#أنارت_عتمة_قلبي
الحلقة الرابعة والعشرون الجزء الأول
------------------------------
----------------------------------------
المتابعين اللي يشكو من طول الرواية وأحداثها الممله ياستي سيبيها ليش قاعده تقري فيها
ولو سمحتو ماتحاولوش تستعجلوني بالنهاية لأنه مش راح ننهيها لين نكملها حسب ماأني مخططه
واللي تقولي الشخصيه هذه أوفر وهذيكا مش عارف شني
راهو أني مش جايبتهم من الفضاء، كلهم الشخصيات من واقعنا
وإلا مافيه حد منكم مقابلاته شخصيه أو إثنين نفس الشخصيات في حياته اليوميه
قراءة ممتعه💜
" وتجري تدابير الله ليصبح قدرك هوا نفسه مراد قلبك❤
تفائل وأستبشر
وتيقن بأنه الله ماخيبَ ظن عبده به🤍 "
#وأبتسم_ماخلقك_الله_لتعبس😊
مراد ركب وهو مبتسم بفرحة: السلام عليكم ورحمة الله وبركاته
ملاك من غير ماتقيم رأسها وتشوفله وبصوت مخنوق: وعليكم السلام ورحمة الله وبركاته
مراد بقلق: ملاك أنتي كويسه!؟
ملاك هزت رأسها من غير ماتتكلم ورفعت عيونها وتلفتت للروشن، شافت حمدي واقف في جنب الحوش وقام إيده وحياها وهيا يادوبك قامت أطراف صوابعها ولفت وجهها القدام ونزلو دموعها
ومراد اللي شاف دموعها تنهد وهو مقهور عليها ومضايق من روحه على الوضع اللي حطها فيه، ولع وطلع بسرعه بعد مادار كلاكس لحمدي حياه بيه
بعدو شويه على الحوش وملاك كانت مستمره في البكي، ومراد اللي معاش عرف يسوق بإنتباه وهو قلبه واجعها عليها ومش متحمل صوت شهقاتها اللي كانت تحاول على قد ماتقدر أنها تكتمهم بس بعضهم غلبوها وطلعو
درس على اليمين وقعد يتنهد من غير مايقول كلمه، فتح درج السيارة طلع شيشة إميه فتحها وقربها ليها من غير مايتكلم
وملاك اللي شافت الشيشه ممدوده قدامها خدتها من غير ماتشوفله
شربت منها ونزلتها
ومراد اللي كان ثابت بنظره عليها خذي طرف كلينكس ومدهولها، ومد إيده الثانيه وخذي منها شيشة الميه،
ومجرد ماخدت منه الكلينكس، لف القدام وقام شيشة الميه شربها كلها مره واحده وفتح الروشن بيلوحها بس وقف على صوتها لما قالت
ملاك خدت الكلينكس مسحت عيونها وقعدت تتنفس بقوة وهيا تحاول تضبط نفسها وتهديها، تلامحاته كيف كمل شرب وفتح الروشن بيلوح الشيشة، مدت إيدها وهيا تقول بنهي: لا ماتلوحهاش رد بالك
مراد شافلها بإستغراب: معاش فيها راهو شربتها أني، وقدم للدرج فتحه: لو تبي أهي واحده ثانيه
ملاك هزت رأسها بالنفي: لا مانبيش واحده ثانية، ومدت إيدها اللي لامست إيده من غير قصد وسكرت الدرج اللي فتحه
حركتها كانت عفويه وهيا ماركزتش وماوقفتش عندها
أنت تقرأ
أنارت عتمة قلبي
Tiểu Thuyết Chung........: مَاذا لَو أخَبرتكِ أَنكِ بَمثَابةِ مطلعِ الفَجر الأَول... لتائهٍ قَد خَاف العُتمةُ🧡
