روايه رفقآ بعشقي الجزء الثاني من شريط لاصق ... يارا سيف (مكتمله)

الفصل السادس عشر

الفصل السادس عشر

فتح لها الباب هاتفآ باستغراب ;
طلعتي بسرعه يعني ؟

اجابته بتلعثم :
عادي زهقت من القعده

دلفت الي الغرفه وتمسكت بحقائب ثم قالت :
يلا نرجع اسكندريه انا مش عايزه اقعد هنا

_ هو احنا لحقنا يا بنتي مكملناش ساعتين علي بعض اقعدي يا دينا واستهدي بالله كده

_ انا عايزه امشي مش عايزه اقعد انا حره ايه ده انت هتقعدني كمان غصب عني
قالتها بانفعال

_ لا يا ستي مش هقعدك غصب عنك بس صعب نلاقي دلوقتي سوبر جيت دلوقتي ياخدنا لازم نكون حاجزين قبلها

_ ميخصنيش اتصرف انزل دلوقتي شوف اي اتوبيس واحجز علي بليل انا مش هبات هنا

زعق بها هادي هاتفآ:
_ في ايه يا دنيا حصل ايه لكل ده

_ عايزه ارجع اسكندريه يااما هتصل برامز يجي ياخدني

_ هي وصلت انك تتصلي برامز!!! لا حاضر هنزل الغي حجز الاوتيل واشوف سوبر جيت يرجعنا انتي مش وش فسح اصلا
قالها وغادر الغرفه اما هي جلست علي الفراش بضيق ماذا تفعل!!! هادي لو علم بمقابلتها مع ثائر تلك لم يرحمها... وحاله ثائر سوف يفقد حياته !!! لا تستطيع تركه بمفرده هكذا حقق لها الكثير من الامنيات في صغرها يجيب علي الاقل ان تحقق لها تلك الامنيه قبل وفاته..
انتبهت من تفكيرها علي صوت طرقات الباب نهضت من مكانها وادارت مقبض الباب
شهقت بقوه وهي تري ثائر امامها :
امشي مينفعش هادي ممكن بجي في اي وقت

دلف الي الغرفه واغلق الباب خلفه هاتفآ :
متقلقيش انا شوفته خرج براه الفندق اكيد مش هيجي دلوقتي متعرفيش راح فين صحيح؟

_ يشوف حجز عشان نرجع اسكندريه

_ ليه كده هو انتو قعدتوا اصلا

اجابته هي :
عشان انت هنا مش عايزه هادي يشوفك

ابتسم وهو يتامل ملامحها تلك :
خايفه عليا منه

_ امشي يا ثائر ارجوك انا معنديش استعداد اخسر هادي

اغمض عينيه بالم وهو يقول :
طيب وانا يا دنيا الي هموت كلها كام شهر!!!

_ انا مفيش في ايدي حاجه اعملهالك انت ضيعت كل حاجه كانت بينا فضلت تقول مش قادر انسي الي عمي عمله فيكي وانتي السبب وحملتني الذنب كله لوحدي، جاي دلوقتي عايز مني ايه اخون هادي؟!

_ لا مش عايز منك تخونيه عايزك تبقي معايا بس كام شهر الي باقين من عمري اسمع صوتك واشوفك فيهم

_ هادي مانع عني الموبيل ومش بخرج لوحدي دايما هو معايا الي بتطلبه ده مستحيل واسمه خيانه بردو

_ ونبي يا دنيا ما تخليني اموت لوحدي انا مليش غيرك
قالها برجاء

_ طيب امشي دلوقتي وانا هحاول اتصرف بس امشي عشان خاطري