خالد كورك بصوت عالي و مخيف : انا مش قلت ليك لو عايزاني معاك اوعي تصلي . ليه مشيتي تصلي 👺
سارة اتخلعت 😧 و رمت التلفون و بقت تكورك و منال شغالة تقرا ليها قران و سارة اتضايقت اكتر
ماريا مشت كلمت محجوب انو سارة ملبوسة بي جن 😢
محجوب : 😳😳 كيف بتي ملبوسة
ماريا : الظاهر كدة انو ممسوسة بي جني و بكت ماريا 😭
محجوب : لا حول و لا قوة الا بالله
ماريا : انا حتصل لي سعاد جارتنا لانو بتعرف ليها شيخ كويس
محجوب : كويس عشان تتعالج و ان شاء الله تتعالج 😔
ماريا اتصلت على سعاد جارتهم و سعاد قالت ليها : اجي يا بت امي جن عديل ، ما تخافي طلبك عندي
ماريا : الله يخليك لي يا سعاد 😔
سعاد : طيب اطلعو و تعالو لي البيت عشان نمشي طوالي
ماريا : كويس و ففلت الخط
ماريا : نحن حنطلع و انت امشي شغلك
محجوب : لا ما بخليكم براكم
ماريا : ما تخاف انا معاها و سعاد برضو
محجوب : طيب خلي القروش دي معاك و لو احتجتو لاي حاجة وريني
ماريا : كويس
محجوب مشى شغلو و كلم عاصم انو يرجعهم البيت
ماريا مشت لي بتها الغرفة
ماريا : قومي يا سارة نوديك لشيخ عشان يطلعو منك الجن دا
سارة : انا خايفة يا امي 😰
ماريا : ما تخافي انا معاك
منال : انا حامشي معاكم يا خالتو
ماريا : ما تتعبي روحك يا بتي ، انتي امشي جامعتك و ودي الاورنيك دا ليهم عشان الحضور و اعمال السنة
منال : طيب كويس ، بتصل عليك بعدين بعد ترجعو
ماريا : تسلمي يا بتي ، ادعي ليها بس
منال : اكييد حادعي ليها يا خالتو ،، و يا سارة ما تخافي حتبقي كويسة ان شاء الله 😊
سارة : ان شاء الله يا منال 😥
ماريا ساقت سارة ،، عاصم وصلهم بيت ناس سعاد و ماريا شكرتو
عاصم : لو احتجتو لاي حاجة وروني ، بعدين بمر عليكم في البيت
ماريا : الله يخليك
عاصم من هناك مشى شغلو
ماريا دخلت لسعاد و اجرو امجاد عشان يمشو للشيخ القالتو سعاد و وصلو البيت
ماريا و سعاد و سارة دخلو البيت بتاع الشيخ و لمن دخلو لقو حريم كتار موجودات و فيهو غرفة منفصلة دي غرفة الشيخ لكن في الحقيقة دا دجال ما شيخ 😔
و مشو سجلو و بعداك قعدو عشان ينتظرو دورهم وماريا سمعت الحريم بتونسو و لقت الجاية تعمل سحر و منهم الجاية دايرة عريس و منهم الدايرة اطفال و منهم الدايرة عمل لي ضرتها او حماتا
ماريا : دا شنو يا سعاد ،، الحريم ديل خوفوني 😰
سعاد : ما تخافي دا شيخ سرو باتع و بعرف لاي حاجة
ماريا : خايفة يكون دجال ساي
سعاد : اوعي تقولي كدة دا زول مبروووك و لو سمعك يقوم يسخطك هسي 😰
ماريا : يسخطني شنو 😒، الله يستر والله قلبي ما مرتاح للمكان دا لكن عشان بتي مضطرة 😔
جاء دور سارة و ماريا و سعاد دخلو معاها
و لمن دخلو الغرفة لقو فيها جماجم حيوانات 💀 و غراب محنط و الحيطة مليانة دم و ريحة الغرفة عفنة و كريهة جدا 😰
ماريا : دي شنو الريحة دي ،،افييي
سعاد : اسكتي دا كلام شنو 😐
ماريا : 🤐😑
و لقو قدام الدجال مبخر ونار و كمية من الورق و اجزاء من المصحف وسخانة و مرمية باهمال و كمية من السبح
الدجال : حي حي و بنادي باسماء غريبة و بيقول في كلام ما مفهوم و قال : اتفضلي يا سارة بت ماريا و اتفضلي يا ماريا بت فاطمة و سعاد بت السر
ماريا : عرفت اسامينا كيف 😳😳
الدجال : انا بعرف اي حاجة و عارف انتو جاين لشنو ، بنتك ملبوسة بجن بعشقها بجنون ، حيييي حيييي و يرمي البخور في النار
ماريا بكت 😭: ايوا يا شيخنا و بتي حالتها كعبة زي ما شايفها ،، ارجوووك عالجها
الدجال : ما تخافي حتتعالج اكييد ، ما دام جات هنا
الدجال قال كلام ما مفهوم و قرا ايات من القران بالمعكوس و قدامو كمان في ايات مكتوبة بالدم و عامل حجابات كتيرة بارقام و طلاسم غريبة
الدجال : لازم ترمي البياض اول
ماريا : عايز كم ؟
الدجال : بصوت مخيف دهب و كلو ليهم برووووح و بمشي للجن عشان يوافق يطلع منها
ماريا : طيب هاك خاتمي دا 💍و ادتو ليهو
الدجال : كمان لازم تضبحي خروف اسود كبير بي قرن واحد
ماريا : خروف شنو كمان 😧
الدجال : لو عايزة بتك تتعالج لازم تعملي كل البطلبو منك من غير تجادليني 😠
ماريا عاينت لسعاد و عاينت لسارة المتكلة في كتفها تعبانة و ما قادرة تتكلم 😔
سعاد : وافقي يا ماريا عشان بتك
ماريا : انتي متاكدة دا شيخ 😰
سعاد : اي شيخ و عالج كم واحدة بعرفها
ماريا : كويس لكن انا القى الخروف وين و سالت الدجال
الدجال : جيبي قروش الخروف و نحن عندنا هنا
ماريا قامت ادت الشيخ القروش المعاها كلها
و جابو الخروف و ضبحو جنبها و الدجال قال ليها : خلي بتك تتمسح بالدم دا
ماريا اتخلعت و قالت : 😳 تتمسح بالدم لشنو !؟
الدجال : مش قلت ليك ما تقاطعيني 😠
ماريا : خلاص حااااضر
و صحت سارة لانو كانت دايخة و كلمتها انو تتمسح بالدم
سارة : بصوت تعبان دا شنو يا امي ما بتمسح بالدم و بكت 😭
ماريا : يا بتي عشان تتعالجي و الجن دا يسيبك
سارة : 😢 لكن
اتمسح بالدم !!
سارة عاينت و لقت خالد واقف بعيد و بضحك باعلى صوووت 👹و قال بصووت مخيف : انتي لي و ما بخلييييك و سارة بدت في الصراخ
ماريا : لازم تتمسحي بالدم
سارة عاينت للدم و عاينت لخالد البضحك 👹 و ......
يتبع...
توقعاتكم و اراءكم...
