سارة فتاة جميلة جدا بتدرس في الجامعة و زولة عاجباها نفسها جدا و شايفة انو هي جميلة جدا و ماف زول بستاهلها 😏
ماريا جات صحت سارة لانها نائمة للساعة 8
ماريا : يا بت قومي 😡
سارة : يا امي خليني انوم حبة ياخ 😲
ماريا : الشمس بقت نص الضحى ، كمان الصبح ما صليتيهو لشنو !!!
سارة : ما علي صلاة يا امي 😲
ماريا : شنو هو ، انت مش قبل اسبوع قلتي لي كدة 😡
سارة : يا امي خليني انوم يااااخ ، بعدين بصلي
ماريا : قلت ليك قومي تقوم قيامتك يا بت ، هسي امشي صلي و بطلي اعذارك دي 😠
سارة : خلاص كويس بقوم ، بس خليني خمسة دقايق بس
ماريا : ما عايزة تقومي مش ، انا بعرف اقومك كيف 😁
ماريا مشت قفلت المروحة و فتحت الراديو باعلى صوت و فعلا خطتها نجحت و سارة قامت من النوم
سارة : و الله زهجتونا ذاتو 😖،الليلة الجمعة و حتى النوم ما عايزين تخلونا ننومو
ماريا : بنات الناس الزيك بقومو من الدغش بصلو و ينضفو البيت 😒
سارة : و الله انا اعرف بنات الناس ديل وين ، بعمل ليهم ابادة جماعية 😡 ، جايبين لينا الهوى ياخ
سارة مشت الحمام ، ودخلت الحمام من غير تتعوذ كالعادة و استحمت و فضلت تعاين لنفسها باعجاب في المرايا ككل مرة و تقول : عسل عسل بس 😘
فجاءة حست بحاجة كانها بتتحسس جسمها 😈 لكن ما اهتمت بالموضوع و طلعت من الحمام
ماريا : يا بت امشي صلي
سارة : كويس يا امي بمشي اصلي جوا
ماريا : تمام
سارة دخلت غرفتها و ما صلت ، قعدت مسافة و طلعت برا نظام صلت ، ساعدت امها في شغل البيت
والد سارة اسمو محجوب ، جاء اتكلم مع سارة
محجوب : يا بتي تعالي عايزك في موضوع
سارة : موضوع شنو يا ابوي !؟
محجوب : عاصم كلمني قال لي انو في زول قال عايز عروس و هو رشحك ليهو لانك فيك المواصفات الهو عايزها 🙂
سارة : لكن انا ما عايزة اعرس هسي 😒
محجوب : يا بتي دا عاشر عريس ترفضيهو !!
سارة : بكون زي البقية زول مفلس و معدوم 😏
محجوب : يا بنتي اذا جاءكم من ترضون خلقه و دينه فزوجوه
سارة : يا ابوي الفلس دا ما حبابو و انا ما بتزوج زول مفلس 😒
محجوب : هسي انا وضعي وسط و الحمد لله قدرت اقريك انتي و اخوانك و اخواتك
سارة : هسي اخواتي كلهم عرسو مفلسين و لي هسي بشيلو منك
محجوب : انا راضي يا بتي و ديل بناتي كمان
سارة : عشان كدة انا ما حتزوج الا زول غني عشان اديك ما اشيل منك
محجوب : الله يهديك يا بتي ، انا ما عايز غير استرك بس ، هسي انا اقول للزول شنو !!
سارة : خلاص مواصفاتو شنو العريس دا 😒
محجوب : هو قال لي انو نائب اخصائي و شاب صغير في العمر
سارة : ما تقول كدة من الصباح 😍 😍، طيب انا موافقة اشوفو و ما دام نائب اخصائي اكيد بكون مقرش 💶💶
محجوب : و الله ما سالت عاصم اذا كان عندو قروش او لا ، بس سالتو من اخلاقو و شكرها لي
سارة : ما دام نائب اخصائي اكيد بكون اخلاقو حلوة و سمح لان القروش بتمشي للسمحين بس و بتسمح الزول ❤
ماريا : ههههههه والله انتي تطلعك دا حيوقعك
سارة : والله الطموح ما عيب 😁
محجوب : طيب هو حيجي المساء بعدين تشوفو بعض و اذا حصل قبول بكلمو يجيب اهلو و نتم الموضوع
سارة : مية مية
سارة قالت في نفسها : لو جاء هسي ما مشكلة لاني واثقة اني حأعجبو لانو جمالي مافيهو اتنين بختلفو فيهو 😍
و فعلا سارة لبست فستان كحلي سادة و عملت مكياج خفيف ،، طلعت جميلة جدا و اي زول لو شافها حينبهر بي جمالها الطبيعي و الفاتن
جاء عاصم مع العريس و العريس اسمو جمال عشان يشوفو سارة
جمال : السلام عليكم عم محجوب
محجوب : و عليكم السلام
عاصم : طبعا يا عم محجوب ، جمال دا اعز اصدقائي و لمن قال لي عايز يتزوج ما جاء في بالي غير بنتك لانو ما شاء الله ادب و جمال 🙂
محجوب : دا من كرم اصلك
جمال : طبعا انا ما شفت بنتك لكن جيت بالسمعة الطيبة و انا بثق في اختيار صديقي عاصم و ان شاء الله يحصل كلو خير 😊
محجوب : تسلم كتيير على كلامك ، نحن بنشتري راجل يا ولدي
محجوب و جمال اتعرفو على بعض ، محجوب اتكيف منو و من طبعو و من كلامو ،،، قام نادى سارة عشان العريس يشوفها و تشوفو
سارة جات داخلة بي خجل 🙈 و كانت بتسرق النظرات عشان تشوف العريس و جمال عجبها جدا 😍
لكن غير المتوقع انو العريس لمن شافها قام مخلوع جدا 😳😳و عاين لصحبو باستغراب لانو شافها مشوهة و قبيحة جدا
يتبع...
