عِـشك الجَـنوب

بـارت 4

{ بـارت 4 }
هلاا ومرحباا
شلونكم ؟
شلونهه الامور ؟
رجعتلكم اليُوم بـ بارتات مو بارت 🙂🤎

_________________
 
- مِسك : كملت المحاضرات وشفت ايمن واكف بعيد عن القاعه منتظرني رحت يمه
مسك : ايمن امشي بسرعه

ايمن : وين شكو شبيج

مسك : للبيت بس امشي ضغطي هبط ،
- اني كلت هيج وأيمن لزم ايدي وصار يمشي سريع اني اعرف بس يهبط ضغطي اصير مثل الطير المذبوح بس اتكلب وافرفح صعدنه بالسياره نزلت الجامه طلعت راسي شويه طلبت من ايمن يمشي سريع مشينه مسافه لاحظت الطريق مو طريق البيت

مِسك : وين رايحين؟

ايمن : آخذلج عصير وعلاج حته يستعدل ضغطج بسهوله .

مسك : ايمن ماكو داعي الياس عنده علاج من اوصل اخذ من عنده .
ايمن : اي مو اني انتظر منا ما نوصل للبيت ، بهاي الفتره يزيد عندج الغثيان على الاقل اسيطر بسرعه .

مسك : هزيت راسي بـ اي و گلت صح .

- وصلنه يم المرطبات نزل ايمن بس تأخر شويه واجه جايبلي عصير برتقال و حبوب لـ الغثيان ومي شربت حبايه وغصبني اشرب العصير كله شويه ضلت عندي دوخه بس انام ارتاح رجعنه للبيت ميته من الجوع والتعب لكيت الكل نايمين سألت ايمن اذا جوعان گال

- لا حبيبتي اكلت مساع ولهسه شبعان .

صعدت لغرفتي سبحت وبدلت ونزلت جوه حميت الاكل وكعدت اكل ببطئ صح جوعانه بس اذا اكلت بسرعه راح اشبع وره مده اجوع شويه وشبعت كمت لمّيت السفره وغسلت المواعين و غسّلت وصعدت مشطت شعري اجه على بالي اكوي شعري واخلي مكياج بس حيل تعبانه شسورت شلون ما كان لان نعست كلش حسيت نفسي راح اوكع ركضت للفراش غمضت عيوني ورحت بـ سابع نومه ما كعدت الساعه 8 بالليل كمت توضيت وصليت صلاة الظهر والعصر قضاء وصلاة المغرب والعِشاء كملت ونزلت شفت البنات يحضرن العشا ..

مسك : ابتسمت ، مساء الورد عليكم .
الكُل : مساء الياسمين

سَماهِـر : هلاا بنيتي شلون صرتي بعدج دايخه ؟

مِسك : لا يضل بالج ماما صرت احسن .

ساعدتهن بالعشا وصبينه مسحت ميز الطعام وفرشت السفره وبلشت انقل بالمقبلات وبعدين نقلت البيتزا بعد ما قطعتهه خليت دولكات مي وكلاصين رحت للصاله صحتلهم حتى يتعشون ..