🙂
ليث: حسسيتها تغير شكلها وهيه تباوع للبنات انتبهت يباعون عليه
لزمت ايدها وكتلها امشي
فرح: انصدمت بس عجبني انو سوه هيج كدامهم 😌
شبكت ايده قوي وطلعنه للنادي
كعدنه هناك
ليث: شلونج طفلتي
فرح: يا طفلة ليث اني طفلة
ليث: واحلى طفلة اشوفها
فرح:خجلت وسكتت
ليث:طول ما احنه كاعدين اكو واحد يباوع عليها اشرت اله شكو بايدي نزل راسه
فرح: شكو ليث
ليث: ماكوشي حبيبي
فرح: يمه🥺💗
ليث: شبيج سكتي السانج شطوله بس كدامي تسكتين
فرح: انت تخوف
ليث: اني اخوف معاش يلي يخوفج بنتي غير اخاف عليج
فرح: امممم ، ليث
ليث: عيون كلبي
فرح: خجلت ااا شسمه خلي نطلع هسه يجي السايق
ليث: تركي اني اوصلج ، خايبه طالع من الواجب بسببج كل اليل منايم هسه تريدني اعوفج والله ما اعوفج اله اسمع الرد يلا
مجااوببتيني؟؟
فرح: على شنو
ليث: ها نسيتي شنو حجينه باليل
فرح: لا
ليث: يلا لعد جاوبيني
فرح:ااا...
حختم البارت لهنا اتمنى يعجبكم اسفه على التاخير 💗.
