منال طلعت برا و اتفاجأت 😳لانها لقت سارة بتتكلم براها و تتبسم 😊 كأنو معاها زول و هي ما شايفة اي زول واقف معاها 😰
منال : بسم الله الرحمن الرحيم ،، سارة دي جنت و لا شنو !! ، بتتكلم براها كدة ، وينو خالد دا كمان !؟ 🤔، الموضوع دا ما بطمن ،، انا لازم اتصل عليها
منال طلعت تلفونها و لقت موبايلها قافل شحن
منال : بسم الله متين قفل التلفون ، كانت البطارية فل 😧
و عاينت لسارة لقتها مشت و قالت : طيب بوريها بكرة لمن تجي الجامعة ان شاء الله
سارة مع خالد في العربية
سارة : بالجد انت يا خالد غيرت فيني كتييير 🙈
خالد : غيرت فيك كيف حبي ههههه
سارة : اولا بقيت شاطرة شديد و كمان حبك لي كتييير و انا عمري مافي زول حباني كدة 😍
خالد : انتي زولتي و حتكوني لي للابد ، مافي زول حياخدك غيري 😈
سارة : كمان انا عايزة اعترف ليك 😔 و ما عايزاك تزعل مني ،، انا كنت زولة مستهترة و ما بصلي و حتى الصوم ما كنت بقضيهو خالص و لا بتحصن لكن تاني اوعدك اني حاصلي و اصوم و اتحصن عشان تكون معاي طوالي 😊
خالد وقف العربية فجاءة و قال ليها بلهجة فيها حدة 👺 : لو عايزاني معاكي اوعي تصلي او تتحصني 😡
سارة : دا كلام شنو دا ، بطل الهظار البايخ دا يا خالد 😒
و في اللحظة دي تلفون سارة ضرب و لقتو ابوها و خالد دور العربية و سارة ردت
سارة : ابوي 😍 ، امي ورتك
محجوب : اي ورتني ، الف مبروووك ليك 😍 ، ما عارفة فرحتيني كيف ، انتي وين هسي !؟
سارة: انا قربت على البيت
محجوب : تمام ، تصلي بالسلامة لانو كلنا منتظرنك عشان نحتفل بيك 😊
سارة : خمسة دقايق بالكتير بكون معاكم ان شاء الله
محجوب : ان شاء الله
سارة وصلت و نزلت من العربية ، ودعت خالد و في السكة فكرت في كلام خالد انو ما تصلي و قالت في نفسها : اكيد عايز يختبر ايماني ، غياظ خلاص 😏
وصلت البيت و امها و ابوها فرحو بيها جدا ، لقت اخواتها و اخوانها عاملين تورتة و منتظرنها
و اتحفلت الاسرة مع بعض 😍و البيت جاط بسبب الشفع و اتوسخ
سارة قامت نضفت البيت براها و بنشاط غريب 😳 كأنو في زول بساعد فيها 😈 و حتى ناس بيتهم استغربو !
ماريا : ما شاء الله يا بتي ، شغل تلاتة انفار بشتغلوهو في ساعة عملتي في تلت ساعة 😊
سارة : هههههه دا شغل ساهل
ماريا : بالجد اتغيرتي كتييير يا سارة ، الله يحفظك 😊
سارة : الله يخليك لي يارب
اخوات سارة رجعو بيوتهم و اخوانها المتزوجين رجعو بيوتهم كمان و الما متزوجين مشو النادي و سارة مشت غرفتها
و لمن دخلت الغرفة حست انو نفس خالد معاها 😈 و حست انها محتاجة ليهو و هاجت شهوتها
قامت مشت نامت و كسلت من الصلاة
و اثناء نومها احتلمت بي خالد و حست كانو بجامعها جماع كامل 👹 و هي كانت مستمتعة في الحلم معاهو و ما صحت الا على صوت اذان الصبح و لقت نفسها بالجد احتلمت و من غير ملابس 😳 و خافت لانو حست بكل مراحل الجماع و خافت انو تكون فقدت عذريتها لكن لقت انو مافي دم نزل منها و اطمنت
قالت في نفسها 🤔: انا لي بقيت احس كدة و طوالي مثارة ، منو القلع لي ملابسي و ليه بحس انو خالد معاي !! ، انا لازم اتزوجو عشان الخيالات دي حتجنني اكيد ، انا حأفاتحو في موضوع الزواج ، لكن انا لازم اتغير اول عشان استاهلو و اصلي ، عشان خالد يكون لي و ربنا يحفظو لي و انا عايزة ابقى زوجة صالحة ليهو 😍
قامت من السرير و مشت الحمام و لاول مرة استعاذت قبل تدخل الحمام ، كانت حاسة انو في حاجة بتمعنها تستعيذ 😈 لكن استعاذت و دخلت الحمام و اغتسلت و اتوضت
و امها لمن شافتها بتتوضا في الوضايات اتبسطت جدا 😍 لانو سارة اول مرة تقوم لصلاة الصبح حاضر
ماريا : ما شاء الله يا سارة ، انا اسعد انسانة اليوم 😍
سارة : انا اتغيرت يا امي و الفضل برجع لخالد 🙈
ماريا : خالد منو !!!
سارة : بحكي ليك بعدين بعد اصلي ، بجيك في المطبخ نعمل الشاي سوا 😊
ماريا : تمام
سارة اتوضت و دخلت غرفتها ،، مشت وقفت في المصلاية و عايزة تقرا السور
لقت انو هي ناسية السور و ما متذكرة و لا سورة كويس 😳😳😳 و اثناء هي في المصلاية في حاجة خبطتها قوووي في راسها 👺 وسارة وقعت في الارض 😰
يتبع...
توقعاتكم و اراءكم...
