عِـشك الجَـنوب

بـارت 2

السلام عليكم ..
رجعتلكم اليُوم بـ بـارت جديـد اتمنى ينال اعجابكم  ، خليكم ويه القصة .
____
- وكف يرشحلنه ركز على ولد بصفي يباوعلي انتبهت علي بس غلست ما حسّيت غَير دكتور تيم وهوَ يمي .
تَيم : بـ حذر ، انتبهي للمُحاضرة .
- رجع يكمل خلصت المحاضرة لم غراضه والطلاب طلعوا اخذت الملازم ردت اطلع رفع راسه باوعلي وكال ..
تَـيم : تعالي وياي شوي .
حُـور : تمام ، رحت ويا دخلنه للمكتب كال
- سدي الباب واكعدي هنا ( اشر على الكرسي المقابيله ).
حُـور : سديت الباب وگعدت .
تَيم : أنتِ تعرفين هذا الولد؟
حُـور : عفواً دكتور بس أنتَ شدخلك؟
تَيم : لتردين السؤال بالسؤال، وبعدين اني على مودج اني اعرف سوالف الشباب شنو ، يصادقج ويضحك عليج و يعوفج وبالنهاية ماكو غيرج يتضرر، والله ليش !مجتمعنه واكف ويه الولد يعني اي غلط يسوي الولد ينذب براس البنية .
حُـور : صح كلامك دكتور بس اني ما احب ولا اختلط سواء كان ولد او بنت يعني بين قوسين ( ما اثق بأي شخص يمكن بالمستقبل اثق بشخص واحد بس) .
تَيم : انتِ مثلي مسوي اضراب على الزواج لان ماكو بنية تفهمني ولا اكو وحده مخليهه براسي .
حُـور : ابتسمت ، لا تكول هيج " راح يجي يوم من الايام تحب وتزوج " وراح تذّكر كلامي هَم .
تَيم : ان شاء الله .
حُـور : يله دكتور اني استأذن خاف عندك محاضرة او تريد تطلع ، و اي شي تريده اني موجوده بـ كُل وقت .
تَيم : " حُور تصيرين صديقتي المقربة من بعد ايهم؟ "
حُـور : اي ليش لا، وعَـد راح اكون احسن صديقة .
تَيم : ابتسمت ، بعد الأحسن تكونين طالبتي وصديقتي وهسه يا صديقتي انطيني حسابج رقمج حتى اتواصل وياج اذا ما بيهه زحمة ؟
حُـور : لا ما بيهه اي زحمة انطيته رقمي وحسابي، وهسه صار لازم اروح لان خلصت من زمان واهلي مبلغتهم اجي من وكت .
تَيم : والله حتى اني تأخرت اخذنه الواهس بالحجي ، اوصلج وياي؟
حُـور : لا دكتور اتعبك وياي اني اخذ منا تكسي .
تَيم : لا بُـويه انتِ بنية وحدج وتركبين تكسي لا هاي هيه ربحنه امشي انه اوصلج .
حُـور : والله يا دكتور طلعت اعند مني .
تَيم : تَيم .
حُـور : شنو؟
تَيم : ناديلي بأسمي لان الاصدقاء ما بينهم رسميات .
حُـور : تمام .
- طلعنه من المكتب تمشينه للكراج صعدت ورا باوعلي رفع حاجبه وكال ..
تَـيم : " اصعدي ليكدام موش سَـوّاق ابوج آنـه".
حُـور : اوكِ آسـفة .
- صعدت بالصدر بنص الطريق شغل أُغنية كُـلش حلوة ..
__
أنـتَ ما تطلب ترا تأمر امر
انـتَ حاجة لازم انها تستمر
ابتدى عُمري بـ ساعة شوفتك
والي قبلك ما حسبه لي عمر
ما تمنيته واكثر بك لقيت
السعادة انتَ ومهما بك حكيت
عتمة من قبلك ترا كُل هالليال
توها تضوي بعيني يوم جيت
حَـبيبي ..
حبيبي انتَ حَبيبي ..
عَـن عُيـون الناس ودي امنعك
حتى صَـوتك بَـس انا ألي اسمعك
تاخذ العَـقل بـ جَـمالك تاخذه
غَـيرِي لَـو شافِك يـ خوفي يتبعك
لك شُـعوري قبل عيني يبتسم
ينهزم حِزني بقربك ينهزم
انـتَ ما خليت فُرصة للعتب
تدري لين الحين احس أني بحلِم
حَـبيبي ..
حَـبيبي انـتَ حَـبيبي ..
____
كُلش حَـبيت ذوقه بالأغاني
حُـور : ضحكت ، همزين لكيت شخص نفس ذوقي .
تَيم : اعجبج بالأغاني .. خاصةً الاغاني الهادئة من يكون مزاجي حلو .
حُـور : جاي احس لكيت توأمي .
تَيم : الايام جاية وشوفي طبيعتي مثلج لو لا .
- ضلينه نسولف على الاغاني والتهينه بالسوالف ما حسيت بالوقت بس بالي يم مِسك وصلت للبيت قبل لا انزل كال ..
تَـيم : يله بُـويه وصلنه .
حُـور : تمام يله تَيم معَ السلامة .
تَـيم : ابتسمت " كأنما اول مره اسمع اسمي " ، الله وياج .
رجعت لبيتنه سلمت على امي سألتني ليش متأخر اليوم ..
- يمه حُـور طالبتي تأخرت وصلتهه واجيت .
ام تَيم : زين يمه شوكت تزوج اريد اشوف مريتك جهالك وانتَ ما شاء الله دكتور جامعي يعني گد المسؤولية .
تَـيم : ان شاء الله حبيبتي بس خلي اجهز كلشي وبعدين عود اكلج خطبيلي وبعدين بنات الحَلال هواي .
ام تَيم : الله كريم يله حبيبي كوم اسبح وبدل ونام شوي .
تَـيم : اي يُمه واليوم عاجبني اخذكم انتِ و زيد نتعشه بره ،
بست راسهه وصعدت سبحت وبدلت وغطيت بالنوم .
___
مِسك : اخذت تكسي ورجعت للبيت ملهوفه اريد بس اشوف امي فتحت الباب ودخلت اركض لكيت ضَـي وريحان ..
- ها ضَـي شبيهه امي شلون صارت؟
- لتخافين حبيبتي ضغطهه ارتفع واخذوهه للمستشفى هسه اتصل عليه هُـمام جايين بالطريق .
مِسك : تمام ، صعدت للغرفتي سبحت عالسريع وبدلت نشفت شعري ومشطت وضفرته ونزلت شوية و اجوا طلعنه آنـه والبنات
- الحمدلله ع السلامة .
- ابتسمت .. الله يسلمجن بناتي .
طببوها جوه شاديلهه كانوله ( كانونه ) ومُغدي وايمن شايله ويدردم ..
ايمن : يعني الله واكبر ما كدرتي تكعدين الى تشتغلين هوَ البيت شبي قابل احنه صغار حتى نوصخه ! بعدين هذني ريحَان و ضَـي مو جاي يساعدنج .