لآ مُـسـتَحيـﮯلَ فيـﮯ آلحُب♥

البارت السادس

السلام عليكم ورحمة الله وبركاته

غذرا احبتي على التأخير بس جان واهس ماكو وهسة رجع 😂.

بقلم#Umm Al-Sour
🌹🌹🌹🌹🌹🌹🌹🌹🌹🌹🌹🌹🌹🌹

في امريكا........

صفاء وهي تحمل اكواب القهوة: هلا بيك ابو سمرة شونك عاش من شافك لا تمر لا تسأل

جانا ضلت تضحك على حجي امها ومراد مبتسم كوة كاتم ضحكتة لان يدرون سامر يضوج من كلمة ابو سمرة

سامر بابتسامة جميلة: هلا بيج عمة والله هليام مشغول بالشركة عدنا كومة شغل وصفقات وابنج الله يسلمة مجلب بياختي ماينطيني مجال اتنفس شغل فوك شغل

صفاء: هههه الله يساعدك يا ابني بس والله مراد مايسوي هيج بس لان يثق بيك وانتة مثل اخو فتحمل
وانت مراد هم خف شوية على ابن عمك خل يرتاح

مراد حط رجل فوك رجل ويحجي بأريحية: خلص صار يدلل ابو سمرة

سامر عقج حواجبة: لا لا عاد لهنا وكافي شفتي عمة من وراج كامت كلها تصيحلي ابو سمرة وخليتي العالم تشمت بية لوما اني اشكر وابيض وعيوني تخبل اشجابني عالسمر

الكل كامو يضحكون على كلام وعفوية سامر

جانا كامت من مكانها وكعدت بصف سامر: كافي كاااافي ديلة بطلو ضحك هسة خلوني احجي

صفاء خزرت جانا على تصرفهة الطفولي وسامر انتبهلهة

سامر خلة ايدة على كتف جانا : امممم اي تددل اختنا جانا كولي شتردين تحجين

جانا برجاء: سامر الله يخليك اذا تحبني وتعتبرني اختك الزغيرة الله يخليك اخذني طلعني ونسني وفرني علمولات والالعاب والله هاي اني منهد الامتحانات مطالعة كلة دك قراية بقراية ومراد مغلس علية مكضيها طلعات وي كيان البيست وبابا اربع وعشرين ساعة بالمستشفى وماما خوو ماما ما احجي بيها خليني ساكتة
لا وليكتلك كلما اريد اخذ ريست من الدراسة شافني ابوي وكال روحي اقري لو شافني مراد وكال امشي اقري لو تشوفني امي وتكول ولي اقري مليييييت يا نااااس تعبت والله

صفاء بعصبية: ولججججج انتي هم الج عين تحجين لاوليسمعج يكول مشرمتهة لوما طالعة بستة وهاي عدتي السنة الثالثة

جانا: يوووووو ماما هي شنية يومية مذكرتني بالسالفة خلص اني بذلت كل جهدي وما قصرت بس شسوي ما انجحححح مااا انجححح

مراد بصوت خافت: احم اي مبينة باذلة كل جهدج

جانا عضت شفتها لمراد بمعنى رحمة لوادليك استر علية ولا تهيج المواجع

كل هذا الصار امام عيون سامر وجان ميت من الضحك على منضر جانا وصفاء وعركهن

سامر: خلص هذا هوة اليوم اخذج ونروح نطلع وين متردين