جمال شاف سارة قبيحة جدا و مشوهة 😳 لمن خاف منها
جمال قام مخلووع 😳 : يا جماعة و الله الزواج قسمة و نصيب لكن بعتذر ما بقدر اكمل 😑
محجوب : ليه يا ولدي ، في شنو 😳
جمال : مافي حاجة يا عمي لكن اهم حاجة في الزواج الايجاب و القبول و انا ما حاسي باي قبول تجاه بنتكم 😑
محجوب : مافي قبووول تجاه بتي !!! ، وضح يمكن ما فهمتك ! !
جمال خجلان منهم : بصراحة بنتكم ما عجبتني و انا ما بقدر اعرس واحدة ما حاسي تجاهها باي شعور 😶
محجوب : 😳انت جادي !!!! ، كيف ما عجبتك !!
الحضور كلو انصدم ، سارة 😳 و امها و ابوها و عاصم و استغربو من كلام جمال و كانت في 🤔 استفهامات في راسهم
سارة : 😡 انت جايي تهيني في بيتنا ، و كمان تقول علي قبيحة ، انا اجمل بنت في الحلة دي و الكل يشهد بي كدة 😠،، انا الما عايزاك بعد دا حتى لو بقيت اخر راجل 😠 ، قال ما عجبتني قال 😏
جمال : معليش يا جماعة بعتذر لكن بالجد انا ما شايف اي قبول تجاها و كمان بنتك مشوهة ما قبيحة بس و انا ما حقدر اعيش معاها ،، لازم يكون في حاجة تسرني فيها 😐
محجوب : انا بنتي ما مشوهة 😠 و ما تتكلم فيها كتير ،، احسن تسكت لحدي هنا 🤐 ، خير يا ولدي ، الزواج قسمة و نصيب ، اتفضل
جمال : طيب بستاذن انا
عاصم : اسف يا عم محجوب و الله ما كنت عايز دا اليحصل
محجوب : ما مشكلة يا ولدي 🙁 ، اتفضلو
جمال و عاصم طلعو
عاصم : دا شنو العملتو دا يا جمال ، ليه تحرجني كدة قدام الناس و تعيب البنت 😠 ، انا لو كنت عارفك حتعمل كدة ما كنت كلمتهم ، شكلك شايف الزواج لعب 😒
جمال : انا كنت جادي والله لكن انت السبب ، انت ليه تغشني و تقول لي البنت جميلة جدا 😒
عاصم : انت بتستهبل و لا شنو !!!
جمال : كيف بستهبل ، و الله البنت ما قدرت اعاين ليها مرتين من قباحتها 😏 و كمان تخوووف عدييل
عاصم : استغفر الله العظيم ، و الله العظيم دي اجمل بنت في الحلة و انا لو ما كنت متزوج ما بخليها تضيع من يدي و جبتها ليك عشان انت صحبي و بدور ليك السمح ، لان هي فيها كل صفاتك
جمال : و الله يا انتو عمانين يا انا عميان ، من قبيل شغالين لي انها جميلة جدا و البت برضو شايفة روحها كدة ، الجمال دا غيروهو و لا شنو 😏😏 ،، انا عكسكم تماما على فكرة ، ما شايف فيها اي جمال بالعكس عينها واحدة مقلووعة عديييل و خشمها زي فيهو دم كانها شارباه 😖 ، و دا غير وشها المشوه ياخ نصو محروق ، اللهم لا اعتراض على خلقك
